Kɔlɔsiebi 3:3 - EBƆRƐ BE KAWƆL

³ Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

Kɔlɔsiebi 3:3 ပူးပေါင်းရင်းမြစ်များ

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Baru lela nɛ Jɔn kute na 14:19

A ka gbrɛbi nɛ durnya ere to ebi maaŋ naŋ wu ma, ama menyi ere beeŋ wu ma, ma alɛ ka wɔ ŋkpa to ere, menyi alɛ gba beeŋ baa wɔ ŋkpa to.

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Baru lela nɛ Jɔn kute na 5:21

Ŋkpal manɛ so, kananɛ Etuto na bee tiŋi basa luwu to a sa bumo ŋkpa na, loŋ gbagba nna nɛ ma, Ebinyɛn na bee sa basa nɛ mee sha ŋkpa.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Baru lela nɛ Jɔn kute na 5:40

Ama menyi alɛ maa sha keba ŋ kutɔ m ba nya ŋkpa na.

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Romebi 5:21

Amoso, kananɛ alubi baŋ bɔla luwu so ŋ ŋini amo be eleŋ na, loŋ koŋwule na nɛ Ebɔrɛ be kuwɔr be kakɛ na bee bɔla alelasheŋ so a ŋini kumo be eleŋ m bɔla an Nyɛnpe Yesu Kristo so a kɔ anyi a yɔ ŋkpa nɛ k maŋ kɔ ekar to.

Romebi 6:11

Loŋ koŋwule na e daga fanɛ menyi alɛ gba e baa ta menyi be amu fanɛ men wu nna nɛ alubi maŋ naa ji menyi so eleŋ, ama men bɔla Kristo Yesu so nna a kɔ ŋkpa a wɔtɔ ŋkpal Ebɔrɛ so.

Romebi 6:2

Kaarɛ, loŋ maŋ daga, ŋkpal manɛ so, alubi be kewora be kaplɛa so, an wu nna, amoso, nuso nɛ anyeeŋ wora ŋ kraa wɔ amo be kewora be kebaawɔtɔ to?

Romebi 8:2

Ŋkpal manɛ so, ŋkpa be Kiyoyu na be mbra bɔla Yesu Kristo so n shin nɛ n nya ma kumu ashi kulubi nɛ luwu be mbra to.

1 Kɔrintebi 15:45

Loŋ malɛ nɛ abɔrɛsibɛ na bee kaŋɛ na fanɛ: “Sososo be Adam na daŋ ki kusɔ futeso nna,” nɛ lalaloge be Adam na malɛ daŋ ki ŋkpasapo be Kiyoyu.

1 Kɔrintebi 2:14

Durnya ere to be esa bre maaŋ tiŋ n nya asɔ nɛ a bee shi Ebɔrɛ be Kiyoyu na kutɔ. Kashenteŋto, a la kawulisheŋ nna n sa mo nɛ e maaŋ tiŋ m pin amo to kikɛ, ŋkpal manɛ so, Kiyoyu na nawule e naaŋ tiŋ ŋ ŋini mo amo be asheŋ.

2 Kɔrintebi 5:14

Ŋkpal manɛ so, Kristo be kasha e kɔ anyi a wora asheŋ ŋkpal an ka baa nyi geeŋ fanɛ esa koŋwule e yili ekama be katelamu to n wu so so. Kumo e la fanɛ ekama malɛ e wu.

2 Kɔrintebi 5:7

Ŋkpal manɛ so, yirda nɛ an kɔ a na, mannɛ anishi fuful.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Ɛfesesebi 3:9

nseŋ naŋ shin nɛ basa kikɛ e wu kananɛ Ebɔrɛ beeŋ shin nɛ mbe wulo be kesheŋ naseso na e wora. Ebɔrɛ nɛ e to kusɔ kikɛ na e shin nɛ wulo nɛ mee malga kumo be asheŋ ere maŋ lar efuli jemanɛ damta nɛ k choŋ ere kikɛ.

Filipaiebi 4:7

Nɛ men wora loŋ, kagbene wushi nɛ k bee shi Ebɔrɛ kutɔ a ba nsaa chɔ kananɛ dimɛdi beeŋ fɛ na beeŋ shin nɛ men be ŋgbene nɛ men be nfɛra e nya edesekpa ashi Kristo Yesu to.

Kɔlɔsiebi 1:5

ŋkpal men ka bee tama asɔ nɛ Ebɔrɛ bela n yili menyi ebɔrɛso so.

Kɔlɔsiebi 2:20

Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.

Kɔlɔsiebi 3:4

Amoso, saŋɛ nɛ Yesu Kristo nɛ e la an be ŋkpa na kaŋ lara mbe kumu ŋ ŋini durnya na, menyi alɛ gba beeŋ lar n nya mbe kemaŋkura.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

1 Pita 3:4

A daga fanɛ men be kela e baa shi men be ŋgbene to gbagba to, kumo e la fanɛ men baa kɔ ŋgbene nɛ a du boeŋ a maa gbri. Loŋ be kela na e maa terge kikɛ nsaa walɛ ashi Ebɔrɛ be anishito.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.

1 Jɔn 3:2

N teri shasoana, naniere an la Ebɔrɛ be mbia nna na, ama kananɛ anyeeŋ ba kaa du kachako so bre e maŋ naŋ lar efuli. Kusɔ nɛ an baa nyi kikɛ e la fanɛ Kristo kaŋ ba lar efuli, anyeeŋ baa du fanɛ mo gbagba nna, ŋkpal manɛ so, anyeeŋ wu mo kananɛ e baa du.

Kelaraŋŋini 2:17

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo manna ŋana so na be ako. Kumo be kaman nɛ n naŋ sa mo kejembu fuful mo nɛ b sibɛ kumo so ketre popɔr mo nɛ esa nɛ e bee sɔ kejembu na nawule nyi na.’ ”