Danɛl 11:26 - EBƆRƐ BE KAWƆL

²⁶ Ŋkpal manɛ so mbe besoetojipoana nɛ mo nɛ bumo bee ji a tir abar ga na e naaŋ fule mo nɛ e mur cheche. Baaŋ mɔ mbe benapo damta na nɛ e maaŋ naa kɔ benapo kuraa.

Danɛl 11:26 ပူးပေါင်းရင်းမြစ်များ

2 Bewura 8:14

Haziɛl ka bɛta n yɔ ewura Bɛnhadad kutɔ nɛ e bishi mo kusɔ nɛ Elaisha kaŋɛ. Nɛ Haziɛl yɛ: “E kaŋɛ nna fanɛ feeŋ naŋ nya alenfia.”

Nshɛ 41:9

Nteri kpakpasoana nɛ n yirda ga, nɛ b daa tu ma a ji gba pal kaman nna n sa ma.

Danɛl 11:10

Siriya be efuli so be ewura na be mbinyɛnsobi beeŋ chala benapo damta n wora kena to be shiriya n lar fanɛ nchu ka bɔlɔ n sɔ kakpa a ba na, ŋ kɔ m ba fo bumo doŋana be egbal nɛ b pɔr ŋ kulti bumo be kade na.

Danɛl 11:22

E beeŋ mur benapo damta, n ta Ebɔrɛ be bɔrɛmatapo nimuso gba n ti so.

Danɛl 11:40

Siriya be efuli so be ewura na be lalaloge be saŋɛ kaŋ taga to, Ijipt be efuli so be ewura na beeŋ ba kɔ mo kena, nɛ mo alɛ e ta egbaŋɛturko nɛ egbaŋɛdiipoana nɛ nchu so be ekuloŋgboŋ damta n tu mo ŋ kɔ kena na. Siriya be ewura beeŋ kɔ n sɔ efuli damtaana fanɛ kananɛ nchu bee bɔlɔ a sɔ kaplɛkama na.

Matiu 26:23

Nɛ Yesu kaŋɛ bumo: “Emo nɛ ma nɛ mo bee bɔ enɔ a wɔtɔ kawie koŋwule to a ji ere e naaŋ debɔr ma na.

Maak 14:20

Nɛ Yesu kaŋɛ: “K la menyi kuduanyɔ ere to be eko nna, emo nɛ ma nɛ mo bee ta bodobodo a bɔ enɔ a wɔtɔ kawie koŋwule to a ji ere.

Baru lela nɛ Jɔn kute na 13:18

E yɛ: “Mannɛ menyi kikɛ nɛ n de. N nyi bumo nɛ n lara. Ama ade kikɛ wora nna nɛ kananɛ abɔrɛsibɛ na kaŋɛ le na e bɔla ekpa, a kaŋɛ: ‘Esa nɛ e ji ma ajibi gbagba kilgi nna n tu ma.’