Danɛl 1:7 - EBƆRƐ BE KAWƆL

⁷ Ewura be lambu to be benimuana na be ejuŋkparpo na daŋ sa bumo atre popɔr nna. Danɛl e daa la Bɛlteshaaza nɛ Hananiya la Shaadrak nɛ Mishaal la Mɛshaak, nɛ Azariya malɛ la Abedneego.

Danɛl 1:7 ပူးပေါင်းရင်းမြစ်များ

Jɛnesis 41:45

Ade kikɛ be kaman nɛ Fɛɛro sa Josɛf ketre Zafenat Panea nseŋ ta On be kegbirwura Potifera pibiche nɛ baa tre Asenat na n sa mo fanɛ e baa la mbe eche. Josɛf ka nya loŋ be eyilikpa na nɛ e fara a nite Ijipt be efuli na kikɛ so.

2 Bewura 23:34

Ewura Neeko daŋ shin nɛ Josaya pibinyɛn Eliakim ki Juda be ewura nna nɛ e chɛrga mbe ketre ŋ ki Jehowakim. Ewura Neeko daŋ keta Jehowahaz bre nna n yɔ Ijipt be efuli so nɛ e ya wu ndoŋ.

2 Bewura 24:17

Ewura Nebukadneeza daŋ shin nna nɛ Jehowachin mo wɔpa Mataniya ki Juda be ewura nɛ e chɛrga mbe ketre ŋ ki Zɛdikaya.

Danɛl 1:19

Ewura na ka malga bumo kikɛ kutɔ nɛ e wu fanɛ Danɛl nɛ Hananiya nɛ Mishaal nɛ Azariya be asheŋ e bɔlɔ mo kenishi ga a chɔ bumo nɛ b ka na kikɛ. Amoso bumo e daŋ ki ewurkpa be beshumpo.

Danɛl 1:3

Kachako nɛ Ewura Nebukadneeza kaŋɛ Ashpenaaz nɛ e la mbe lambu to be benimuana na kikɛ be ejuŋkparpo na fanɛ e fin Israɛlebi be mbrantiɛfɔlbi nɛ b pɛ kena to na be bumo nɛ b shi kuwurji nɛ benimuana be kanaŋ to na m ba ewurkpa.

Danɛl 10:1

Sairus ka ji kuwura ashi Pɛshiya be kasawule so be kafɛ sasopo to nɛ Ebɔrɛ lara kubɔya ere n sa Danɛl nɛ mbe ketre ko bee ji Bɛlteshaaza na. Kubɔya na daa la kashenteŋ nna nsaa malga kenagboŋ ko be asheŋ. Kumo alɛ be kepin to daa du kpakpa nna. Bɔrɛdare to nɛ b daŋ bugi kumo to ŋ kaŋɛ mo.

Danɛl 2:26

Nɛ ewura na kaŋɛ Danɛl nɛ mbe Babilɔn be ketre la Bɛlteshaaza na le: “Feeŋ tiŋ ŋ kaŋɛ ma edare nɛ ŋ ku na nɛ kumo be kifito a?”

Danɛl 2:49

Nɛ Danɛl kule ewura na fanɛ e shin nɛ Shaadrak nɛ Mɛshaak nɛ Abedneego e ki kakpa nɛ e bee keni so na be ekrachigboŋ, nɛ mo alɛ Danɛl e baa wɔ ewurkpa nawule.

Danɛl 4:5

Ŋ ka dese a di nɛ ŋ ku edare nseŋ naŋ wu bɔrɛdare gba nɛ kufu pɛ ma ga.

Danɛl 4:8

Ndoŋ nna nɛ Danɛl malɛ ba nɛ ŋ kaŋɛ mo edare nɛ ŋ ku na. Agbir cheembi na be kiyoyu wɔ Danɛl to nna a chɛ mo to nɛ e bee tiŋ a pin edare be afito. N daŋ ta ma kegbir be ketre Bɛlteshaaza nna n nase Danɛl,

Danɛl 5:12

E kɔ kenyi nɛ nfɛra ga nsaa kɔ kanyiasheŋ a tiŋ a kute edareana be afito, nsaa sa asheŋ bishiso kpakpaso gba be atuwebi. E bee tiŋ a bugi alemaŋkarsheŋ be ewulo to. Amoso shuŋi n tre le be kanyɛn ere. Mo e la Danɛl nɛ ewura na daŋ sa mo ketre Bɛlteshaaza na. E beeŋ kaŋɛ fo le be asheŋ ere kikɛ be afito.”