Danɛl 12:10 - EBƆRƐ BE KAWƆL

¹⁰ Basa damta beeŋ lara alubi ashi bumo be ŋgbene to. Basa lubi bre maa ba nɛ b pin asheŋ to kikɛ, b kraa beeŋ lubi gba n ti so. Ama bekama nɛ b nyi asheŋ bre, beeŋ nya asheŋ be kepinto.

Danɛl 12:10 ပူးပေါင်းရင်းမြစ်များ

Nshɛ 107:43

Ekama nɛ e kɔ kanyiasheŋ, e baa nyiŋi asheŋ ere nsaa fɛ Enyɛnpe Ebɔrɛ na be kasha nɛ k maa loge na be asheŋ.

Nshɛ 51:7

Ta hisɔp n fɔr ma so nɛ n nyalɛ so n fuli fanɛ ateebi.

Aŋasa 1:5

A bee sa benyiashempo kenyi nna a ti so, nsaa chɛ bekoyapo to nɛ baa tiŋ a lara asɔ nɛ a daga kewora;

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Ezikɛl 47:11

Ama apa nɛ a dese m mata teku na bre be nchu nɛ a kɔ nfɔl na bre be nfɔl maaŋ lar amo to, saŋɛ na so basa beeŋ baa nya nfɔl amo to a wora asheŋ.

Danɛl 11:33

Bejuŋkparpo nyiashempoana na beeŋ ŋini basa damta asheŋ, nɛ b mɔ bumo be beko kena to ŋko nɛ b chɔɔ bumo m mɔ, n suge beko malɛ be asɔ nseŋ ti bumo ebu. Ama kumo be loŋ maaŋ chɛr.

Danɛl 11:35

Ebɔrɛ beeŋ bɔla tɔrɔ nɛ benyiashempo juŋkparpoana na be beko beeŋ luri to na so n shin nɛ b fɔrso n nyalɛ so a jo lalaloge be saŋɛ nɛ k bee ba saŋɛ nɛ Ebɔrɛ yili na.

Danɛl 12:3

Ekama nɛ e kɔ kanyiasheŋ beeŋ baa nyɛkpɛ fanɛ epeŋi ashi awɔlpa to. Bekama malɛ nɛ b ŋini basa damta asheŋ nɛ a niŋi be kewora, beeŋ ba nyɛkpɛ fanɛ achɛkpabi mbaanaayɔ.”

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Malakai 3:3

Mbe demu be keji beeŋ baa du nna fanɛ b ka ŋalga gbiti a lara amo be eyurpi nna. Kananɛ bɔyɛpo bee ŋalga gbiti nɛ shuwa a lara amo be eyurpi na, nɛ Enyɛnpe gba beeŋ fɔr bɔrɛmatapoana na so, saŋɛ na so baaŋ ta esarga nɛ a daga m ba sa mo Enyɛnpe Ebɔrɛ na.

Maak 4:11

Nɛ Yesu kaŋɛ: “Ebɔrɛ bugi kuwura na to be kesheŋ ŋini be ewulo nna n sa menyi, ama aŋasa to nɛ basa pɔtɛ bre beeŋ nu Ebɔrɛ be kuwura na to be asheŋ.

Luuk 24:25

Ndoŋ nna nɛ e kaŋɛ bumo le: “Men maa wora nfɛra kuraa, ŋkpal manɛ so, asɔ nɛ anebiana na sibɛ n nase na kikɛ be keta n wɔtɔ menyi be ŋgbene to du menyi so kpakpa kashenteŋto geeŋ.

Baru lela nɛ Jɔn kute na 18:37

Ndoŋ nna nɛ Pailat bishi mo: “Kumo ere, ewura e la fo nna ŋko?” Nɛ Yesu kaŋɛ mo: “Kumo nɛ fo baa kaŋɛ na. Kesheŋ nɛ mee sha kekaŋɛ ere so nɛ b kurge ma. Kumo koŋwule na malɛ so nɛ m ba durnya ere to fanɛ m ba malga kashenteŋ na be asheŋ. Esa kama malɛ nɛ e wɔ kashenteŋ na to bee nu nna a sa ma.”

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Baru lela nɛ Jɔn kute na 8:47

Esa kama nɛ e la Ebɔrɛ peya bee nu asɔ nɛ Ebɔrɛ bee kaŋɛ nna. Men ka maŋ la Ebɔrɛ peya so e shin nɛ men maa nu asɔ nɛ e bee kaŋɛ na.”

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Hibruwebi 12:10

An tuto kurgesoana daŋ niŋi n niŋi anyi ekpaana kananɛ b daa fɛ fanɛ k walɛ nɛnɛ n sa bumo nchɛnnyɔ ko nna, ama Ebɔrɛ bre bee niŋi anyi ekpa nna ŋkpal anyi gbagba be kechɛto so, saŋɛ na so nɛ an tiŋ n tu mo n nya mbe kebaawɔtɔ cheembi na.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 1:7

Le be kechɔŋkeni ere bee ba menyi so nna nɛ a ba keni ŋko menyi be yirda na kɔ eleŋ a. Men baa nyi fanɛ hale shuwa nɛ k bee jija ere gba, baa kaa ta edɛ a wora kumo a keni. To, loŋ koŋwule na e daga fanɛ men be yirda mo nɛ k chɔ shuwa na gba, b ka chɔ kumo ŋ keni ŋko k beeŋ tiŋ n yili a. Saŋɛ na so baaŋ di menyi epaŋ nseŋ sa menyi kemaŋkura nɛ bunyaŋ kacha nɛ Ebɔrɛ beeŋ lara Yesu Kristo ŋ ŋini na.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

Kelaraŋŋini 16:11

nseŋ malga ŋ gbiti Ebɔrɛ nɛ e wɔ ebɔrɛso na. B daŋ wora loŋ nna ŋkpal bumo be ebesa na nɛ bumo be achuuana na so so, ama b daŋ kini kelar bumo be alubi mo nɛ b daŋ wora na bre to.

Kelaraŋŋini 19:14

Ebɔrɛso be benapo daŋ buu wajɛ fuful lela nɛ a walɛ so n fuli parr nna n dii egbaŋɛ fuful m bɛ mo so.

Kelaraŋŋini 19:8

E nya wajɛ fuful lela nyɛkpɛso nɛ k walɛ so nɛ e buu. Kusɔbuuso lela na e naa yili fanɛ Ebɔrɛ be basa laraso be alelasheŋ be aworbi.”

Kelaraŋŋini 22:11

Esa kama nɛ e bee wora alubi e baa kraa wora amo, ekama malɛ nɛ e kɔ eyurpi mo to e baa kraa du loŋ. Ekama nɛ e bee wora alela e baa kraa wora alela na nɛ ekama malɛ nɛ e du cheembi e baa kraa du cheembi loŋ.”

Kelaraŋŋini 3:18

Amoso, mee sa menyi nfɛra nna fanɛ men tɔ shuwa mo nɛ a maŋ kɔ saŋgre kikɛ amo to ŋ kutɔ, saŋɛ na so menyeeŋ dii dama. Men tɔ asɔbuuso fuful gba ashi ŋ kutɔ m buu men be anishinyɔr be eyurkpaŋ na so nseŋ tɔ kudur malɛ gba n fɔr men be anishiana so n tiŋ a wu.

1 Samuɛl 24:13

Dra kikɛ nɛ baa bɔ keŋasa a kaŋɛ fanɛ: ‘Basa lubi e naa wora kulubi.’ Amoso ma ere maaŋ wora fo kulubi kikɛ.