Danɛl 11:16 - EBƆRƐ BE KAWƆL

¹⁶ Siriya be efuli so be ewura nɛ e bee kɔ a sɔ nde na beeŋ wora kusɔ nɛ e bee sha nɛ esa kama maaŋ tiŋ ŋ kaŋɛ mo shɛŋ. Mo alɛ beeŋ sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na a ji kumo so eleŋ.

Danɛl 11:16 ပူးပေါင်းရင်းမြစ်များ

Aizaaya 8:8

Bedoŋ be benapo beeŋ ba sɔ Juda be efuli kikɛ so fanɛ lɔr to be nchu ka bɔlɔ n dii m muni kusɔ kama so na.” Ebɔrɛ wɔ anyi kutɔ! E parga mbe aba to fanɛ kabuibi nna, a kuŋ kasawule na.

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Danɛl 11:3

Kumo be kaman nɛ ewura lempo ko malɛ e lar m ba ji eleŋ ga nseŋ wora kusɔ nɛ e bee sha.

Danɛl 11:36

Ewura na beeŋ wora kusɔ kama nɛ k par mo. E beeŋ maaŋ mbe kumu so a chɔ kegbir kikɛ, hale m ba ka wora fanɛ e chɔ Enyɛnpetale Ebɔrɛ gba. E beeŋ nya ekpa n wora loŋ n ya fo saŋɛ nɛ Ebɔrɛ beeŋ gberge mo kusoe. Ebɔrɛ malɛ beeŋ wora kusɔ kama nɛ e yili.

Danɛl 11:41

E beeŋ kɔ n sɔ kasawule nɛ Ebɔrɛ nase kɔnɔ fanɛ e beeŋ ta n sa Israɛl be basa na nseŋ mɔ basa ŋgboŋto ŋgboŋto, ama Edɔm nɛ Mowab bre be efuli so nɛ kusɔ kama nɛ k ka Ammɔn be efuli so na bre beeŋ nya kumɔlga.

Danɛl 11:45

Kede be kaman nɛ e yuu bewura be wajɛbu gboŋgboŋi ashi Teku nɛ baa tre Mɛditerenia nɛ k wɔ epeŋitɔrkpa na nɛ kebee nɛ bɔrɛlambu na yil so na be kefɛato. Ama ndoŋ nɛ e beeŋ wu nɛ esa kama maŋ chɛ mo to.”

Danɛl 5:19

E daŋ ji eleŋ ga nɛ efuli kama so ebi nɛ yiri kikɛ daa ŋana mo ga. E baaŋ kaŋɛ fanɛ b mɔ esa, baa mɔ mo nna. Mo alɛ naŋ kaŋɛ fanɛ b shin nɛ esa e ji efute e bee ji efute nna. E beeŋ tiŋ n shin nɛ esa e nya bunyaŋ ŋko ŋaba.

Danɛl 8:4

Nɛ kpakpa na yeŋ to a tɛto a yɔ epeŋitɔrkpa nɛ kelargato be esoso nɛ kelargato be kaseto be mba so. Kusɔbɔya malɛ kikɛ maŋ tiŋ n yili n tu kumo ŋ kɔ m pɔɔ kumo so. Amoso kumo be kepar nɛ k daa wora nsaa nya eleŋ ga a ti so.

Danɛl 8:7

Ndoŋ nna nɛ n wu k ka bee kɔ kpakpa na agbo so hale m buri kumo be alambɛ anyɔ na kikɛ. Kpakpa na daa maŋ naa kɔ eleŋ nɛ k kɔ n sɔ kumo be kumu nɛ kaboe na da kumo ase a chichi chichi kumo so. Esa kama malɛ daa maŋ wɔtɔ nɛ e mɔlga kumo.

Danɛl 8:9

Nɛ kelambɛ fimbi ko malɛ naŋ kɔr alambɛ ana na be kuko to nseŋ ji eleŋ n ya lar kelargato be kaseto be kaba so nɛ epeŋilarkpa be kaba so hale n yɔ kasawule nɛ Ebɔrɛ nase kɔnɔ fanɛ e beeŋ ta n sa mbe basa Israɛlebi na so.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.