Danɛl 11:4 - EBƆRƐ BE KAWƆL

⁴ Ama k maaŋ chɛr nɛ mbe efuli na e bure m barga to n yɔ durnya ere be abonfu ana ere kikɛ to. Nɛ efuli popɔrana nɛ amo be bewura maŋ shi ewura lempo na be kanaŋ to e bɔla amo to n lar. Bewuraana na malɛ maaŋ baa kɔ eleŋ fanɛ mo.

Danɛl 11:4 ပူးပေါင်းရင်းမြစ်များ

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Kaŋinichiŋgeliŋ 4:8

Kanyɛn ko e daa wɔtɔ; a maŋ kɔ ebi, mo alɛ daa maŋ kɔ ekurgepo kikɛ. E daŋ baa wɔ kushuŋ to nna saŋkama, ama mo alɛ be kenishi daa maa bɔlɔ kusɔ nɛ e bee nya so. Nɛ e yɛ: “Wanɛ bre so nɛ mee gben le saŋkama, nsaa maaŋ tiŋ n ta ma kegben n ji ma kumu gba ere?” Le be kesheŋ ere gba maŋ kɔ kifito, kumo alɛ nseŋ naa la kagbenejija ga be asheŋ!

Jɛremaya 12:15

Kede be kaman, meeŋ naŋ wu efuliana ere kuwɔr nseŋ bɛta bumo n yɔ bumo gbagba be efuliana be nsawule so.

Jɛremaya 12:17

Ama nɛ b kini kenu n sa ma, kumo ere meeŋ lara bumo efuliana na so nseŋ mur amo cheche. Ma Enyɛnpe Ebɔrɛ e kaŋɛ na.”

Jɛremaya 18:7

Nɛ m baŋ kre kemur efuli ko ŋko kuwurgboŋ ko cheche,

Jɛremaya 31:40

Ketaŋɛ nɛ baa puli basa nsaa lɛ nsunɔ kumo to na kikɛ nɛ adɔsawule nɛ a dese Kidrɔn be Kabombi ase na m ba choŋ Egbaŋɛ be Kabunagboŋ na kikɛ beeŋ ki cheembi n sa Enyɛnpe Ebɔrɛ na. Jerusalɛm maŋ naa ba nɛ k bure ŋko m mur kikɛ.”

Jɛremaya 45:4

Ama ma, Enyɛnpe Ebɔrɛ na bee bure kusɔ nɛ m pɔr na nna nsaa gberge kusɔ nɛ n duu a tia ashi durnya kikɛ to.

Jɛremaya 49:36

Bedoŋ beeŋ shi kaba kama so m ba kɔ Elam be basa nseŋ pɛ bumo tintiŋso n yɔ durnya to be efuli kama so.

Ezikɛl 37:9

Ndoŋ nna nɛ Ebɔrɛ naŋ kaŋɛ ma: “Dimɛdi pibi, malga n sa afu. Kaŋɛ afu na fanɛ Enyɛnpetale Ebɔrɛ na yɛ k shi kaba kama so m ba luri eyurana nɛ a la bubuni a dese ere to nɛ e nya ŋkpa.”

Danɛl 7:2

Kusɔ nɛ n daŋ wu ma bɔrɛdare na to nde. Afu daŋ shi durnya ere be abonfu ana ere kikɛ be kaba so nna a ber tekugboŋ na so nɛ k bee baga to.

Danɛl 7:6

Kusɔbɔya sasopo na malɛ daa du fanɛ karmɛ nna nsaa kɔ atɛ ana kumo be kaman fanɛ kabuibi na nɛ amu ana. B daŋ shin nna nɛ k ji kuwura.

Danɛl 7:8

Ŋ ka bee keni kumo be alambɛ na, nɛ n wu kelambɛ fimbi ko ka lar amo to m ba tia alambɛ na be asa ashi amo be kakpa. Le be kelambɛbi ere daa kɔ dimɛdi be anishi nɛ kɔnɔ nna nsaa puchi.

Danɛl 8:22

Alambɛ ana nɛ a ba tal kumo nɛ k bu na to na malɛ yili nna a sa fanɛ efuli na so be kuwurji beeŋ ba barga to ana, ama amo alɛ be kekama be eleŋ maaŋ fo sososo peya na so.

Danɛl 8:8

Kaboe na daa nya eleŋ nna ga a ti so. Ama kumo be eleŋ na ka fo ekar, nɛ kumo be kelambɛ na bu n tɔr. K ka bu na nɛ alambɛ tenteŋ ana ba tal kumo to. Amo be kuko daŋ kilgi nna n shoŋi kelargato be esoso be kaba so, nɛ kuko kilgi n shoŋi epeŋilarkpa be kaba so, nɛ kuko gba kilgi n shoŋi kelargato be kaseto be kaba so, nɛ kumo nɛ k ka malɛ kilgi n shoŋi epeŋitɔrkpa be kaba so.

Zakareya 2:6

Kumo be kaman nɛ Enyɛnpe Ebɔrɛ na kaŋɛ mbe basa le: “Ma e daŋ pesaŋ menyi to n sɔ kaplɛkama. Ama naniere men shile Babilɔn be efuli nɛ k wɔ kelargato be esoso na so m bɛta m ba Jerusalɛm to.”

Zakareya 6:5

Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”

Matiu 12:25

Ama Yesu pin bumo be nfɛra na nseŋ kaŋɛ bumo le: “Ewura kama nɛ mbe basa barga to a kɔ abar kena, kuwura na maaŋ chɛr ŋkeŋ tɔr. Nɛ kade kama ŋko kakurge koŋwule kama to ebi baŋ barga to a kɔ abar kena, kade na ŋko kakurge na beeŋ jija.

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.