Kɔlɔsiebi 4:4 - EBƆRƐ BE KAWƆL

⁴ Men baa kule Ebɔrɛ a sa ma nɛ n tiŋ m bugi wulo na be kubɔya na to nɛnɛ fanɛ kananɛ k daga ŋ ka malga.

Kɔlɔsiebi 4:4 ပူးပေါင်းရင်းမြစ်များ

Ashuŋ Shunso 4:29

Naniere Enyɛnpe, fo nu kananɛ b fiɛ anyi so nna na, amoso, sa anyi, fo anya kenyɛn nɛ an tiŋ m bɔ fo kubɔya na n sa basa.

Ashuŋ Shunso 5:29

Nɛ Pita nɛ mo braana beshuŋipo na kaŋɛ: “Ebɔrɛ e daga an ka nu n sa, mannɛ enyiŋgbasa.

2 Kɔrintebi 3:12

Ŋkpal an ka kɔ le be tama ere so, an kɔ kenyɛn nɛ an baa wora asheŋ.

Ɛfesesebi 6:20

Baru lela na malɛ be katelamuyilipo e la ma nɛ n wɔ kabuti to na. Men baa kule Ebɔrɛ a sa ma nɛ m baa tiŋ a kɔ kenyɛn a bɔ baru lela na a sa basa fanɛ kananɛ k daga fanɛ m baa wora.

Kɔlɔsiebi 4:5

Men baa kɔ kanyiasheŋ be kebaawɔtɔ a ŋini bumo nɛ b maŋ nyi Yesu Kristo bumo be ŋgbene to na. Men sa maa gal kumo be loŋ be kelela be kewora a lɛ.

Kɔlɔsiebi 4:6

Men shin nɛ men be kelejima e baa wɔ ebel saŋkama a kɔ kanyiasheŋ kumo to nɛ men pin kananɛ a daga men ka bee tuge basa be mmalga.