Kɔlɔsiebi 4:10 - EBƆRƐ BE KAWƆL

¹⁰ Aristaakes nɛ ma nɛ mo kikɛ wɔ kabuti to nfe ere bee chɔrɔ menyi. Maak, Baanabas mo kurgepo na gba bee chɔrɔ menyi. N daŋ ŋini menyi kananɛ menyeeŋ wora mo. E kaŋ ba ndoŋ, men keni mo so nɛnɛ.

Kɔlɔsiebi 4:10 ပူးပေါင်းရင်းမြစ်များ

Ashuŋ Shunso 12:12

E ka pin kumo be loŋ nɛ e yɔ Jɔn Maak mo nio Mɛɛri pe. Kumo be jemanɛ na nɛ basa damta ko shɛr ndoŋ a kule Ebɔrɛ.

Ashuŋ Shunso 12:25

Baanabas nɛ Sɔɔl ka loge bumo be kushuŋ nɛ b keta Jɔn Maak nɛ mo nɛ bumo lar Jerusalɛm to m bɛta n yɔ.

Ashuŋ Shunso 13:13

Ndoŋ nna nɛ Pɔɔl nɛ mo braana luri ekuloŋgboŋ to ashi Pafɔs n ta n ya fo Pɛga nɛ k wɔ Pamfilia na. Nɛ Jɔn Maak ba yige bumo ndoŋ nseŋ bɛta n yɔ Jerusalɛm.

Ashuŋ Shunso 13:5

B ka ba kepla na to be kade ko nɛ baa tre Salamis na nɛ b ya bɔ Enyɛnpe be kubɔya na ashi Juwebi be nshɛrbuana na to. Bumo nɛ Jɔn Maak e daa la nɛ e bee chɛ bumo to kushuŋ na to.

Ashuŋ Shunso 19:29

Ndoŋ nna nɛ kebagato na sɔ kade na to kikɛ nɛ jimaŋ yenso na nyaŋ Gayes nɛ Aristaakes, Masɛdonia be basa anyɔ ko nɛ bumo nɛ Pɔɔl daa na na ŋ gberge bumo n yɔ kade na be nshɛrkpa.

Ashuŋ Shunso 20:4

Mo nɛ Pires nɛ e shi Beriya na pibi Sopata nɛ Aristaakes nɛ Sɛkundes nɛ b shi Tɛsalɔnika na nɛ Gayes nɛ e shi Dɛbi na nɛ Timoti nɛ Eeshia be efuli so ebi Tikikes nɛ Trɔfimes na e daŋ yɔ.

Ashuŋ Shunso 27:2

Adramitiam nɛ an daŋ yili n luri ekuloŋgboŋ ko nɛ k daŋ bela ase a yil nɛ k yɔ Eeshia be efuli so be teku be nnɔ ase na to n yɔ. Anyi nɛ Masɛdonia be esa nɛ e shi Tɛsalɔnika nɛ baa tre mo Aristaakes na e daa la.

Ashuŋ Shunso 4:36

Kanyɛn ko malɛ gba daa wɔ bumo to nɛ baa tre mo Josɛf. E daa la Livai be kanaŋ to be esa nna nɛ b kurge mo Saipres be efuli so. Ketre nɛ beshuŋipo na daŋ sa mo e la Baanabas, kumo be kifito e la fanɛ esa nɛ e bee kpaŋ beko.

Romebi 16:2

Men sɔ mo menyi to fanɛ esa nɛ e la Enyɛnpe na peya, nɛ kechɛto kama nɛ e bee sha menyi kutɔ, men chɛ mo to kananɛ k daga bebɛsopo ka wora, ŋkpal manɛ so, e la esa nɛ e chɛ basa damta to nna n ta ma alɛ gba n ti so.

Romebi 16:7

Mee chɔrɔ Andrɔnikes nɛ Junias nɛ b la n niopibi Juwebiana nɛ ma nɛ bumo daa wɔ kabuti to na. B la basa nɛ b kɔ ketre nna ashi beshuŋipoana na to, bumo alɛ pin Kristo nna pɔɛŋ nɛ m ba pin mo.

2 Timoti 4:11

Luuk nawule e wɔ ŋ kutɔ. Fo kaa ba, fo shin nɛ fo nɛ Maak e ba, ŋkpal manɛ so, e kɔ kechɛto ga ma kushuŋ na to.

Failimɔn 1:23

Epafras nɛ e la m barkasa kabutipo ŋkpal Kristo Yesu so na bee chɔrɔ fo.

Failimɔn 1:24

Maak gba nɛ Aristaakes nɛ Diimas nɛ Luuk nɛ bumo kikɛ la m braana beshumpo na bee chɔrɔ fo.

1 Pita 5:13

Babilɔn be asɔri nɛ k du fanɛ men sipoche na be basa nɛ Ebɔrɛ lara menyi nɛ bumo kikɛ na bee chɔrɔ menyi. M pibi Maak gba bee chɔrɔ menyi.