Danɛl 12:12 - EBƆRƐ BE KAWƆL

¹² Kagbenefuli beeŋ baa la bekama nɛ b ji kashenteŋ n ya fo nchɛ kagboŋ nɛ alfa asa nɛ adesa nɛ anu na peya nna.

Danɛl 12:12 ပူးပေါင်းရင်းမြစ်များ

Aizaaya 30:18

Ama amo nɛ amo kikɛ Enyɛnpe Ebɔrɛ na kraa jo nɛ e wu menyi kuwɔr nna. E wora shiriya nɛ e shu menyi so ŋkpal e kaa bee wora asheŋ nɛ a daga jemanɛ kikɛ na so. Kagbenefuli la bekama nɛ bumo be yirda wɔ Enyɛnpe Ebɔrɛ na to na peya nna.

Ezikɛl 4:6

Kumo be kaman nɛ fo naŋ kilgi n dese fo jisoso malɛ nchɛ adena, a ŋini Juda be basa malɛ be kasogberge nɛ baaŋ nya. Kachɛ koŋwule kama yili n sa kafɛ koŋwule be awurfoŋ nɛ baaŋ ji nna.

Danɛl 8:14

Nɛ n nu malaika nyɔsopo na malɛ ka kaŋɛ le: “K beeŋ wora loŋ kapa nɛ kanyɛ be nchɛ ŋgboŋ anyɔ nɛ alfa asa pɔɛŋ nɛ bɔrɛlambu na e fɔr so ŋ ki cheembi nɛ b naŋ fara a shuŋ Ebɔrɛ kumo to.”

Romebi 11:15

Ŋkpal manɛ so, Ebɔrɛ ka daŋ kini bumo na so, durnyaebi nɛ b ka na nɛ Ebɔrɛ daŋ ba abar so nna. To, nɛ naniere Ebɔrɛ naŋ sɔ bumo, nuso nɛ asheŋ beeŋ baa du? Kumo ere bubuni beeŋ nya ŋkpa nna na.

Kelaraŋŋini 11:2

Ama sa maŋ ta kusɔ kargaso na ŋ karga lambu na be laŋ na bre, ŋkpal manɛ so, b ta ndoŋ nna n sa nnyamase, bumo alɛ beeŋ nɔkɔr kadegboŋ cheembi na to afɔl adena nɛ anyɔ.

Kelaraŋŋini 12:6

Nɛ kache na malɛ shile n luri kiyi to be kakpa nɛ Ebɔrɛ lɔŋɛ n yili mo fanɛ e baa wɔ ndoŋ a nya kekeniso nchɛ kagboŋ nɛ alfa anyɔ nɛ adeshe na.

Kelaraŋŋini 13:5

B daŋ sa kusɔbɔya na kɔnɔ nna nɛ e malga ŋkpenso be mmalga nɛ mmalga mo nɛ a bee ji Ebɔrɛ emɔrɔ nseŋ nya ekpa nɛ e ji mbe eleŋ afɔl adena nɛ anyɔ.

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.