Danɛl 11:29 - EBƆRƐ BE KAWƆL

²⁹ Kumo be kaman, e beeŋ naŋ ba kɔ n sɔ Ijipt be efuli na, ama kumo alɛ beeŋ ba kɔr sososo be kena na to.

Danɛl 11:29 ပူးပေါင်းရင်းမြစ်များ

Aizaaya 14:31

Menyi nɛ men wɔ Filisti be ndegboŋ to na e boŋ to n shu n fin kechɛto! Men kikɛ e baa chicha kufuso! Ŋkpal manɛ so, kalabɛr gboŋgboŋi nɛ k du fanɛ kuwɔlpa shi kelargato be esoso a ba. K yili n sa benapo nɛ efupo kikɛ maŋ wɔ bumo to nna.

Danɛl 10:1

Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo.

Danɛl 11:23

Mbe efuli maaŋ baa shi, ama e beeŋ bɔla kɔnɔkoŋwule be ŋkre nɛ mo nɛ basa beeŋ wora so n fule efuli pɔtɛana be basa, nɛ kumo be loŋ e shin nɛ mbe eleŋ e baa ti so.

Danɛl 11:25

E beeŋ koso kenyɛnso n ta benapo damta n ya kɔ Ijipt be ewura kena, nɛ ewura na malɛ gba e keta mbe benapo lempo damta n ya tu mo ŋ kɔ. Ama Ijipt be efuli so be ewura na beeŋ kɔ n tɔr.

Danɛl 11:28

Siriya be efuli so be ewura na beeŋ ta asɔ nɛ e muu kena to na kikɛ n yɔ epe. Mo alɛ beeŋ wora ania fanɛ e beeŋ mur Ebɔrɛ b basa be kabɔrɛshuŋ nseŋ wora kusɔ kama nɛ k par mo pɔɛŋ nseŋ bɛta n yɔ mbe kade to.

Danɛl 11:30

Romebi na beeŋ ta bumo be ekuloŋgboŋana m ba kɔ mo nɛ kufu e pɛ mo. Ndoŋ nna nɛ e kaa agbo a fin kemur Ebɔrɛ be basa be kabɔrɛshuŋ. Basa nɛ b kini kabɔrɛshuŋ na nɛ e beeŋ baa wu kuwɔr.

Danɛl 8:19

nɛ e kaŋɛ le: “Kusɔ nɛ Ebɔrɛ be agbo beeŋ wora nɛ n lara ŋ ŋini fo na. Bɔrɛdare na bee ŋini durnya ere be lalaloge be asheŋ nna.

Ashuŋ Shunso 17:26

Esa koŋwule nɛ e daŋ fara n to nseŋ bɔla mo to n to yiri kikɛ n shin nɛ b sɔ kasawule so kikɛ nyam a wɔtɔ na. Mo gbagba malɛ e daŋ yili saŋɛ nɛ kakpa nɛ baaŋ ba kaa wɔ pɔɛŋ nseŋ to bumo.

Galeeshaebi 4:2

E kraŋ baa la kebibi, basa e naa keni mo so nsaa wora mbe asheŋ loŋ nɛ kachɛ nɛ mo tuto yili na e ya fo.