Danɛl 11:45 - EBƆRƐ BE KAWƆL

⁴⁵ Kede be kaman nɛ e yuu bewura be wajɛbu gboŋgboŋi ashi Teku nɛ baa tre Mɛditerenia nɛ k wɔ epeŋitɔrkpa na nɛ kebee nɛ bɔrɛlambu na yil so na be kefɛato. Ama ndoŋ nɛ e beeŋ wu nɛ esa kama maŋ chɛ mo to.”

Danɛl 11:45 ပူးပေါင်းရင်းမြစ်များ

Nshɛ 48:2

Mbe kebeegboŋ cheembi na du jeŋgreŋ nna nsaa walɛ. Nɛ Ebɔrɛ Ewurgboŋ nɛ e wɔ kumo so na bee sa durnya to be basa kikɛ kagbenefuli.

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Aizaaya 14:13

Fo daŋ kre fo kagbene to nna fanɛ feeŋ dii n yɔ ebɔrɛso n ya baŋ achɛkpabi nɛ a wɔ awɔlto so na n ya chena ndoŋ a ji kuwura. Fo daa fɛ fanɛ feeŋ chena fanɛ ewura nna ashi kebee nɛ k wɔ kelargato be esoso be kakpa nɛ baa shɛr na.

Aizaaya 2:2

Lalaloge be nchɛ na to kebee nɛ Enyɛnpe Ebɔrɛ na be bɔrɛlambu na yil so na beeŋ ba ki abee kikɛ to be kejeŋgreŋ, nɛ efuli damtaana be basa e shile m ba kumo ase

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Aizaaya 65:25

Ekuŋtuŋ nɛ mbolpɔ fɔlbi beeŋ tu abar a ji nɛ ebuluŋ e ji afitiri fanɛ ana. Awɔ beeŋ baa ji eshishɛr, amo alɛ maaŋ naa duŋ basa a mɔ. Kusɔ lubi kikɛ maaŋ naa wɔ ma kebee cheembi nɛ baa tre Zayɔn na so. Ma, Enyɛnpe Ebɔrɛ e kaŋɛ na.”

Aizaaya 66:20

Bumo alɛ beeŋ bɛta men kurgepoana ashi efuliana na so fanɛ kakɛ m ba sa Enyɛnpe Ebɔrɛ na. Egbaŋɛ nɛ egbaŋɛturko nɛ ekurma nɛ enyɔma nɛ baaŋ dii m ba ma kebee cheembi so ashi Jerusalɛm to fanɛ kananɛ Israɛlebi bee ta bumo be ayu be esarga ekpa nɛ k daga so ashi ma bɔrɛlambu to na.

Ezikɛl 39:2

Ma alɛ beeŋ shin nɛ e kilgi anishito n shoŋi kakpa pɔtɛ nɛ n juŋkpar mo n shi kelargato be esoso wɔfɔ wɔfɔ hale nɛ e ba fo Israɛl be abee so.

Danɛl 11:16

Siriya be efuli so be ewura nɛ e bee kɔ a sɔ nde na beeŋ wora kusɔ nɛ e bee sha nɛ esa kama maaŋ tiŋ ŋ kaŋɛ mo shɛŋ. Mo alɛ beeŋ sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na a ji kumo so eleŋ.

Danɛl 11:41

E beeŋ kɔ n sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na nseŋ mɔ basa ŋgboŋto ŋgboŋto, ama Edɔm nɛ Mowab bre be efuli so nɛ kusɔ kama nɛ k ka Ammɔn be efuli so na bre beeŋ nya kumɔlga.

Danɛl 11:44

Ama baru beeŋ shi epeŋilarkpa nɛ kelargato be esoso be kaba so m ba funti mo, nɛ e nya agbo alegaiso ŋ kɔ m mɔ basa damta.

Danɛl 2:35

Epul na to nɛ kebɛlso na nɛ ebɔ na, nɛ danyaŋ na, nɛ gbiti nɛ shuwa na kikɛ buri to kpachɛrkpachɛrbi ŋ ki fanɛ gbaŋgbaŋ to be kugooro so be shishɛr na. Nɛ afu ba ta amo kikɛ n choŋ nɛ amo kedodobi gba maŋ ka. Ama kejembu nɛ k ŋmɛa kumo m bure to na bre wora kishi nna hale ŋ ki kebeegboŋ m buu kasawule kikɛ so.

Danɛl 7:26

Nɛ b ji mo demu ashi ebɔrɛso n sɔ mbe eleŋ nseŋ mur mo cheche.

Danɛl 8:25

Ŋkpal mbe kafulesheŋ so, asheŋ beeŋ baa nyalɛ n sa mo nɛ e fara a wu mbe kumu fanɛ e bɔ basa damta. E beeŋ mur basa damta nseŋ koso a kɔ Ebɔrɛ nɛ e la bewura kikɛ to be ewura na. Ama Ebɔrɛ be eleŋ beeŋ ba mur mo cheche.

Danɛl 9:16

Dra na kikɛ nɛ fo kɔ n sa anyi, amoso sa maŋ nya agbo n wɔtɔ Jerusalɛm n chɛr ŋkpal manɛ so k la fo kadegboŋ nna ashi fo kebeegboŋ cheembi na so. Efuliana nɛ anyi nɛ bumo chena m mata abar na kikɛ bee keni Jerusalɛm nɛ fo basa jiga nna ŋkpal anyi nɛ an nananyɛnana be alubi so.

Danɛl 9:20

N daa bugi to a kaŋɛ Enyɛnpe ma Ebɔrɛ na ma nɛ ma basa Israɛlebi be alubi nna nsaa kule mo fanɛ e naŋ lɔŋɛ m pɔr bɔrɛlambu cheembi na.

Jowɛl 2:20

Meeŋ ju benapo be katuŋgboŋ, nɛ b shi kelarga to be esoso m ba fanɛ elotɔr na, ashi menyi to n ya lɛ keshishɛrsawule so kiyi to chil. Meeŋ ju bumo be bejuŋkparpoana n yɔ Teku Wuso na to nseŋ shin nɛ bumo be bemantopo na malɛ e yɔ Mɛditerenia be teku to, n ya wu mbɛ a dufɛ.”

Maika 4:2

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee na so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ mo alɛ bee shi Zayɔn be kebee so a malga a sa mbe basa.”

Zakareya 14:8

Kachɛ na kaŋ fo, nchu nɛ a bee sa ŋkpa beeŋ shi Jerusalɛm to a shile. Nchu na be bargato beeŋ baa shile a luri teku nɛ baa tre Teku Wuso na to nɛ bargato malɛ e baa shile a luri kumo nɛ baa tre Mɛditerenia be Teku na to. Ketarso nɛ kechali so kikɛ nɛ nchu na beeŋ baa shile.

Nɔmbɛs 34:5

Nseŋ naŋ yili ndoŋ ŋ kilgi m bɔla ketaŋɛ nɛ k dese Ijipt be kasawule be ekar n ta n ya fo Mɛditerenia be Teku na.

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.

2 Tɛsalɔnikaebi 2:8

Kachɛ na kaŋ fo, alubipo na beeŋ ba lara mbe kumu efuli nɛ Enyɛnpe Yesu e fute mbe kɔnɔ to be afu m mɔ mo n shin nɛ mo ere Yesu be kemaŋkura be keba na e mur alubipo na.

Kelaraŋŋini 13:10

Ekama nɛ k dese fanɛ e yɔ kenyaya to, e beeŋ yɔ kenyaya to. Ekama nɛ k dese fanɛ tokobi nɛ baaŋ ta m mɔ mo, tokobi nɛ baaŋ ta m mɔ mo. Kede e naa ŋini fanɛ a daga fanɛ Ebɔrɛ be basa e baa kɔ kanyiti nɛ yirda.

Kelaraŋŋini 20:2

Ndoŋ nna nɛ e ya nyaŋ kusɔ gbeyeso, mo e la dra na kikɛ be kusɔkpaŋ nɛ baa tre mo koŋwule alubipo ŋko Setani na ŋ kre mo n nase nfɛ kagboŋ.

Kelaraŋŋini 20:9

Nɛ b yili kasawule be mparto be kaba ko n nite m ba choŋ kaba ko ŋ kulti Ebɔrɛ be basa laraso n wɔtɔ bumo be kakpa, kumo e la kadegboŋ shaso na. Ama edɛ daŋ shi esoso nna m ba mur basa nɛ b daŋ kulti Ebɔrɛ be basa n wɔtɔ na.