Danɛl 11:15 - EBƆRƐ BE KAWƆL

¹⁵ Amoso Siriya be efuli so be ewura na beeŋ shin nɛ benapo e pugi ŋ kulti kade nɛ b pɔr egbal ŋ kulti na ŋ kɔ kena n sɔ kumo. Ijipt be efuli so be benapo na maaŋ tiŋ n tu bumo ŋ kɔ kena, ŋkpal manɛ so, bumo be benapo lempo gba maaŋ naa kɔ eleŋ.

Danɛl 11:15 ပူးပေါင်းရင်းမြစ်များ

Jɛremaya 33:4

Kusɔ nɛ ma, Enyɛnpe, Israɛl be Ebɔrɛ na bee kaŋɛ a laŋɛ nwu nɛ a wɔ Jerusalɛm to nɛ Juda be ewurkpaana nɛ bumo gbagba daŋ bure n ta n ti egbal na be mboŋ nɛ a bure na saŋɛ na so Babilɔn be benapo nɛ b ba kulti kadegboŋ na n wɔtɔ a sha kekɔ kumo kena na maaŋ nya n luri na be kaplɛa so nde:

Jɛremaya 5:10

Meeŋ shin nɛ bedoŋ e ba ku ma basa be ndibi sɔrso n lɛ, ama b maaŋ mur ndibi sɔrso be adɔ na bre cheche. Meeŋ kaŋɛ bumo fanɛ b kpele ayabiana na n lɛ; ŋkpal manɛ so, loŋ be basa na maa sha kebaanyi ma.

Jɛremaya 52:4

Zɛdikaya ka ji Juda be efuli so be kuwura be kafɛ kpanusopo to be kufɔl kudusopo to nɛ Babilɔn be ewura, Nebukadneeza nɛ mbe benapo kikɛ ba kɔ Jerusalɛm kena. B daŋ ba wora bumo be keeyi to nna m mata Jerusalɛm be kadegboŋ na nseŋ n dɔ ashigboŋ m mata egbal nɛ k kulti kumo, saŋɛ na so baaŋ dii amo so n luri kadegboŋ na to.

Jɛremaya 6:6

Kede be kaman, nɛ Enyɛnpetale Ebɔrɛ na e kaŋɛ bewura na fanɛ b ku ndibi n yuu ajaŋ m mata egbal nɛ k kulti Jerusalɛm na nɛ benapo na e dii so n luri kadegboŋ na to. Ŋkpal manɛ so, e yɛ: “Meeŋ gberge basa nɛ b wɔ kadegboŋ ere to kusoe ŋkpal b ka bee kɔrfɛ bumo braana na so.

Ezikɛl 17:17

Fɛɛro nɛ e la Ijipt be ewurgboŋ na nɛ mbe benapo lempo kikɛ maaŋ tiŋ n chɛ Juda be basa to ŋ kɔ jemanɛ nɛ Babilɔn be basa beeŋ ba gbare eshishɛr n deŋi abar so m mata Jerusalɛm be egbal na a fin keluri kade na to ŋ kɔ m mɔ basa na.

Ezikɛl 4:2

Kumo be kaman nɛ fo wora asɔ ŋ kulti kumo fanɛ b ka kre kena ŋ kulti kumo n wɔtɔ na. Gbare shishɛr n deŋi abar so m mata kumo be egbal nɛ k kulti kumo na fanɛ kananɛ benapo beeŋ wora n dii so n luri kade to na, nseŋ wora ndibi gbɛgbɛso nɛ baaŋ ta n da egbal na n futi na nseŋ wora benapo be keeyi to be efoto m mata ebɔ be kuboo paŋgelambi na.

Danɛl 11:14

Loŋ be saŋɛ na basa damta beeŋ kini kenu n sa Ijipt be efuli so be ewura na. Fo Danɛl be basa ko nɛ b kɔ amu kpakpaso gba beeŋ kini kenu n sa ewura na ŋkpal kewuŋkaŋɛ ere so, ama bumo alɛ beeŋ kɔ n tɔr.

Danɛl 11:6

Ijipt be efuli so be ewura na baŋ ji kuwura na n ya fo saŋko, mo nɛ Siriya be efuli so be ewura beeŋ wora kɔnɔkoŋwule nɛ e ta mo pibiche n sa Siriya be efuli so be ewura na nɛ e kil. Ama loŋ be kɔnɔkoŋwule na maaŋ chɛr nɛ b mɔ mo pibiche na nɛ mo kul nɛ mbe kebia nɛ mbe mbita, nɛ b tu mo n yɔ ndoŋ na kikɛ.

Danɛl 8:7

Ndoŋ nna nɛ n wu k ka bee kɔ kpakpa na agbo so hale m buri kumo be alambɛ anyɔ na kikɛ. Kpakpa na daa maŋ naa kɔ eleŋ nɛ k kɔ n sɔ kumo be kumu nɛ kaboe na da kumo ase a chichi chichi kumo so. Esa kama malɛ daa maŋ wɔtɔ nɛ e mɔlga kumo.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.