Danɛl 11:25 - EBƆRƐ BE KAWƆL

²⁵ E beeŋ koso kenyɛnso n ta benapo damta n ya kɔ Ijipt be ewura kena, nɛ ewura na malɛ gba e keta mbe benapo lempo damta n ya tu mo ŋ kɔ. Ama Ijipt be efuli so be ewura na beeŋ kɔ n tɔr.

Danɛl 11:25 ပူးပေါင်းရင်းမြစ်များ

Aŋasa 15:18

Esa nɛ e bee nya agbo manaŋ manaŋ kikɛ bee bar kolu nna, ama enyitipo bre bee kuŋ kolu nna.

Aŋasa 28:25

Bejimunipo bee baga asheŋ to nna, ama asheŋ beeŋ nite nɛnɛ n sa esa kama nɛ e ta mbe yirda n deŋi Enyɛnpe Ebɔrɛ so.

Danɛl 11:10

Siriya be efuli so be ewura na be mbinyɛnsobi beeŋ chala benapo damta n wora kena to be shiriya n lar fanɛ nchu ka bɔlɔ n sɔ kakpa a ba na, ŋ kɔ m ba fo bumo doŋana be egbal nɛ b pɔr ŋ kulti bumo be kade na.

Danɛl 11:2

Kusɔ nɛ mee shin nɛ ŋ kaŋɛ fo naniere malɛ la kashenteŋ nna. Bewura asa e kraa beeŋ ba ji kuwura ashi Pɛshiya be efuli so pɔɛŋ nɛ enasopo nɛ e kɔ dama a chɔ bumo kikɛ e ba bɛ so. Mbe kedamaya na beeŋ sa mo eleŋ ga hale nɛ e ta basa kikɛ nɛ Griis be efuli be basa be amu ŋ ŋmɛa abar.

Danɛl 11:40

Siriya be efuli so be ewura na be lalaloge be saŋɛ kaŋ taga to, Ijipt be efuli so be ewura na beeŋ ba kɔ mo kena, nɛ mo alɛ e ta egbaŋɛturko nɛ egbaŋɛdiipoana nɛ nchu so be ekuloŋgboŋ damta n tu mo ŋ kɔ kena na. Siriya be ewura beeŋ kɔ n sɔ efuli damtaana fanɛ kananɛ nchu bee bɔlɔ a sɔ kaplɛkama na.

Danɛl 11:5

Ijipt be efuli so be ewura na beeŋ ba kɔ eleŋ ga. Ama mbe benapo be benimu na be eko beeŋ ba kɔ eleŋ a chɔ mo n suge mbe efuli na be kuwurji nseŋ ji eleŋ ga.