Danɛl 11:44 - EBƆRƐ BE KAWƆL

⁴⁴ Ama baru beeŋ shi epeŋilarkpa nɛ kelargato be esoso be kaba so m ba funti mo, nɛ e nya agbo alegaiso ŋ kɔ m mɔ basa damta.

Danɛl 11:44 ပူးပေါင်းရင်းမြစ်များ

Danɛl 11:11

Ijipt be efuli so be ewura na beeŋ nya agbo ga n lar n ya kɔ Siriya be efuli so be ewura na kena n suge mbe benapo damta na kikɛ.

Danɛl 11:30

Romebi na beeŋ ta bumo be ekuloŋgboŋana m ba kɔ mo nɛ kufu e pɛ mo. Ndoŋ nna nɛ e kaa agbo a fin kemur Ebɔrɛ be basa be kabɔrɛshuŋ. Basa nɛ b kini kabɔrɛshuŋ na nɛ e beeŋ baa wu kuwɔr.

Danɛl 11:43

E beeŋ suge Ijipt be kasawule so be shuwa nɛ gbiti nɛ kumo be asɔ lela kikɛ n yɔ. Mo alɛ beeŋ kɔ m pɔɔ Libiya nɛ Itiopia be efuliana gba kikɛ so.

Danɛl 11:45

Kede be kaman nɛ e yuu bewura be wajɛbu gboŋgboŋi ashi Teku nɛ baa tre Mɛditerenia nɛ k wɔ epeŋitɔrkpa na nɛ kebee nɛ bɔrɛlambu na yil so na be kefɛato. Ama ndoŋ nɛ e beeŋ wu nɛ esa kama maŋ chɛ mo to.”

Kelaraŋŋini 16:12

Nɛ malaika shesopo na malɛ ta mbe katishaŋ nɛ agbo na n chulgi n wurge lɔrgboŋ nɛ baa tre Yufreetes na so nɛ kumo be nchu kikɛ feeto nɛ k wɔl n lɔŋɛ ekpa a dese a jo bewura mo nɛ b shi bɔrɛfito na.

Kelaraŋŋini 17:13

Bumo basa kudu na kikɛ kɔ nfɛra koŋwule nna a kɔ bumo be eleŋ nɛ ekpa nɛ b kɔ kikɛ a sa kusɔbɔya na.