Kɔlɔsiebi 4:12 - EBƆRƐ BE KAWƆL

¹² Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

Kɔlɔsiebi 4:12 ပူးပေါင်းရင်းမြစ်များ

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Luuk 1:1

N teri lela Tiɔfiles, fo nyi kananɛ basa

Luuk 22:44

Mbe kagbene ka jija mo alegaiso nɛ e bugi kagbene ŋ kule Ebɔrɛ ga hale nɛ kebleŋ ya kaa lar mo so a do kasawule so fanɛ ŋklaŋ.

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Romebi 15:14

Ŋ kurgepoana, ma alɛ gba baa nyi geeŋ fanɛ alelasheŋ e baŋ bɔlɔ menyi alɛ gbagba to nseŋ naa nyi fanɛ men kɔ kanyiasheŋ kikɛ nɛ men gbagba e tiŋ ŋ ŋini abar asheŋ.

Romebi 15:30

Amoso, ŋ kurgepoana, mee kpal Enyɛnpe Yesu Kristo so nɛ kasha nɛ Kiyoyu na bee sa na so a kule menyi fanɛ men tu ma a kule Ebɔrɛ kpakpa a sa ma.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

1 Kɔrintebi 2:6

Ama anyee kaa malga kanyiashenso be mmalga nna ashi bumo nɛ b kɔ kenimufɛra to bre, ama mannɛ kanyiasheŋ mo nɛ k shi durnya ere to nna. Kumo alɛ maŋ naa shi bumo nɛ b kɔ eleŋ durnya ere to nɛ a bee mur na kutɔ.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

Galeeshaebi 1:10

To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.

Galeeshaebi 4:19

Ma mbi shasoana, ebesa nɛ k wɔ ma to a sa menyi ere baa du fanɛ eche be kakurge be ebesa nna a wɔ ma to ama n ya wu fanɛ Kristo be kebaawɔtɔ na kikɛ ya luri nna m bɔlɔ menyi to.

Kɔlɔsiebi 1:22

Ama naniere, Etuto na shin nɛ menyi nɛ mo naŋ nyalɛ ŋkpal Yesu be luwu nɛ e wu na so. Kumo e naaŋ shin nɛ men baa du cheembi nɛ esa kikɛ e sa maŋ tiŋ n wu menyi alubi ŋko n ji men be kebaawɔtɔ emɔrɔ jemanɛ nɛ Yesu Kristo beeŋ yɛr menyi Ebɔrɛ kutɔ na.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

Kɔlɔsiebi 1:29

Kede so nɛ m baa mɔ ma kumu a ta eleŋ nɛ Yesu Kristo bee sa ma a shuŋ na.

Kɔlɔsiebi 1:7

Epafras, an barkasa kebɔrɛnya shaso ŋini menyi kananɛ Ebɔrɛ kɛ basa mbe kuwɔr be kakɛ na. Mo e la Yesu Kristo be eshumpo kagbene koŋwuleso a yil an be katelamu to nna.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

Kɔlɔsiebi 4:9

Mo nɛ Onisimɔs nɛ e la menyi be eko nsaa la ekurgepo shaso kagbene koŋwuleso na nɛ an shuŋi. Baaŋ kaŋɛ menyi kusɔ kama nɛ k bee wora nfe.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

Failimɔn 1:23

Epafras nɛ e la m barkasa kabutipo ŋkpal Kristo Yesu so na bee chɔrɔ fo.

Hibruwebi 5:14

Ama ajibi gbɛgbɛso bre la basa kpar nɛ bumo gbagba koya nsaa nyi kelela nɛ kulubi to na peya nna.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Jeems 1:1

Kawɔl ere shi ma Jeems nɛ n la Ebɔrɛ nɛ Enyɛnpe Yesu Kristo be kenya na kutɔ nna a yɔ menyi Israɛlebi be nnaŋ kuduanyɔ nɛ men pesaŋ to a wɔ durnya kikɛ to na kutɔ. Mee chɔrɔ menyi kikɛ.

Jeems 1:4

Men baa shin nɛ men be kechɔŋkeni be eleŋ e baa yɔ anishito a wora keshi saŋkama a ti so nɛ men be eda e ba kaa walɛ nɛnɛ a maa paŋ kelela kikɛ.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso