Danɛl 10:1 - EBƆRƐ BE KAWƆL

¹ Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo.

Danɛl 10:1 ပူးပေါင်းရင်းမြစ်များ

Jɛnesis 41:32

Ewura Fɛɛro, kusɔ nɛ k ba nɛ edare anyɔ na duli abar m ba fo kutɔ na e la fanɛ Ebɔrɛ yili kumo nna fanɛ abaanaaworasheŋ, e beeŋ wora kumo. K maaŋ chɛr gba.

2 Kronikɛls 36:22

Pɛshiya be ewurgboŋ nɛ baa tre Sairus na be kuwurji be kafɛ juŋkparso to nɛ Enyɛnpe Ebɔrɛ shin nɛ e sibɛ kubɔya ere n wɔtɔ nwɔl to nseŋ chige nwɔl na n sa mbe efuli so kikɛ ebi nɛ b kraŋ nwɔl na awɔrso, saŋɛ na so kusɔ nɛ e bɔlɔ anebi Jɛremaya so m malga na beeŋ bɔlɔ so.

Ɛzra 3:7

Ade kikɛ be kaman, nɛ basa na sa bepɔrpo nɛ ekapɛnta amansherbi nseŋ ta ajibi nɛ asɔnuuso nɛ ɔlif be ŋku n shuŋi n ya sa Sidɔnebi nɛ Tayɛebi fanɛ b ku sida be ndibi n yili Lebanɔn n ta amo m bɔla teku so m bar bumo ashi Jɔpa fanɛ kananɛ Pɛshiya be ewura, Sairus, kaŋɛ na.

Ɛzra 4:3

Nɛ Zerubabel nɛ Joshuwa nɛ Israɛl be mbunaana na be benimuana na malɛ kaŋɛ bumo: “Anyi maa sha menyi be kechɛto ashi bɔrɛlambu na be kepɔr n sa Enyɛnpe anyi be Ebɔrɛ na to. Anyi nawule beeŋ tiŋ m pɔr kumo fanɛ kananɛ Pɛshiya be ewura, Sairus yili na.”

Ɛzra 4:5

Nɛ b ya ber Pɛshiya be gomena be benimu ko paa fanɛ b ba funti Judaebi na n lara bumo lambu na be kapɔr to. Ewura Sairus be jemanɛ so nɛ b keta kumo loŋ hale m ba fo ewura Dariɔs be jemanɛ so.

Ɛzra 6:14

Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Ɛzra 6:3

Kafɛ nɛ ewurgboŋ Sairus ji kuwura na nɛ e sa kɔnɔ a yɔ Ebɔrɛ be lambu nɛ k wɔ Jerusalɛm to na be kaplɛa so le: “Bɔrɛlambu nɛ k daa wɔ Jerusalɛm to na daga kelɔŋɛ m pɔr nseŋ shin nɛ k baa la kakpa nɛ basa beeŋ baa lara esarga. Kumo be gbaltɔlase gba daga ketɔl. A daga kumo be jeŋgreŋ e baa la ayadra adekpanu nɛ kumo be mparto malɛ gba e baa la ayadra adekpanu.

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Danɛl 1:17

Ebɔrɛ daŋ sa mbrantiɛfɔlbi ana na nwɔl be kenyi nɛ asheŋ be kepinto nna, nseŋ ta kebaa tiŋ a kute bɔrɛdare nɛ edare gbagba be afito be kenyi n ti Danɛl bre so.

Danɛl 1:21

Danɛl daŋ ji ewurkpa na nna hale n ya fo kafɛ nɛ Pɛshiya be efuli so be ewura nɛ baa tre Sairus kɔ m pɔɔ Babilɔn be efuli so nseŋ ji kumo be kuwura na.

Danɛl 1:7

Ewura be lambu to be benimuana na be ejuŋkparpo na daŋ sa bumo atre popɔr nna. Danɛl e daa la Bɛlteshaaza nɛ Hananiya la Shaadrak nɛ Mishaal la Mɛshaak, nɛ Azariya malɛ la Abedneego.

Danɛl 10:14

M ba nna nɛ m ba bugi asheŋ to n sa fo nɛ fo pin kusɔ nɛ k beeŋ wora fo basa kachako so, ŋkpal manɛ so bɔrɛdare na bee ŋini kachako so be asheŋ nɛ a beeŋ wora nna.”

Danɛl 11:2

Kusɔ nɛ mee shin nɛ ŋ kaŋɛ fo naniere malɛ la kashenteŋ nna. Bewura asa e kraa beeŋ ba ji kuwura ashi Pɛshiya be efuli so pɔɛŋ nɛ enasopo nɛ e kɔ dama a chɔ bumo kikɛ e ba bɛ so. Mbe kedamaya na beeŋ sa mo eleŋ ga hale nɛ e ta basa kikɛ nɛ Griis be efuli be basa be amu ŋ ŋmɛa abar.

Danɛl 12:4

Kumo be kaman nɛ e naŋ kaŋɛ ma le: “Danɛl, da kawɔl na m buu so nseŋ ta tɔɔnɛ be kebersobi m ber kumo so hale nɛ durnya ere e ya fo kumo be ekar. Ama basa kraa beeŋ baa lege to a fin kepin asheŋ to.”

Danɛl 12:9

Nɛ e kaŋɛ ma le: “Danɛl baa yɔ, ŋkpal manɛ so, a daga mmalga ere ka la wulo be mmalga nna n ya fo durnya be lalaloge.

Danɛl 2:21

Fo e kɔ eleŋ a shin nɛ saŋɛ nɛ jemanɛ kikɛ bee chɛrga. Fo e naa buu nsaa gboŋi bewura. Fo koŋwule na e naa sa basa kanyiasheŋ nɛ asheŋ be kepinto.

Danɛl 4:8

Ndoŋ nna nɛ Danɛl malɛ ba nɛ ŋ kaŋɛ mo edare nɛ ŋ ku na. Agbir cheembi na be kiyoyu wɔ Danɛl to nna a chɛ mo to nɛ e bee tiŋ a pin edare be afito. N daŋ ta ma kegbir be ketre Bɛlteshaaza nna n nase Danɛl,

Danɛl 5:12

E kɔ kenyi nɛ nfɛra ga nsaa kɔ kanyiasheŋ a tiŋ a kute edareana be afito, nsaa sa asheŋ bishiso kpakpaso gba be atuwebi. E bee tiŋ a bugi alemaŋkarsheŋ be ewulo to. Amoso shuŋi n tre le be kanyɛn ere. Mo e la Danɛl nɛ ewura na daŋ sa mo ketre Bɛlteshaaza na. E beeŋ kaŋɛ fo le be asheŋ ere kikɛ be afito.”

Danɛl 5:17

Ndoŋ nna nɛ Danɛl kaŋɛ le: “Yiramu, meeŋ kraŋ kasibɛ na nseŋ kaŋɛ fo kumo be kifito, ama baa kɔ fo ŋkɛ. Feeŋ tiŋ n ta amo ŋ kɛ esa ko.

Danɛl 6:28

Jemanɛ nɛ Dairus daa ji kuwura nɛ Sairus malɛ la Pɛshiya be efuli so be ewura na, kusɔ kama nɛ Danɛl daa wora, daa nite nɛnɛ nna.

Danɛl 8:16

Nɛ n nu ebɔl ka shi nchu nɛ b kur nɛ baa tre Ulai na ase a kaŋɛ le: “Geebriɛl, bugi to ŋ kaŋɛ mo kusɔ nɛ e wu na be kifito.”

Danɛl 8:26

Bɔrɛdare nɛ fo wu a laŋɛ nchɛ ŋgboŋ anyɔ nɛ alfa asa be kaplɛa so ere beeŋ bɔlɔ so kashenteŋto, ama shin nɛ k ba la wulo to be kesheŋ, ŋkpal manɛ so, k beeŋ chɛr nna pɔɛŋ nseŋ wora.”

Luuk 1:20

Ama fo maŋ yirda kubɔya na, kumo alɛ be saŋɛ kaŋ fo, loŋ e naaŋ wora. Ŋkpal fo ka maŋ yirda ma kubɔya ere so, fo maaŋ naŋ tiŋ m malga. Feeŋ ki neemu yili kabre n ya fo kachɛ nɛ ma kamalga ere beeŋ bɔla ekpa.”

Kelaraŋŋini 19:9

Ndoŋ nna nɛ malaika na kaŋɛ ma le: “Sibɛ n nase fanɛ: Kagbenefuli la bumo nɛ b tre fanɛ b ba Kpakpafɔlbi na be kejafɔ be kejigboŋ to na.” Kumo be kaman nɛ e kaŋɛ le n ti so: “Ade la Ebɔrɛ be kashenteŋ be mmalga nna.”