Danɛl 10:6 - EBƆRƐ BE KAWƆL

⁶ Mbe eyur daŋ baa kpa edɛ nna fanɛ digi, nɛ mbe anishiakpa malɛ fuli parr fanɛ bɔrɛ ka nyɛkpɛ na. Mbe anishi malɛ daa du nna fanɛ edɛ be adondulombi. Mbe enɔ nɛ mbe aya daa kpa edɛ nna fanɛ b ka fɔr danyaŋ so na, nɛ mbe ebɔl malɛ du fanɛ jimaŋ damta ka bee cha awɔr na.

Danɛl 10:6 ပူးပေါင်းရင်းမြစ်များ

Ɛksodɔs 28:20

Nɛ gbaŋ nasopo malɛ be ajembu e baa la amo nɛ baa tre berɛl nɛ kameliya nɛ jaspa na. Kumo be kaman nɛ men ta shuwa n lɔŋɛ mpinibi nseŋ nyisi n nyisi ajembu na n wɔtɔ amo to.

Sɔlɔmɔn 5:14

Mbe mbre pɔl nɛnɛ nna fanɛ eshuwadibi na, nɛ e wɔtɔ enɔ to be mpinibi lela. Mbe eyur walɛ nna fanɛ b ka lɔŋɛ jebote be kinyi so nɛ k bee nyɛkpɛ nɛ b ta abitasɔ nɛ baa tre safai na n ji kumo kebita na.

Ezikɛl 1:14

Bumo alɛ daa yɔ anishito nsaa bɛta kaman manaŋ manaŋ nna fanɛ bɔrɛ ka bee nyɛkpɛ na.

Ezikɛl 1:16

Aya kulkulso ana na kikɛ daŋ duli abar nna nsaa kpa edɛ fanɛ yawu kpakpaso be ajembu nyɛkpɛso na, nɛ amo be kekama malɛ kɔ keya kulkulso nyɔsopo nɛ k kilgi n larga to ashi kumo be nferinto,

Ezikɛl 1:24

Asɔbɔya keniso na ka koso m bri aba to a firgi, nɛ n nu egbri fanɛ teku so be kewawa na, ŋko benapo damta ka na aya so na ŋko Enyɛnpetale Ebɔrɛ be ebɔl na. B ka ya yili nɛ b bra bumo be mbuibi be aba na m buu bumo be eyurana so.

Ezikɛl 1:7

Bumo be aya daa maŋ kɔ echɛkpa amo alɛ nsaa kɔ alotobi fanɛ kenabi na. Alotobi na daa kpa edɛ nna fanɛ danyaŋ nɛ b fifɛa so nɛ k bee nyɛkpɛ so na.

Ezikɛl 10:9

Nɛ n naŋ keni n wu fanɛ aya kulkulso ana mata asɔbɔya keniso na nsaa nyɛkpɛ fanɛ yawu kpakpaso be ajembu nyɛkpɛso na.

Ezikɛl 40:3

Nɛ Enyɛnpe Ebɔrɛ na firgi ma n taga amo to nɛ wu esa ko nɛ e bee nyɛkpɛ fanɛ b ka fifɛa danyaŋ so na, nɛ e kɔ wajɛchɛbi be kusɔ nɛ baa ta a karga asɔ be nteŋ nɛ kekpabi nɛ b kɔ a karga asɔ na mbe enɔ to nsaa yil kabunagboŋ ase ashi bɔrɛdare na to.

Ezikɛl 8:2

Ndoŋ nna nɛ ŋ keni nseŋ wu kusɔ ko ka du fanɛ dimɛdi be kaduli ka yil a kpa edɛ. Yili kumo be kashɛr ase m ba aya ase daa du fanɛ edɛ na, nɛ yili kumo be kashɛr ase n dii a yɔ kumo be kumu ase malɛ daa nyɛkpɛ fanɛ danyaŋ nɛ b fɛfa so na.

Matiu 17:2

Ndoŋ nna nɛ e kilgi kanaŋ ko bumo be anishito nɛ mbe anishiakpa fuli to a nyɛkpɛ fanɛ epeŋi nɛ mbe asɔbuuso malɛ fuli to parr a kpa edɛ.

Matiu 28:3

Mo kikɛ so daŋ baa nyɛkpɛ nna fanɛ bɔrɛ ka bee nyɛkpɛ na nɛ mbe asɔbuuso malɛ fuli to parrbi fanɛ ateebi.

Luuk 9:29

E ka bee kule Ebɔrɛ na nɛ mbe anishiakpa kilgi kanaŋ ko nɛ mbe asɔbuuso fuli to parr a kpa edɛ.

Kelaraŋŋini 10:1

Ndoŋ nna nɛ n naŋ wu malaika lempo ko malɛ gba ka shi ebɔrɛso a ba nɛ kuwɔlpa mea mo kikɛ so nɛ kabɔrɛnyaŋgelambi ko chambɔ mbe kumu so. Mbe anishiakpa daa du fanɛ epeŋi nna nɛ mbe aya daa du fanɛ edɛ ka lara adondulombi nɛ a du fanɛ eshabɔrɛ na.

Kelaraŋŋini 19:12

Mbe anishi daa du fanɛ edɛ nɛ a bee suse nna wuloŋwuloŋ nɛ nwurwuro damta malɛ wɔ mbe kumu so. B daŋ sibɛ ketre ko nna n deŋi mo so nɛ mo nawule kpeŋ nyi kumo.

Kelaraŋŋini 2:18

Nɛ e naŋ kaŋɛ: “Sibɛ kawɔl ere n sa Tayataira be kade to be asɔri be malaika na ŋ kaŋɛ mo le: ‘Mmalga ere shi Ebɔrɛ Pibinyɛn mo nɛ mbe anishi du fanɛ edɛ be adondulombi nɛ mbe ayadra malɛ bee kpa edɛ fanɛ katishaŋ peper na kutɔ nna.

Kelaraŋŋini 21:20

Sardɔniksi nɛ b daŋ ta n wora gbaltɔlase nusopo nseŋ ta sardie n wora keshesopo na n ta krisolit n wora keshunusopo na. Kuburwasopo na peya e la berɛl, kekpanusopo e la kejembu mo nɛ baa tre topas na, kudusopo peya e la krisoprasi nɛ kudukakosopo peya la jasinɛf. Kejembu kuduanyɔsopo mo nɛ b daŋ ta n wora gbaltɔlase kuduanyɔsopo na nɛ baa tre ametiste.