Kɔlɔsiebi 3:23 - EBƆRƐ BE KAWƆL

²³ Kusɔ kama nɛ menyee wora, men baa wora kumo nɛ kagbene koŋwule a nyi fanɛ Enyɛnpe na nɛ menyee shuŋ a sa, mannɛ nyiŋgbasa nawule

Kɔlɔsiebi 3:23 ပူးပေါင်းရင်းမြစ်များ

2 Kronikɛls 31:21

Kusɔ kama nɛ e bee wora daa yɔ anishito nna ŋkpal bɔrɛlambu na to be kusɔ kama nɛ e wora ka daa walɛ nɛ mo alɛ naa kɔ kasonu n sa Enyɛnpe Ebɔrɛ be mbra na so.

Nshɛ 103:1

Meeŋ ta ma kagbene kikɛ n fur Enyɛnpe Ebɔrɛ na, nseŋ ta ma kebaawɔtɔ kikɛ ŋ kpaŋ mbe ketre cheembi na!

Nshɛ 119:10

Meeŋ shuŋ fo nɛ ma kagbene kikɛ; sa maŋ shin nɛ n lar kebaawora fo mbraana kasonu to.

Nshɛ 119:145

O Enyɛnpe Ebɔrɛ, ma kagbene kikɛ nɛ ŋ kɔ a tre fo, nu ma ketre ere n shin nɛ n wora fo mbraana kasonu.

Nshɛ 119:34

Chɛ ma to nɛ m pin fo mbra to nseŋ wora kumo kasonu; saŋɛ na so, meeŋ ta ma kagbene kikɛ m bɛ kumo so.

Kaŋinichiŋgeliŋ 9:10

Kushuŋ kama nɛ fo nya, baa shuŋ kumo nɛ fo eleŋ kikɛ, ŋkpal manɛ so, k maaŋ chɛr feeŋ yɔ bubuni to, kakpa nɛ kushuŋ nɛ kefɛ nfɛra nɛ kekre asheŋ nɛ kanyiasheŋ maŋ wɔ.

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Matiu 6:16

Nɛ men baa kishi, men sa maa gbir kenishi to fanɛ kananɛ kebirkɔnshiwuraana na bee wora na, ŋkpal manɛ so, baa kaa chɛrga bumo be anishiakpaana nna nɛ basa e wu b ka bee kishi. Kashenteŋ nɛ mee kaŋɛ menyi na fanɛ b teŋ nya bumo be kechɔrɔ kikɛ.

Romebi 14:6

Esa kama nɛ e bee ta kachɛ ko fanɛ kachɛgboŋ, bee wora loŋ nna a sha kebunyaŋ Enyɛnpe. Nɛ ekama malɛ nɛ e bee ji kejibi ko, bee ji kumo nna a bunyaŋ Enyɛnpe na, ŋkpal manɛ so, amodoŋwura gba bee kaa di Ebɔrɛ epaŋ nna pɔɛŋ nsaa ji. Nɛ ekama malɛ nɛ e bee kini kejibi ko be keji, bee wora loŋ nna a bunyaŋ Enyɛnpe na nsaa di Ebɔrɛ epaŋ nna na.

Romebi 14:8

Amoso, nɛ an baa wɔ ŋkpa to ŋko an wu gba, an wɔ Enyɛnpe na be enɔ to nna.

Ɛfesesebi 5:22

Beche kilpo, men baa bar men be amu kaseto a sa men kulana fanɛ kananɛ menyee wora a sa Enyɛnpe na.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 2:13

Men baa kpal Enyɛnpe so a nu a sa kenimuji kikɛ nɛ k wɔ basa to. K beeŋ tiŋ a la men be efuli so be ewurgboŋ nɛ e la ejuŋkparpo ashi kenimuji kikɛ to na

1 Pita 2:15

Ŋkpal manɛ so, kusɔ nɛ k bee par Ebɔrɛ e la fanɛ men baa wora kelela, nɛ loŋ e tiŋ n shin nɛ bumo nɛ b maŋ nyi nsaa malga kawuliso be mmalga na e lo bumo be nnɔ.