Danɛl 10:16 - EBƆRƐ BE KAWƆL

¹⁶ Ndoŋ nna nɛ malaika nɛ e duli dimɛdi na, teŋi mbe enɔ m beta ma kɔnɔpurbi. Nɛ ŋ kaŋɛ mo le: “N Nyɛnpe, bɔrɛdare ere shin nɛ kufu pɛ ma nɛ ma eyur yɔ ma nɛ mee chicha a maaŋ tiŋ n yili ma aya so.

Danɛl 10:16 ပူးပေါင်းရင်းမြစ်များ

Ɛksodɔs 4:10

Ndoŋ nna nɛ Mosis kaŋɛ le: “O, Enyɛnpe Ebɔrɛ, jande, sa maŋ shuŋi ma! Ŋkpal manɛ so m maŋ nyi kamalga to. Nɛ mannɛ fo ka bee malga ma fo kenya kutɔ nfe ere so, ma nɛ esa kikɛ maŋ naŋ malga le kikɛ. N la esa nɛ m maa tiŋ kamalga nna.”

Ɛksodɔs 4:13

Nɛ Mosis naŋ kaŋɛ: “O n Nyɛnpe Ebɔrɛ, jande shuŋi esa pɔtɛ.”

Kaŋinichiŋgeliŋ 1:18

Fo baa nya kanyiasheŋ ga, kumo be jemanɛ malɛ nɛ fo kagbene bee jija fo ga. Kenyi be ga la tɔrɔ nna.

Aizaaya 6:7

beta ma kɔnɔpurbi nseŋ kaŋɛ le: “Kede beta fo kɔnɔpurbi nna na. Fo nya alubi be ketampaŋ nsaa maŋ naa la esa nɛ e wora n jija nna na.”

Jɛremaya 1:9

Kede be kaman nɛ Enyɛnpe Ebɔrɛ na teŋi mbe enɔ m beta ma kɔnɔpurbi nseŋ kaŋɛ ma le: “Nu nfe! Mee sa fo mmalga nɛ feeŋ baa malga nna na.

Ezikɛl 1:26

Ndoŋ nna nɛ ŋ wu kusɔ ko fanɛ kuwurputi nɛ b ta yawu kpakpaso be kejembu lela nɛ baa tre ‘Saffai’ na n lɔŋɛ, nseŋ naŋ wu esa ko ka duli dimɛdi nɛ e tase kuwurputi na so.

Ezikɛl 3:27

Ama kachɛ nɛ meeŋ malga fo kutɔ na kaŋ fo, meeŋ bugi fo kɔnɔ nɛ fo malga bumo kutɔ saŋɛ na so feeŋ kaŋɛ bumo kusɔ nɛ ma, Enyɛnpetale Ebɔrɛ na kaŋɛ. Beko beeŋ nu nɛ beko malɛ e kini kenu, ŋkpal manɛ so, b la basa nɛ b kini ma nseŋ pal kaman n sa ma nna.”

Ezikɛl 33:22

Pɔɛŋ nɛ esa na ba ma kutɔ na be kaaseso, Enyɛnpe Ebɔrɛ na be eleŋgboŋ daŋ gbelge ma so nna nɛ e shin nɛ ma kɔnɔ bugi nɛ n tiŋ m malga pɔɛŋ nɛ kanyɛn na ba ma kutɔ kumo be ŋklade kachipurso na.

Danɛl 12:8

N daŋ nu kusɔ nɛ e kaŋɛ ama ma alɛ daa maŋ pin to. Ndoŋ nna nɛ m bishi mo le: “Jande, nuso nɛ asheŋ ere be lalaloge beeŋ ba ki?”

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 7:15

Bɔrɛdare nɛ ma Danɛl daŋ ku na daŋ chinchiŋ ma ga nɛ ma kagbene jija ma.

Danɛl 7:28

Ma edare na nɛ kumo be kifito kikɛ be ekar nna na. Kufu daŋ pɛ ma ga nna hale nɛ n nyɔr ŋ ki foleebi nseŋ ta kusɔ kama n wɔtɔ ma kagbene to.

Danɛl 8:15

N daa wora ania nna nɛ m pin bɔrɛdare na be kifito, nɛ esa ko ba yili ma anishito epul to.

Danɛl 8:17

Geebriɛl ka ba yili kakpa nɛ n yil na, nɛ kufu pɛ ma alegaiso hale nɛ n tɔr kasawule. Nɛ e kaŋɛ ma le: “Dimɛdi e la fo ama k daga fo ka pin fanɛ bɔrɛdare ere bee ŋini durnya be lalaloge be asheŋ nna.”

Danɛl 8:18

E ka bee malga na, nɛ n dese m mata kasawule fanɛ ŋ ka kreŋ na. Ama e daŋ pɛ ma to nna nɛ ŋ koso n yili ma aya so,

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Danɛl 9:21

Ŋ ka bee kule Ebɔrɛ na, nɛ malaika nɛ baa tre Geebriɛl nɛ n daŋ wu mo ashi ma bɔrɛdare sososo na to na, firgi a gbelge to a ba kakpa nɛ n wɔ na. Kumo be jemanɛ nɛ kaaseso be sarga be kelara fo.

Luuk 1:64

Epul na to nɛ Zakareya be kɔnɔ bugi nɛ mbe kudonduloŋ kilgi nɛ e fara a malga a di Ebɔrɛ epaŋ.

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Baru lela nɛ Jɔn kute na 20:28

Ndoŋ nna nɛ Tɔmas kaŋɛ Yesu le: “N Nyɛnpe nɛ ma Ebɔrɛ!”

Joshuwa 5:14

Nɛ kanyɛn na kaŋɛ le: “M maŋ la amo be kekama. Enyɛnpe Ebɔrɛ be benapo be enimu e la ma, nɛ m ba.” Ndoŋ nna nɛ Joshuwa gbir m bunyaŋ mo nseŋ kaŋɛ le: “Fo kenya e la ma, manɛ nɛ fee sha fanɛ n wora?”

Kelaraŋŋini 1:13

Shuwa be kefitilatɔl ashunu na malɛ to n wu esa ko fanɛ dimɛdi pibinyɛnso ka buu piŋi nɛ k gbelge n ya fo mbe ayadra so nɛ shuwa be kreso paŋgelambi ko ŋ kre mbe nteto.

Demujipoana 13:8

Ndoŋ nna nɛ Manoa kule Ebɔrɛ ŋ kaŋɛ le: “O Enyɛnpe Ebɔrɛ, mee kule fo nna nɛ fo shin nɛ Ebɔrɛ be esa nɛ fo shuŋi na e naŋ bɛta m ba anyi kutɔ m ba ŋini anyi kananɛ anyeeŋ bela kebia na.”

Demujipoana 6:13

Nɛ Gidiɔn malɛ yɛ: “Gafra, shin nɛ ŋ kule m bishi, nɛ fanɛ Enyɛnpe Ebɔrɛ na wɔ anyi kutɔ, manɛ nna nɛ le be asheŋ ere kikɛ bee tu anyi? Nnɛ nɛ mbe emamachisheŋ nɛ an tutoana bee ji amo be asheŋ na yɔ? B yɛ, Enyɛnpe Ebɔrɛ na e lara anyi ashi Ijipt be efuli so m ba nfe. Ama naniere Enyɛnpe Ebɔrɛ na kplaŋ anyi so nna n sa Midianebi na.”

Demujipoana 6:15

Nɛ Gidiɔn kaŋɛ: “Enyɛnpe Ebɔrɛ, nuso nɛ ma alɛ le beeŋ tiŋ n yɔ n ya mɔlga Israɛl? Ma kabuna e maŋ kɔ eleŋ ashi Manase be yiri ebi kikɛ to. Ma alɛ e la kebibi ashi ma kanaŋ to.”