Danɛl 11:36 - EBƆRƐ BE KAWƆL

³⁶ Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 11:36 ပူးပေါင်းရင်းမြစ်များ

Nshɛ 136:2

Men baa di ebɔrɛana kikɛ to be Ebɔrɛ na epaŋ; ŋkpal mbe kasha ka maa loge kikɛ so.

Nshɛ 33:10

Enyɛnpe Ebɔrɛ na e naa jija efuliana be ŋkre. Mo e naa kuŋ bumo be nfɛra lubiana ekpa.

Aŋasa 19:21

Dimɛdi beeŋ tiŋ ŋ kre ŋkre; ama Enyɛnpe Ebɔrɛ be aparsheŋ e naŋ wora.

Aizaaya 10:23

Kashenteŋto, Enyɛnpetale Ebɔrɛ na bɔ ntaŋ fanɛ e beeŋ gberge esa kama nɛ e wɔ efuli na so kusoe.

Aizaaya 10:25

K maaŋ chɛr nɛ ma agbo e wushi nɛ ŋ gberge Asiriyaebi kusoe m mur bumo cheche ŋkpal bumo be asheŋ lubi so.

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 14:13

Fo daŋ kre fo kagbene to nna fanɛ feeŋ dii n yɔ ebɔrɛso n ya baŋ achɛkpabi nɛ a wɔ awɔlto so na n ya chena ndoŋ a ji kuwura. Fo daa fɛ fanɛ feeŋ chena fanɛ ewura nna ashi kebee nɛ k wɔ kelargato be esoso be kakpa nɛ baa shɛr na.

Aizaaya 14:14

Fo yɛ feeŋ dii n yɔ awɔlpa be awɔlto n ya ki fanɛ Enyɛnpetale Ebɔrɛ na.

Aizaaya 26:20

Ma basa, men luri menyi be ebuana to nseŋ ti menyi be amu so n wɔtɔ. Men ŋana ndoŋ gbrɛbi, n ya fo fanɛ Enyɛnpe Ebɔrɛ na be agbo ka beeŋ wushi.

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Aizaaya 46:10

Pɔɛŋ nɛ kesheŋ kikɛ e wora, nɛ ma ere tiŋ n wu kumo ŋ kaŋɛ. N teŋ kaŋɛ fanɛ ma ŋkre beeŋ wora m bɔlɔ so, ma alɛ beeŋ wora kusɔ nɛ ŋ kre kewora kikɛ.

Aizaaya 57:9

Menyee gbiti ŋku nsaa wora etulale n ya kaa shuŋ kegbir nɛ baa tre Mɔlɛk na nna. Menyi alɛ bee shuŋi mbɔ mboŋ wɔfɔ, hale a yɔ bubuni to nna n ya kaa fin agbirana nɛ menyeeŋ baa shuŋ.

Ezikɛl 28:2

Dimɛdi pibi, Ezikɛl, kaŋɛ Tayɛ be ewura kusɔ nɛ ma, Enyɛnpetale Ebɔrɛ na bee kaŋɛ mo. Kamoowu shin nɛ fee fɛ fanɛ fo la kegbir nna nsaa kaŋɛ fanɛ fo ka la kegbir so nɛ fo chena kuwurputi so nɛ eteku kulti fo n wɔtɔ. Feeŋ tiŋ n ta fo kumu fanɛ kegbir e la fo, ama dimɛdi e la fo, mannɛ kegbir.

Ezikɛl 35:13

Ma alɛ naŋ nu mpuchi be mmalga nɛ men malga ŋ gbiti ma na gba.”

Danɛl 11:16

Siriya be efuli so be ewura nɛ e bee kɔ a sɔ nde na beeŋ wora kusɔ nɛ e bee sha nɛ esa kama maaŋ tiŋ ŋ kaŋɛ mo shɛŋ. Mo alɛ beeŋ sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na a ji kumo so eleŋ.

Danɛl 11:3

Kumo be kaman nɛ ewura lempo ko malɛ e lar m ba ji eleŋ ga nseŋ wora kusɔ nɛ e bee sha.

Danɛl 11:37

Ewura na malɛ beeŋ kplaŋ kegbir nɛ mo nananyɛnana daŋ shuŋ na nɛ kegbir nɛ beche bee sha ga na so. E beeŋ kplaŋ agbir na b kekama so ŋkpal e ka bee fɛ fanɛ e chɔ amo so,

Danɛl 12:7

Nɛ malaika na maŋ mbe enɔ anyɔ so ŋ ŋini awɔlpa nseŋ nase kɔnɔ kpakpaso ashi Ebɔrɛ nɛ e wɔ ŋkpa to mbaanaayɔ na be ketre to ŋ kaŋɛ le: “K beeŋ ta nfɛ asa nɛ bargato pɔɛŋ nɛ Ebɔrɛ be basa be tɔrɔ nɛ baa ji na e loge na nɛ kusɔ kama e bɔlɔ so.”

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Danɛl 4:35

Basa nɛ b wɔ durnya to maŋ la shɛŋ mo kutɔ. Emalaika nɛ b wɔ ebɔrɛso nɛ basa nɛ b wɔ kasawule so kikɛ wɔ mbe kaseto nna. Ekama maaŋ tiŋ m malga ŋ gbiti kusɔ nɛ e yili, ŋko m bishi kusɔ nɛ k ba nɛ e wora kusɔ ko.

Danɛl 5:19

E daŋ ji eleŋ ga nɛ efuli kama so ebi nɛ yiri kikɛ daa ŋana mo ga. E baaŋ kaŋɛ fanɛ b mɔ esa, baa mɔ mo nna. Mo alɛ naŋ kaŋɛ fanɛ b shin nɛ esa e ji efute e bee ji efute nna. E beeŋ tiŋ n shin nɛ esa e nya bunyaŋ ŋko ŋaba.

Danɛl 5:20

Ama ŋkpal e ka maa wu kuwɔr nsaa kɔ kumu kpakpaso nɛ kamoowu nɛ ŋkpensheŋ so, b daŋ gboŋi mo kuwura nna nɛ e paŋ mbe bunyaŋ be eyilikpa.

Danɛl 7:8

Ŋ ka bee keni kumo be alambɛ na, nɛ n wu kelambɛ fimbi ko ka lar amo to m ba tia alambɛ na be asa ashi amo be kakpa. Le be kelambɛbi ere daa kɔ dimɛdi be anishi nɛ kɔnɔ nna nsaa puchi.

Danɛl 8:19

nɛ e kaŋɛ le: “Kusɔ nɛ Ebɔrɛ be agbo beeŋ wora nɛ n lara ŋ ŋini fo na. Bɔrɛdare na bee ŋini durnya ere be lalaloge be asheŋ nna.

Danɛl 8:4

Nɛ kpakpa na yeŋ to a tɛto a yɔ epeŋitɔrkpa nɛ kelargato be esoso nɛ kelargato be kaseto be mba so. Kusɔbɔya malɛ kikɛ maŋ tiŋ n yili n tu kumo ŋ kɔ m pɔɔ kumo so. Amoso kumo be kepar nɛ k daa wora nsaa nya eleŋ ga a ti so.

Zakareya 11:16

Ŋkpal manɛ so n lara mbolpɔkpapo ko fanɛ e ba kaa keni ma mbolpɔ so, ama mo shɛŋ maaŋ baa wɔ bumo nɛ baaŋ foe na to ŋko nɛ e nite n fin bewurbi na ŋko n chɛ bumo nɛ baa lɔ na ŋko ŋ kpa bumo nɛ b kɔ alenfia na n yɔ keji to. Ama bedanso na nɛ e beeŋ baa mɔ a we a ka awibi.

Baru lela nɛ Jɔn kute na 5:30

Ma alɛ gbagba maaŋ tiŋ n wora shɛŋ ma kumu so. Kusɔ nɛ Ebɔrɛ bee kaŋɛ ma be demu nɛ mee ji, amoso, ma demu be keji kɔ kashenteŋ nna, ŋkpal manɛ so, mannɛ ŋ gbagba be aparsheŋ nɛ mee wora, esa nɛ e shuŋi ma na be aparsheŋ nɛ mee wora.

Baru lela nɛ Jɔn kute na 6:38

Ŋkpal manɛ so, n shi ebɔrɛso nna m ba nɛ m ba wora esa nɛ e shuŋi ma na be aparsheŋ, mannɛ ŋ gbagba be aparsheŋ so e shin nɛ m ba.

Ashuŋ Shunso 4:28

Kusɔ nɛ fo daŋ nase fanɛ k wora na gbagba chap nɛ b daŋ shɛr n wora. Ŋkpal fo eleŋ nɛ fo kebaasha kumo be loŋ na so e shin nɛ fo daŋ yili kumo loŋ.

Ditɛronɔmi 10:17

Enyɛnpe menyi be Ebɔrɛ na e la Ebɔrɛ nɛ e kɔ eleŋ a chɔ agbirana kikɛ nseŋ naa la benyɛnpe to be Enyɛnpe, Ebɔrɛ lempo nɛ mbe asheŋ shi nsaa kɔ kufu. Mo alɛ maa kpɛa to ŋko a tu basa a sɔ asɔ pɔɛŋ nsaa wora asheŋ a sa bumo.

2 Tɛsalɔnikaebi 2:3

Men sa maŋ kaŋ shin nɛ esa kama e bɔla ekpa kikɛ so n fule menyi, ŋkpal manɛ so, Enyɛnpe be kachɛ na maaŋ ba ama kenyaŋɛto m buu Ebɔrɛ na ba na nɛ alubipo nɛ mbe kelamba la edɛ to be keluri na lar na pɔɛŋ.

2 Tɛsalɔnikaebi 2:4

Kusɔ kama nɛ enyiŋgbasa bee bɛ so a kaŋɛ fanɛ k shi Ebɔrɛ kutɔ nna ŋko a tre kumo kabɔrɛshuŋ, alubipo na beeŋ ji kumo emɔrɔ ŋ ki kumo doŋ. E beeŋ wu mbe kumu hale n ya luri n chena bɔrɛlambu na to a tre mbe kumu Ebɔrɛ.

2 Tɛsalɔnikaebi 2:8

Kachɛ na kaŋ fo, alubipo na beeŋ ba lara mbe kumu efuli nɛ Enyɛnpe Yesu e fute mbe kɔnɔ to be afu m mɔ mo n shin nɛ mo ere Yesu be kemaŋkura be keba na e mur alubipo na.

Joshuwa 22:22

“Enyɛnpetale na nawule e la Ebɔrɛ! Mo nawule e la Enyɛnpe Ebɔrɛ. Mo nawule e nyi kusɔ nɛ k ba nɛ an pɔr bɔrɛsure ere. Anyi alɛ bee sha fanɛ menyi alɛ gba e pin kumo be loŋ nna. Nɛ fanɛ an kini kenu n sa Enyɛnpe Ebɔrɛ na nna ŋko n wora kusoe kpakpaso bre, kumo ere men sa maŋ shin nɛ an ji efute

Kelaraŋŋini 10:7

Ama saŋɛ nɛ malaika shunusopo na beeŋ foŋ mbe kabel na, Ebɔrɛ beeŋ shin nɛ mbe wulo be kesheŋ naseso na e fo kumo be ekar n lar efuli fanɛ kananɛ e daŋ kaŋɛ mbe anya nɛ b la anebiana na.”

Kelaraŋŋini 12:14

Ama b daŋ sa kache na kusoregboŋ be atɛ anyɔ nna fanɛ e ta n firgi n shile kusɔkpaŋ na n yɔ kiyi to, mbe kakpa, fanɛ b ya kaa keni mo so nfɛ asa nɛ bargato.

Kelaraŋŋini 13:1

Ndoŋ nna nɛ n naŋ wu kusɔbɔya gboŋgboŋi ko ka shi teku to a lar a kɔ alambɛ kudu nɛ amu ashunu nɛ nwurwuro kudu wɔ mbe alambɛana na so. Amu na malɛ be kekama so b daŋ sibɛ ketre mo nɛ k bee ji Ebɔrɛ emɔrɔ nna n deŋi kumo so.

Kelaraŋŋini 17:17

Ŋkpal manɛ so, Ebɔrɛ ta kusɔ nɛ e bee sha nɛ k wora na n wɔtɔ bumo be ŋgbene to nɛ baa sha kewora loŋ. Bumo kikɛ beeŋ nya kɔnɔkoŋwule n ta bumo be eleŋ n sa kusɔbɔya na nɛ e ji kuwura loŋ hale nɛ Ebɔrɛ be kɔnɔ e ya bɔla.

Kelaraŋŋini 17:3

Kede be kaman nɛ malaika na keta ma kiyoyu to n yɔ kiyi to, ndoŋ nɛ n ya wu kache ko nɛ e tase kusɔbɔya peper ko so nɛ b sibɛ kabɔrɛtegeso be atre n deŋi kusɔbɔya na kikɛ so. Kusɔbɔya na daa kɔ amu ashunu nɛ alambɛ kudu nna.