Danɛl 11:24 - EBƆRƐ BE KAWƆL

²⁴ E beeŋ kɔ n sɔ efuli nɛ k kɔ dama nseŋ wora asheŋ nɛ mo nananyɛnana b ekama maŋ naŋ wora kikɛ. E beeŋ barga mbe asɔ nɛ e ya kɔ kena n suge na to n sa basa nɛ b bɛ mo so na. E beeŋ kre k ya kɔ efuliana be kumɔlga be mboŋ lempoana na kena, ama mo alɛ be saŋɛ maaŋ baa shibi.

Danɛl 11:24 ပူးပေါင်းရင်းမြစ်များ

Nehemaya 9:25

Kumo be kaman nɛ b suge ndegboŋ nɛ egbalana kulti na nɛ adɔsawule nɛ e walɛ. B daŋ suge nwu nɛ basa daa wɔ amo to nɛ atirbu nɛ b kur n laa to a saŋ nchu, nɛ ndibi sɔrso be adɔana, nɛ ɔlifs be ndibi be adɔana nɛ ndibi sɔrso damtaana nna. B daa ji nna a moɛ nseŋ daa ji eyur ŋkpal fo enɛfa damta so.

Aŋasa 17:8

Brɔbu bee shuŋ nna fanɛ kananɛ baa shuŋ esa kushuŋ nɛ e bee wora esa nɛ e shuŋ mo kushuŋ na be aparsheŋ na. K bee shin nna nɛ asheŋ bee nite nɛnɛ a sa esa nɛ e sa kumo na.

Aŋasa 19:6

Ekama beeŋ ba sha keji esagboŋ, ŋko esa nɛ e beeŋ tiŋ n chɛ mo to keteri.

Aŋasa 23:7

E beeŋ kaŋɛ fanɛ fo ji kananɛ fee sha, ama kumo be loŋ maŋ shi mbe kagbene to.

Ezikɛl 34:14

Ade be kaman, meeŋ shin nɛ b nya n ji kayurwushi so ashi abeemase nɛ ataŋɛ to nɛ mboŋ kama nɛ ajibi lela wɔ ashi Israɛl be kasawule so kikɛ.

Ezikɛl 38:10

Kusɔ nɛ Enyɛnpetale Ebɔrɛ na bee kaŋɛ Gɔg nde: “Jemanɛ na kaŋ fo, feeŋ fara a fɛ ŋkre lubi.

Danɛl 11:23

Mbe efuli maaŋ baa shi, ama e beeŋ bɔla kɔnɔkoŋwule be ŋkre nɛ mo nɛ basa beeŋ wora so n fule efuli pɔtɛana be basa, nɛ kumo be loŋ e shin nɛ mbe eleŋ e baa ti so.

Danɛl 7:25

E beeŋ malga ŋ gbiti Enyɛnpetale Ebɔrɛ na nseŋ mɛaŋ Ebɔrɛ be basa. E beeŋ wora ania fanɛ e beeŋ chɛrga bumo be kabɔrɛshuŋ be mbraana nɛ nchɛgboŋana, nseŋ ji Ebɔrɛ b basa so kuwura nfɛnsa nɛ bargato.

Nɔmbɛs 13:20

Men keni, kasawule na walɛ kudɔ ŋko k maŋ walɛ? K kɔ ndibi ŋko k maŋ kɔ? Men wora ania n chuge ndoŋ be asɔrso jiso a ba.” Asɔrso nɛ baa tre greep na be kesɔr be saŋɛ e daa la.

Matiu 9:4

Ndoŋ nna nɛ Yesu pin bumo be nfɛra na nseŋ bishi bumo:

Demujipoana 9:4

Kumo be kaman nɛ b lara gbiti be ndarbi adushunu ashi kegbir nɛ baa tre Baal Bɛrif be ebu to n sa Abimelɛk. Nɛ mo alɛ ta amansherbi ere n ya haya benapo lubi be katuŋ nɛ baaŋ shuŋ kushuŋ lubi be yiri kikɛ n nya amansherbi.