Danɛl 1:2 - EBƆRƐ BE KAWƆL

² Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.

Danɛl 1:2 ပူးပေါင်းရင်းမြစ်များ

Jɛnesis 10:10

Mbe efuli e daa la Babilɔn nɛ Erɛk nɛ Akad nɛ Kalne be nde nɛ a wɔ Babilɔn be efuli so na.

Jɛnesis 11:2

Basa daŋ sɔ epeŋipetekpa nna a yɔ nseŋ ya tu kaboŋ fultoso ko ashi Babilɔn be efuli so n ta ndoŋ ŋ ki bumo be kade.

2 Bewura 24:1

Jemanɛ nɛ Jehowakim bee ji Juda be kuwura na nɛ Babilɔn be ewura Nebukadneeza ba kɔ n sɔ Juda nseŋ tintiŋ Jehowakim nɛ e shuŋ mo nfɛ asa. Kumo be kaman nɛ Jehowakim kini fanɛ e maaŋ naŋ nu n sa Nebukadneeza.

2 Kronikɛls 36:5

Jehowakim daa la nfɛ adunyɔ nɛ anu nna pɔɛŋ nseŋ ki Juda be ewura nseŋ ji kuwura Jerusalɛm to nfɛ kudukako. E daŋ wora alubi nna ŋ gbiti Enyɛnpe mbe Ebɔrɛ na.

2 Kronikɛls 36:7

Ewura Nebukadneeza daŋ ta Enyɛnpe Ebɔrɛ be bɔrɛ lambu na to be asɔ lela nna n ya wɔtɔ mbe laŋ to ashi Babilɔn.

Ɛzra 1:7

Ade kikɛ be kaman, nɛ ewura Sairus bɛta echeenshi nɛ ekurwa nuunchu nɛ ewura Nebukadneeza daŋ ta bɔrɛlambu na to ashi Jerusalɛm n ya wɔtɔ mbe agbir be ebu to na n sa bumo.

Aizaaya 11:11

Loŋ be kachɛ na kaŋ fo, Enyɛnpe Ebɔrɛ na beeŋ naŋ bɔla mbe eleŋgboŋ so m bɛta mbe basa nɛ b ka a wɔ efuliana nɛ baa tre Asiriya nɛ Ijipt nɛ Patrɔs nɛ Itiopia nɛ Ilam nɛ Babilɔn nɛ Hamaf nɛ teku ase be nsawule nɛ kepla so na m ba.

Aizaaya 42:24

Wanɛ e sa ekpa nɛ beko ba suge Israɛl be asɔ? Enyɛnpe Ebɔrɛ nɛ an wora n da so na gbagba e sa bumo ekpa nɛ b wora loŋ! Ŋkpal manɛ so, an daa maa wɔ kebaawɔtɔ nɛ e daa sha na to ŋko n daa wora mbe keŋini nɛ e sa anyi na kasonu.

Jɛremaya 25:1

Ewura Josaya pibinyɛn Jehowakim ka ji Juda be efuli so be kuwura be kafɛ nasopo to, nɛ Enyɛnpe Ebɔrɛ na sa ma kubɔya fanɛ n ta n sa Juda nɛ Jerusalɛm to be basa. Ewura Nebukadneeza malɛ ka ji Babilɔn be efuli so be kuwura be kafɛ koŋwule to e daa la.

Jɛremaya 27:16

Ade be kaman nɛ ŋ kaŋɛ bɔrɛmatapoana na nɛ basa na fanɛ Enyɛnpe Ebɔrɛ na kaŋɛ le: “Men sa maa nu a sa anebiana nɛ baa kaŋɛ fanɛ Babilɔnebi na beeŋ bɛta bɔrɛlambu na to be shuwa nɛ gbiti be asɔ damta nɛ b ta n yɔ bumo be efuli so na m ba. Efɛ nɛ baa ku a sa menyi.

Jɛremaya 28:3

Ta a ba nfɛ nyɔ be kefɛato, meeŋ bɛta bɔrɛlambu ere to be shuwa nɛ gbiti be asɔ lela nɛ ewura Nebukadneeza ta ashi Jerusalɛm n yɔ Babilɔn be efuli so na m ba nfe.

Jɛremaya 35:11

Ama jemanɛ nɛ ewura Nebukadneeza nɛ Babilɔn be efuli nɛ Siriya be efuli so be benapo ba fara a kɔ a sha kesɔ efuli na nɛ an koso m ba Jerusalɛm to m ba chena, saŋɛ na so anyeeŋ shile bumo m mɔlga anyi be amu. Kusɔ nɛ k ba nɛ an baa kaa wɔ Jerusalɛm to nna na.”

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Danɛl 5:13

Ndoŋ nna nɛ b bar Danɛl ewura na be anishito epul na to nɛ ewura na bishi mo le: “Fo e la Danɛl nɛ fo la Juwebi b basa nɛ b pɛ kena to nɛ n tuto keta n shi Juda m ba na be eko na a?

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Habakuk 1:16

Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.

Zakareya 5:11

Ndoŋ nna nɛ e kaŋɛ: “Babilɔn be efuli so nɛ b kɔ kumo a yɔ nɛ b ya pɔr lambu n ta kumo n wɔtɔ nɛ basa e baa bunyaŋ kumo ndoŋ.”

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Demujipoana 2:14

Enyɛnpe Ebɔrɛ na daŋ nya agbo nna n wɔtɔ bumo n shin nɛ beyu ba kɔ bumo n suge bumo be asɔ kikɛ n shile. Kumo be kaman, nɛ Enyɛnpe Ebɔrɛ na naŋ shin nɛ bedoŋ ba kulti bumo n wɔtɔ ŋ kɔ m pɔɔ bumo so. Israɛlebi na daa maŋ naŋ tiŋ ŋ kuŋ bumo be amu ashi bumo doŋana kutɔ.

Demujipoana 3:8

Amoso nɛ Enyɛnpe Ebɔrɛ na nya agbo n wɔtɔ Israɛlebi nseŋ shin nɛ Ewura Kushan Rishateem, nɛ e la efuli nɛ baa tre Mɛsopoteemia na be ewura na ba kɔ m pɔɔ bumo so. Nfɛ aburwa nɛ Israɛlebi na bee shuŋ mo.

Demujipoana 4:2

Amoso nɛ Enyɛnpe Ebɔrɛ na shin nɛ Jabin nɛ e la Keenan be ewura nseŋ daŋ chena kade nɛ baa tre Hazɔɔ a ji kuwura na pɔɔ bumo so. Kanyɛn nɛ baa tre Sisɛra na e daa la mbe benapo be enimu. Kade nɛ baa tre Haroshɛt Haggoyim na nɛ e daa wɔ.

1 Samuɛl 5:2

nseŋ ta kumo n ya yili bumo be kegbir Dagɔn be lambu to m mata kegbir na be kapɔrduli.