Kɔlɔsiebi 3:5 - EBƆRƐ BE KAWƆL

⁵ Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.

Kɔlɔsiebi 3:5 ပူးပေါင်းရင်းမြစ်များ

Ɛksodɔs 37:22

B daŋ ŋalga shuwa gbagba nna n lɔŋɛ kefitilatɔl na nɛ kumo be ayabi na, nɛ amo kikɛ la kukoŋwule.

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Romebi 1:26

Ŋkpal le be asheŋ ere so Ebɔrɛ yige bumo nna n sa kesakalea be ayɛlgasɔ hale nɛ bumo be beche yige kedi benyɛn n lɛ nsaa kɔ bumo braana beche a di keche nɛ kenyɛn.

Romebi 1:29

Ŋkpal b ka kini Ebɔrɛ na so, eda lubi be yiri kikɛ nɛ alubisheŋ nɛ kejimuni nɛ abar be kebaawora alubi e bɔlɔ bumo to. Amo nɛ a bɔlɔ bumo to gba n ti so e la, kayurbesa nɛ kamɔ nɛ nlu nɛ efɛ nɛ kebaafɛ abar asheŋ lubi. Ade malɛ gba be buushi baa kuli bumo braana,

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

Romebi 6:6

Anyi alɛ nyi fanɛ anyi be kebaawɔtɔ dra na nɛ Yesu nɛ b daŋ mɔ kedibi largato na so na, saŋɛ na so alubi be eleŋ nɛ k bee ji da dra na so eleŋ na beeŋ mur nɛ an sa maŋ naa la alubi be anya.

Romebi 7:23

Ama ma alɛ bee wu mbra pɔtɛ ko ka wɔ ma eyur to a shuŋ. Mbra ko nna nɛ k bee kɔ mbra nɛ ma nfɛra bee sha na nsaa ta ma a ki alubi be mbra nɛ k wɔ ma eyur to a shuŋ na be kabutipo.

Romebi 7:5

Ŋkpal manɛ so, saŋɛ nɛ anyi be kebaawɔtɔ dra nɛ k daa wɔ anyi nɛ mbra na daa shin nɛ eyur to be ayɛlgasɔ daa kɔ anyi to a shuŋ na, luwu nɛ an daa kɔ tɔnɔ a sa.

Romebi 8:13

Ŋkpal manɛ so, nɛ men baa bɛ menyi be kapɔr lubiana ere be keŋini so, menyeeŋ wu, ama nɛ men baŋ bɔla Kiyoyu na so n jija kapɔr lubi ere be ashuŋ lubi na, menyeeŋ nya ŋkpa.

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

1 Kɔrintebi 6:11

Loŋ nɛ menyi be beko daa du, ama naniere bre Ebɔrɛ fɔr menyi so ashi kulubi to nseŋ lara menyi nɛ men ki mbe basa. Men bɔla Enyɛnpe Yesu Kristo be ketre so nɛ an be Ebɔrɛ be Kiyoyu na so n ji n lar.

1 Kɔrintebi 6:13

Esa ko malɛ beeŋ naŋ kaŋɛ le: “Ajibi e wɔ epun nɛ epun malɛ gba wɔ ajibi.” Kashenteŋ nna, ama baa nyiŋi fanɛ kachako Ebɔrɛ beeŋ mur amo kikɛ. A maŋ daga fanɛ dimɛdi e baa ta mbe eyur a wora kesakaleasheŋ, k daga fanɛ e baa ta kumo nna a shuŋ Enyɛnpe na nɛ Enyɛnpe na malɛ e baa shuŋ eyur na.

1 Kɔrintebi 6:18

Amoso, men baa gelge kesakalea be keji. Kulubi kama nɛ esa wora, e maa wora kumo a gbiti mbe eyur, ama ekama nɛ e bee ji kesakalea bee ji kumo nna a gbiti mo gbagba be eyur nna na.

2 Kɔrintebi 12:21

Mee lɔ kufu nna fanɛ ŋ kaŋ ba, ma Ebɔrɛ beeŋ shin nɛ m bar ma kumu kaseto men be anishito nɛ ma kagbene e jija ma ŋkpal basa damta nɛ b wora alubi dra dra na kikɛ nsaa maŋ lar bumo be loŋ be kesakalea be asheŋ na to nɛ kusɔ jigaya be kulubi na to nɛ bumo be eyurpishuŋ nɛ b daŋ wora na kikɛ to so.

Galeeshaebi 5:24

Basa nɛ b la Kristo peya na maŋ naa shin nɛ bumo be kapɔr lubiana ere bee wɔ bumo, naniere a du fanɛ b ka ta kapɔr lubiana ere nɛ amo be asɔ sha so nɛ ayɛlgasɔ nna ŋ gbir m mata kedibi so m mɔ.

Ɛfesesebi 4:19

Naniere ŋkpal b ka maŋ naa kɔ kelela nɛ kulubi be kenyi na so b ta bumo be amu kikɛ nna m bɛ beche nɛ benyɛn be kedi abar be asheŋ woraso so nsaa wɔtɔ a wora eyurpisheŋ be yiri kikɛ a kɔ a fin kesakalea so be ayɛlgasɔ a ti so.

Kɔlɔsiebi 2:11

Ŋkpal menyi nɛ Yesu Kristo ka la kukoŋwule na so, e ku menyi be kebaawɔtɔ lubi ashi menyi so, ama mannɛ enɔ be kushuŋ nna fanɛ kananɛ baa ta enɔ a ku kututu ŋkpal eyurpi so na.

1 Tɛsalɔnikaebi 4:3

Ebɔrɛ be kusɔ nɛ e bee sha nde: E bee sha men ka bee gelge abojuasheŋ nna nɛnɛ a du cheembi.

1 Tɛsalɔnikaebi 4:5

Men sa maa kɔ kayɛlga fuloŋ be kacheta fanɛ kananɛ nnyamase nɛ b maŋ nyi Ebɔrɛ bee wora na.

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.

Hibruwebi 12:16

Men baa de so nɛ ekama e sa maŋ kaa kɔ kesakalea be kebaawɔtɔ ŋko a wɔtɔ a kplaŋ abɔrɛsheŋ so fanɛ kananɛ Isɔɔ daŋ kpal kejibi koŋwule pati so n ta mbe kenimu be nɛfa n fa na.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Jeems 4:1

Manɛ e naa bar ana? Manɛ e naa bar nlu nɛ a wɔ menyi to na malɛ? Kusɔ nɛ k bee bar amo nde: Men be nyɛlga lubi e naa kaa kɔ menyi to a leŋ menyi a wɔtɔ nlu na to.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.