Danɛl 11:18 - EBƆRƐ BE KAWƆL

¹⁸ Ade kikɛ be kaman, e beeŋ kɔ efuliana nɛ a chena teku ase na kena m pɔɔ amo be adamta so. Ama benapo be enimu ko beeŋ ba kɔ m pɔɔ mo so nɛ mbe ŋkpensheŋ na kikɛ e ba ekar. Kashenteŋto e beeŋ shin nɛ ewura na be ŋkpensheŋ e laŋɛ n ji mo.

Danɛl 11:18 ပူးပေါင်းရင်းမြစ်များ

Ɛsta 10:1

Ewura Sɛgsis yili lampo nna n sa basa nɛ b tase teku ase nɛ bumo nɛ b maŋ tase teku ase ashi mbe efuli so kikɛ.

Aizaaya 66:19

nseŋ pin fanɛ ma e naa gberge bumo kusoe. Ama meeŋ yige bumo be beko nseŋ yɛr bumo efuli pɔtɛana fanɛ Speen nɛ Libiya nɛ Tubal nɛ Griis nɛ nsawule nɛ a wɔ kufɔ kufɔ nɛ b maŋ naŋ nu ma asheŋ ŋko n wu ma keshi nɛ eleŋgboŋ na so. Baaŋ ya bɔ ma kemaŋkura nɛ keshi be kubɔya n sa ndoŋebi.

Jɛremaya 2:10

Men yɔ keplasawule nɛ baa tre Saiprus ashi epeŋitɔrkpa na so. Kumo be kaman nɛ men shuŋi esa ko nɛ e yɔ Kɛda be kasawule nɛ k wɔ epeŋilarkpa na. Menyeeŋ wu fanɛ le be kesheŋ maŋ naŋ wora ŋ ku so ashi men be basa be yiri kikɛ to.

Jɛremaya 31:10

Enyɛnpe Ebɔrɛ na yɛ: “Menyi efuliana nɛ e taga to nɛ amo nɛ a wɔ teku be apla so kikɛ na e nu nfe. Ma e daŋ pesaŋ Israɛl be basa na to, ama ma alɛ beeŋ naŋ gama bumo abar so. Meeŋ baa kuŋ bumo fanɛ kananɛ mbolpɔkpapo bee keni so a kuŋ mbe mbolpɔ na.

Ezikɛl 27:6

Kedibi gboŋgboŋi nɛ b ku ashi Bashan be efuli so n shɛl ebaŋɛ; Ndibi kpakpaso fanɛ chɛchɛdibi nɛ b ku ashi Saiprus be efuli so n wora fo kaseto Nseŋ baŋɛ ejebotenyi n fɛga n fɛga amo to nɛ a baa walɛ.

Hoziya 12:14

Israɛl be basa shin nɛ Enyɛnpe Ebɔrɛ na nya agbo alegaiso. B daŋ daga luwu gba nna ŋkpal bumo be alubi so. Enyɛnpe Ebɔrɛ na malɛ beeŋ gberge bumo kusoe ŋkpal anishinyɔr nɛ b ta n ji mo na so.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.