Danɛl 11:17 - EBƆRƐ BE KAWƆL

¹⁷ Ewura na beeŋ bela ase n ta mbe benapo kikɛ n ya kɔ kena a fin kedii m pugi efuli na kikɛ so. Kumo be kaman nɛ e baa fin fanɛ mo nɛ mo doŋana na e wora kɔnɔkoŋwule nseŋ ta mo pibiche n sa Ijipt be efuli so be ewura na fanɛ e kil. Ama amo nɛ amo kikɛ ŋkre na maaŋ tiŋ n nyalɛ kikɛ.

Danɛl 11:17 ပူးပေါင်းရင်းမြစ်များ

2 Bewura 12:17

Loŋ be jemanɛ na nɛ Siriya be Ewura Haziɛl daŋ ya kɔ m pɔɔ Gaaf be kade so nseŋ kilgi n ya kaa kɔ Jerusalɛm malɛ gba.

2 Kronikɛls 20:3

Ndoŋ nna nɛ kufu pɛ Jehoshafat ga nɛ e kule Enyɛnpe Ebɔrɛ fanɛ e ŋini mo kusɔ nɛ e beeŋ wora. Kumo be kaman nɛ e shin nɛ efuli na be basa kikɛ kishi ŋ kule Ebɔrɛ n sa mo.

Nshɛ 56:9

Saŋkama nɛ m baŋ kule fo ndoŋana bee bɛta kaman nna. Kumo be loŋ e shin nɛ m pin fanɛ fo wɔ ma kutɔ.

Aŋasa 19:21

Dimɛdi beeŋ tiŋ ŋ kre ŋkre; ama Enyɛnpe Ebɔrɛ be aparsheŋ e naŋ wora.

Ezikɛl 17:17

Fɛɛro nɛ e la Ijipt be ewurgboŋ na nɛ mbe benapo lempo kikɛ maaŋ tiŋ n chɛ Juda be basa to ŋ kɔ jemanɛ nɛ Babilɔn be basa beeŋ ba gbare eshishɛr n deŋi abar so m mata Jerusalɛm be egbal na a fin keluri kade na to ŋ kɔ m mɔ basa na.

Ezikɛl 25:2

“Dimɛdi pibi, Ezikɛl, kilgi a keni Ammɔn be efuli so be basa ŋ kaŋɛ bumo fanɛ b maŋ wora n nyalɛ.

Ezikɛl 4:3

Ade kikɛ be kaman nɛ fo ta kebɛlso paŋgelambi ŋ kuŋ fo nɛ foto nɛ fo wora n deŋi kuboo na so na be nferinto fanɛ kebɛlso be egbal na, nseŋ kilgi fo anishito n shoŋi kebɛlso paŋgelambi na, nɛ k duli fanɛ fo kre kena nna ŋ kulti kade na n wɔtɔ. Kede beeŋ ba la tɔɔnɛ n sa Israɛl be basa na.

Ezikɛl 4:7

Ade be kaman nɛ fo kilgi fo anishi n shoŋi Jerusalɛm be foto nɛ fo wora na, nseŋ bɔɔ fo enɔ to a malga a teŋi a ŋini kumo a kaŋɛ kusɔ nɛ Ebɔrɛ kaŋɛ fanɛ k beeŋ wora kumo na.

Danɛl 11:19

Ewura na beeŋ bɛta n yɔ mo gbagba be kasawule so be kumɔlga be mboŋ lempo, ama baaŋ kɔ m pɔɔ mo so nɛ mbe asheŋ a loge kuraa!

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Habakuk 1:9

Bumo be benapo nyaŋɛto nna a ba basa be kemur to nɛ kufugboŋ tɔr bekama nɛ baa kɔ na so. Basa nɛ baa kɔ a pɛ a ki anya na shi alegaiso nna fanɛ eshishɛr na.

Matiu 12:30

Esa kama nɛ e maŋ la n teri la n doŋ nna nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna.

Luuk 11:23

Ekama nɛ e maŋ la meya la n doŋ nna na, nɛ ekama malɛ nɛ e maa chɛ ma to a chala, bee gboŋi asɔ nɛ mee chala nna na. Kiyoyu lubi baŋ lar esa to, e na kiyi to nna a fin ewushikpa. E baŋ fin kakpa ŋ gben, le nɛ e bee kaŋɛ mbe kumu: ‘Meeŋ naŋ bɛta n yɔ ma kowu dra nɛ n lar na to.’

Luuk 9:51

Yesu be keyɔ ebɔrɛso be jemanɛ ka bee taga to nɛ e koso kachako m pɛ Jerusalɛm be ekpa.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?