Danɛl 11:37 - EBƆRƐ BE KAWƆL

³⁷ Ewura na malɛ beeŋ kplaŋ kegbir nɛ mo nananyɛnana daŋ shuŋ na nɛ kegbir nɛ beche bee sha ga na so. E beeŋ kplaŋ agbir na b kekama so ŋkpal e ka bee fɛ fanɛ e chɔ amo so,

Danɛl 11:37 ပူးပေါင်းရင်းမြစ်များ

Jɛnesis 3:16

Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

Jɛnesis 3:5

Keni, Ebɔrɛ kaŋɛ loŋ nna ŋkpal e ka nyi fanɛ men baŋ ji kumo be asɔrso na menyeeŋ baa pin asheŋ to nsaa du fanɛ Ebɔrɛ gbagba, a nyi kelela nɛ kulubi.”

Sɔlɔmɔn 7:10

N la ma eshapo peya nna, nɛ e bee sha ma ga.

Aizaaya 14:13

Fo daŋ kre fo kagbene to nna fanɛ feeŋ dii n yɔ ebɔrɛso n ya baŋ achɛkpabi nɛ a wɔ awɔlto so na n ya chena ndoŋ a ji kuwura. Fo daa fɛ fanɛ feeŋ chena fanɛ ewura nna ashi kebee nɛ k wɔ kelargato be esoso be kakpa nɛ baa shɛr na.

Aizaaya 14:14

Fo yɛ feeŋ dii n yɔ awɔlpa be awɔlto n ya ki fanɛ Enyɛnpetale Ebɔrɛ na.

Ezikɛl 24:16

“Dimɛdi pibi, Ezikɛl, kachɛ koŋwule meeŋ sɔ esa nɛ fee sha ga na be ŋkpa. Ama fo alɛ e sa maŋ kaŋ fubel m bile asheŋ ŋko n shu ŋko n shin nɛ anishichubi a lar fo anishito gba kuraa.

Ezikɛl 28:2

Dimɛdi pibi, Ezikɛl, kaŋɛ Tayɛ be ewura kusɔ nɛ ma, Enyɛnpetale Ebɔrɛ na bee kaŋɛ mo. Kamoowu shin nɛ fee fɛ fanɛ fo la kegbir nna nsaa kaŋɛ fanɛ fo ka la kegbir so nɛ fo chena kuwurputi so nɛ eteku kulti fo n wɔtɔ. Feeŋ tiŋ n ta fo kumu fanɛ kegbir e la fo, ama dimɛdi e la fo, mannɛ kegbir.

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 11:38

Ama e beeŋ ta bunyaŋ n sa kegbir nɛ k bee kuŋ kumɔlga be mboŋ na. E beeŋ ta shuwa nɛ gbiti nɛ abitasɔ nɛ asɔ lela ko n ya sa kegbir nɛ mo nananyɛnana maŋ naŋ shuŋ kikɛ.

Danɛl 8:11

E daŋ kini kenu n sa ebɔrɛso be benapo be enimu na nna hale n shin nɛ e maŋ naa tiŋ a lara karechɛ kama be sarga na, nɛ kumo be loŋ shin nɛ bɔrɛlambu na maŋ naa du cheembi.

Ditɛronɔmi 21:11

ashere menyi to be eko beeŋ wu bumo to be eche ko nɛ e walɛ kebita m par mo, nɛ e baa sha keta mo ŋ ki mbe eche.

Ditɛronɔmi 5:21

Men sa maŋ kaa yɛlga esa ko be eche ŋko esa ko mo kul ŋko mbe kowu, ŋko kasawule, ŋko anya, ŋko ana, ŋko ekurma, ŋko kusɔ kama nɛ e kɔ.’ ”

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.

1 Timoti 4:3

Asɔ nɛ basa na bee ŋini na e la fanɛ a maŋ daga beche nɛ benyɛn e baa kil abar, kumo alɛ maŋ naŋ daga basa ka ji ajibi ko. Le be ajibi ere malɛ, Ebɔrɛ to amo nna n sa basa, nɛ basa nɛ b yirda Yesu Kristo a nyi kashenteŋ na e chɔrɔ Ebɔrɛ n sɔ amo nɛ enɔ anyɔ.