Danɛl 11:30 - EBƆRƐ BE KAWƆL

³⁰ Romebi na beeŋ ta bumo be ekuloŋgboŋana m ba kɔ mo nɛ kufu e pɛ mo. Ndoŋ nna nɛ e kaa agbo a fin kemur Ebɔrɛ be basa be kabɔrɛshuŋ. Basa nɛ b kini kabɔrɛshuŋ na nɛ e beeŋ baa wu kuwɔr.

Danɛl 11:30 ပူးပေါင်းရင်းမြစ်များ

Jɛnesis 10:4

Javan malɛ be bibinyɛn e daa la Elaisha nɛ Taashish nɛ Kitebi nɛ Rodanebi.

1 Kronikɛls 1:7

Jaavan malɛ be kaman to ebi e daa la Elaisha nɛ Taashish nɛ Kitebi nɛ Rodanebi.

Nehemaya 6:12

Ŋ ka lɔŋɛ n fɛ kesheŋ ere be nfɛra nɛnɛ na nɛ n pin fanɛ Ebɔrɛ maŋ malga Shemaya kutɔ, ama Tobaya nɛ Sanballat e daŋ sa mo brɔbu nseŋ kaŋɛ mo fanɛ e kpele ma kusoe.

Aizaaya 23:1

Kubɔya nɛ k wɔtɔ a laŋɛ kadegboŋ nɛ baa tre Tayɛ na be kaplɛa so nde. Menyi nɛ menyee ta ekuloŋgboŋ a shuŋ nchu so e boŋ to awɔrso n shu ga! Ŋkpal manɛ so, kade nɛ menyee kaa ta menyi be ekuloŋ a gbuŋ kumo to nɛ baa tre Tayɛ na mur. Kumo to be nwu nɛ ekulonyilikpa kikɛ mur kuraa. Jemanɛ nɛ menyi be ekuloŋgboŋ shi kepla nɛ baa tre Saipres a ba na nɛ men nu ebaru na be asheŋ.

Aizaaya 23:12

Ade be kaman nɛ Enyɛnpe Ebɔrɛ na kaŋɛ Sidɔn be basa na le: “Menyi be kayurji na fo ekar. Menyi alɛ mur nna na. Hale nɛ men ŋana n shile n yɔ Saipres be kepla so gba, men kraa maaŋ nya kayurwushi ndoŋ.”

Jɛremaya 2:10

Men yɔ keplasawule nɛ baa tre Saiprus ashi epeŋitɔrkpa na so. Kumo be kaman nɛ men shuŋi esa ko nɛ e yɔ Kɛda be kasawule nɛ k wɔ epeŋilarkpa na. Menyeeŋ wu fanɛ le be kesheŋ maŋ naŋ wora ŋ ku so ashi men be basa be yiri kikɛ to.

Ezikɛl 27:6

Kedibi gboŋgboŋi nɛ b ku ashi Bashan be efuli so n shɛl ebaŋɛ; Ndibi kpakpaso fanɛ chɛchɛdibi nɛ b ku ashi Saiprus be efuli so n wora fo kaseto Nseŋ baŋɛ ejebotenyi n fɛga n fɛga amo to nɛ a baa walɛ.

Danɛl 11:28

Siriya be efuli so be ewura na beeŋ ta asɔ nɛ e muu kena to na kikɛ n yɔ epe. Mo alɛ beeŋ wora ania fanɛ e beeŋ mur Ebɔrɛ b basa be kabɔrɛshuŋ nseŋ wora kusɔ kama nɛ k par mo pɔɛŋ nseŋ bɛta n yɔ mbe kade to.

Danɛl 11:29

Kumo be kaman, e beeŋ naŋ ba kɔ n sɔ Ijipt be efuli na, ama kumo alɛ beeŋ ba kɔr sososo be kena na to.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Nɔmbɛs 24:24

Basa beeŋ ta nchu so be ekuloŋgboŋana n shi Saiprus m ba kɔ m pɔɔ Asiriya nɛ Heba so. Ama kumo be kaman Saiprus gba beeŋ mur cheche.”

Matiu 24:10

Amo be jemanɛ na basa damta beeŋ lar yirda na to nsaa kishi abar a debɔr abar.

Kelaraŋŋini 12:12

Amoso, ebɔrɛsoana nɛ menyi nɛ men wɔ amo to na kikɛ, men shin nɛ men be ŋgbene e fuli menyi. Ama asheŋ maaŋ nyalɛ n sa kasawule nɛ etekuana bre, ŋkpal manɛ so, alubipo na gbelge n yɔ menyi kutɔ nɛ agbo damta, ŋkpal manɛ so, e nyi mbe saŋɛ ka maŋ naa shi.”