Danɛl 11:32 - EBƆRƐ BE KAWƆL

³² Ewura na beeŋ bɔla kafule be ekpa so n nya bekama nɛ b teŋ kini bumo be kabɔrɛshuŋ na nɛ b bɛ mo so ama bekama nɛ baa bɛ Ebɔrɛ so na bre maaŋ shuli so n sa mo.

Danɛl 11:32 ပူးပေါင်းရင်းမြစ်များ

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

Nehemaya 4:14

Kumo be kaman nɛ n wu fanɛ basa na be ŋgbene jija bumo, nɛ ŋ kaŋɛ bumo nɛ bumo be bejuŋkparpo nɛ ekrachi na le: “Men sa maa ŋana anyi doŋana ere. Men baa nyiŋi kananɛ Enyɛnpe na be eleŋ shi ga nɛ kananɛ mbe asheŋ bee keta kufu. Amoso men leŋ menyi be amu to nseŋ kɔ kenishipereso n sa menyi be basa nɛ mbia nɛ beche nɛ elantoebi!”

Nshɛ 9:10

Bumo nɛ b nyi fo na beeŋ ta bumo be yirda n deŋi fo so; Ŋkpal manɛ so, fo Enyɛnpe Ebɔrɛ na maŋ naŋ pal kama n sa bekama nɛ baa fin fo kikɛ.

Aŋasa 19:5

Efɛ be shɛdajipo ashi demujikpa maaŋ ta mbe kumu n ji nɛ e maŋ nya kasogberge.

Aŋasa 26:28

Esa nɛ fo kishi nɛ fee ku efɛ a deŋi. Kefur esa kɔnɔ to nɛ k maŋ shi kagbene to du fanɛ fo ka mɔ mo ŋgblaŋ to nna.

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Danɛl 11:21

Le nɛ malaika na kraŋ naŋ kaŋɛ: “Ewura nɛ e beeŋ naŋ ba ji Siriya be efuli so be kuwura na beeŋ baa la esa lubi ga. Mo alɛ maaŋ shi kuwurji be kanaŋ to. Kebirkɔnshi be ekpa so nɛ e beeŋ bɔla so n ta kena m ba purgi basa ŋ kɔ n sɔ eleŋ.

Danɛl 11:34

Jemanɛ nɛ baaŋ baa mɔ bumo na, Ebɔrɛ bre b basa beeŋ nya kechɛto gbrɛbi nɛ kebirkɔnshi wuraana damta e ti bumo so.

Zakareya 10:12

Meeŋ naŋ wɔtɔ ma basa eleŋ to, nɛ b baa bunyaŋ ma nsaa wora ma kasonu. Ma, Enyɛnpe Ebɔrɛ na e malga na!”

Malakai 4:2

Ama menyi bekama nɛ men yirda ma na bre, ma kumɔlga na beeŋ ba menyi so fanɛ kananɛ epeŋi bee nyaŋɛ a sa basa alenfia na. Menyeeŋ nya men be amu nɛ men be ŋgbene malɛ e fuli menyi fanɛ b ka fiŋi kuluu nɛ anabi lar a tɛto a yɔ keji to na.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

Kelaraŋŋini 6:11

Ndoŋ nna nɛ b ta epiŋi fuful n sa bumo be ekama nseŋ kaŋɛ bumo fanɛ b baa kraa jo gbrɛ pɔɛŋ nɛ bumo braana anya nɛ bumo kurgepoana mo nɛ basa beeŋ mɔ fanɛ kananɛ b daŋ mɔ bumo alɛ gba na nyam e ya ba abar so.