Kɔlɔsiebi 3:9 - EBƆRƐ BE KAWƆL

⁹ Men sa maa fule abar, ŋkpal manɛ so, men lar men be kebaawɔtɔ dra nɛ k daa shin nɛ menyee wora alubi na to

Kɔlɔsiebi 3:9 ပူးပေါင်းရင်းမြစ်များ

Aŋasa 13:5

Esa cheembi kikɛ kishi kafulesheŋ nna, ama basa lubi bre be aworbi bee bar bumo anishinyɔr nɛ nyɔmu nna.

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Levitikɔs 19:11

Sa maŋ kaŋ yuri ŋko m puni ŋko ŋ ku efɛ.

Zefanaiya 3:13

Israɛl be basa nɛ b ka na bre maaŋ wora kulubi, bumo alɛ maaŋ ku efɛ ŋko a na a fule basa. Asheŋ beeŋ baa nite nɛnɛ a sa bumo nɛ shɛŋ maaŋ naa fɔŋ bumo. Esa kikɛ maaŋ naŋ tiŋ n ta kufu n da bumo.

Zakareya 8:16

Asɔ nɛ a daga fanɛ men baa wora e la kebaaji abar kashenteŋ nsaa ji asheŋ nɛ amo be ekpa so ashi menyi be demujikpaana saŋɛ na so kayurwushi beeŋ baa wɔ menyi to.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Romebi 6:6

Anyi alɛ nyi fanɛ anyi be kebaawɔtɔ dra na nɛ Yesu nɛ b daŋ mɔ kedibi largato na so na, saŋɛ na so alubi be eleŋ nɛ k bee ji da dra na so eleŋ na beeŋ mur nɛ an sa maŋ naa la alubi be anya.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Kɔlɔsiebi 3:8

Ama naniere, men yige asheŋ lubi be kebaawora n yige kebaakɔ agbo, kebaanya agbo kenyɛnso, kebaala basa lubi, basa be kebaakuli nɛ kusɔ jigaya be kamalga.

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.