Danɛl 10:11 - EBƆRƐ BE KAWƆL

¹¹ Nɛ malaika na kaŋɛ ma le: “Danɛl, Ebɔrɛ bee sha fo paa. Koso n yili ŋ kaŋ kusoe nɛnɛ n nu kusɔ nɛ mee sha nɛ ŋ kaŋɛ fo ere. B shuŋi ma fo kutɔ nna.” E ka bee malga le na kikɛ nɛ n yil a chicha.

Danɛl 10:11 ပူးပေါင်းရင်းမြစ်များ

Job be kawɔl 37:1

M baŋ nu Ebɔrɛ be ebɔl kaa bee muni to fanɛ bɔrɛ ka ponte, nseŋ wu bɔrɛ ka nyɛkpɛ ŋ ku awɔlpa to a choŋ, ma kagbene bee ku nna nɛ kufu e pɛ ma nɛ ma eyur kikɛ e baa chicha.

Nshɛ 45:11

Fo kela e shin nɛ ewura be kagbene pɛ fo ga na. Amoso baa sa mo bunyaŋ nsaa wora kusɔ kama nɛ e bee sha a sa mo.

Sɔlɔmɔn 7:10

N la ma eshapo peya nna, nɛ e bee sha ma ga.

Ezikɛl 14:14

hale nɛ Nowa nɛ Danɛl nɛ Job, gba daŋ ti bumo so, bumo be alelasheŋ daa beeŋ tiŋ m mɔlga bumo gbagba nawule nna ama mannɛ basa na kikɛ.” Ma, Enyɛnpetale Ebɔrɛ e kaŋɛ na.

Ezikɛl 2:1

Ndoŋ nna nɛ ebɔl na kaŋɛ ma le: “Dimɛdi pibi, Ezikɛl, koso n yili. Mee sha kemalga fo kutɔ nna.”

Danɛl 10:19

Ndoŋ nna nɛ e kaŋɛ le: “Ebɔrɛ bee sha fo, amoso sa maa fɔŋ shɛŋ shɛŋ so ŋko a lɔ kufu.” E ka malga loŋ n loge, nɛ n nya eleŋ nseŋ kaŋɛ le: “Jande, kaŋɛ ma kusɔ nɛ fee sha kekaŋɛ, ŋkpal manɛ so fo shin nɛ n naŋ nya eleŋ.”

Danɛl 10:3

N daa maŋ ji ajibi gbɛgbɛso kikɛ ŋko n we eblaŋ ŋko n nuu asɔnuuso ŋko ŋ gbiti ŋku bɔkwe asa na kikɛ to.

Maak 16:8

Nɛ beche na shile n lar nchaŋ na to manaŋ, ŋkpal manɛ so, kufu nɛ keyeŋiyeŋi daŋ pɛ bumo, amoso, b daa maŋ kaŋɛ esa kama shɛŋ ŋkpal kufu na so. [

Baru lela nɛ Jɔn kute na 13:23

Bebɛsopo na be emo nɛ Yesu daa sha na daŋ chena nna m mata mo.

Baru lela nɛ Jɔn kute na 21:20

Ndoŋ nna nɛ Pita gbɛ ŋ keni kaman nɛ ebɛsopo mo nɛ Yesu bee sha na e bɛ bumo so. Ebɛsopo ere e la emo nɛ e daŋ dese m mata Yesu ejikpa nseŋ daŋ bishi Yesu fanɛ: “Enyɛnpe, wanɛ e naa shin nɛ e debɔr fo?”

Ashuŋ Shunso 26:16

Ama niŋi to ŋ koso n yili. N lar fo so nna nɛ n shin nɛ fo ki ma eshumpo. A daga fanɛ fo ya kaŋɛ basa ma asheŋ nɛ fo wu kabre ere nɛ amo nɛ meeŋ ŋini fo kachako so ere be asheŋ.

Ashuŋ Shunso 9:6

Niŋi to n yɔ kade to nɛ b ŋini fo kusɔ nɛ k daga nɛ fo wora.”