Kɔlɔsiebi 3:22 - EBƆRƐ BE KAWƆL

²² Anya, men baa bunyaŋ men nyɛnpeana kusɔ kama to, mannɛ fanɛ men ya kaa shuŋ nɛ baa keni menyi so nawule ŋkpal men ka baa sha men be asheŋ e baa par bumo so, ama men baa kɔ kagbene koŋwule a shuŋ ŋkpal men ka bee bunyaŋ Enyɛnpe Yesu Kristo na so.

Kɔlɔsiebi 3:22 ပူးပေါင်းရင်းမြစ်များ

Jɛnesis 42:18

Kumo be kachɛ sasopo nɛ Josɛf kaŋɛ bumo le: “Mee ŋana Ebɔrɛ nna, amoso men wora kesheŋ nɛ mee shin nɛ ŋ kaŋɛ menyi ere nseŋ nya men be amu.

Nehemaya 5:15

Egomena kama nɛ b juŋkpar na daa tɔrɔ basa na nna ga. B daa sɔ gbiti be ndarbi adena nna a tɔ ajibi nɛ asɔnuuso karechɛ kikɛ nna. Bumo be nyɛrbi gba daa tɔrɔ basa na nna, ama ŋkpal ma ere ka bee ŋana Ebɔrɛ na so nɛ ma kebaawɔtɔ daa kɔr bumo to na.

Nehemaya 5:9

Ndoŋ nna nɛ n naŋ kaŋɛ le: “Kusɔ nɛ men wora na maŋ daga kuraa! A daga fanɛ anyi be kebaawɔtɔ e baa sa Ebɔrɛ bunyaŋ, saŋɛ na so nnyamase na maaŋ wu kulubi anyi to.

Nshɛ 123:2

Mbita bee keni bumo b bechepeana be anishito nna. Ama anyi ere bee keni fo, Enyɛnpe, anyi be Ebɔrɛ na, nɛ fo wu anyi kuwɔr nna.

Kaŋinichiŋgeliŋ 12:13

Ade kikɛ be kaman, kusɔ koŋwule e ka nɛ ŋ kaŋɛ. Baa ŋana Ebɔrɛ nsaa bɛ mbe mbraana so. Ŋkpal manɛ so, loŋ so nɛ Ebɔrɛ to dimɛdi bomin.

Kaŋinichiŋgeliŋ 5:7

Edare damta be kebaakuu nɛ mmalga damta be kebaa malga maŋ kɔ kifito. Amoso baa ŋana Ebɔrɛ nsaa sa mo bunyaŋ.

Kaŋinichiŋgeliŋ 8:12

Kumukpakpasowura beeŋ tiŋ n wora alubi kalfa nseŋ kraŋ ji efute n chɛr, ama n nyi fanɛ asheŋ beeŋ nite nɛnɛ n sa esa nɛ e bee ŋana Ebɔrɛ nsaa wora mo kasonu na.

Malakai 1:6

Le nɛ Enyɛnpe Ebɔrɛ daŋ kaŋɛ bɔrɛmatapoana na: “Kebia bee bunyaŋ mo tuto nna nɛ kayɛrbi malɛ bee sa mo nyɛnpe bunyaŋ. N la men tuto nna, nɛ manɛ e ba nɛ menyi maa bunyaŋ ma? N la men nyɛnpe nna, nɛ manɛ e ba nɛ menyi maa sa ma bunyaŋ? Men keni ma jiga, ama menyi alɛ kraa bishi fanɛ nuso nɛ an keni fo jiga?

Matiu 6:22

Esa be anishi e la mbe eyur be kefulto. Amoso, nɛ fo anishi baa walɛ, kefulto malɛ bee bɔlɔ fo eyur kikɛ to nna.

Matiu 8:9

Ma alɛ gba la benimu ko be kebia nna nseŋ naa la benapo ko malɛ be enimu a keni bumo so. Benapo nɛ mee keni so na be ekama nɛ m baŋ kaŋɛ: ‘Kuti, yɔ ndoŋ ere’, e bee yɔ nna. Ekama malɛ nɛ m baŋ kaŋɛ: ‘Ba’, e bee ba nna nɛ ma alɛ naŋ kaŋɛ ma kenya: ‘Wora le’, e bee wora kumo nna.”

Luuk 6:46

Manɛ e ba nɛ menyee tre ma Enyɛnpe, Enyɛnpe, nsaa maa wora kusɔ nɛ mee kaŋɛ menyi?

Luuk 7:8

Ma alɛ gba la benimu ko be kebia nna nseŋ naa la benapo ko malɛ be enimu a keni bumo so. Benapo nɛ mee keni so na be ekama nɛ m baŋ kaŋɛ: ‘Kuti, yɔ ndoŋ ere’, e bee yɔ nna. Ekama malɛ nɛ m baŋ kaŋɛ: ‘Ba’, e bee ba nna nɛ ma alɛ naŋ kaŋɛ ma kenya: ‘Wora le’, e bee wora kumo nna.”

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Galeeshaebi 1:10

To, kananɛ m malga le ere maa ŋini ŋ ka bee sha kenya ketre basa kutɔ, ama Ebɔrɛ nawule kutɔ. Ŋko basa nɛ mee sha fanɛ n wora asheŋ nɛ a par bumo a? Cha, nɛ n daa sha kebaawora basa be aparsheŋ nna n daa maaŋ tiŋ a la Kristo be kenya.

Kɔlɔsiebi 3:20

Mbia, men baa bunyaŋ men nioana nɛ men tutoana kusɔ kama to ŋkpal men ka la Enyɛnpe na peya so, aloŋ e naa par Enyɛnpe na.

1 Tɛsalɔnikaebi 2:4

Ama kusɔ nɛ Ebɔrɛ bee sha nɛ anyee malga saŋkama, ŋkpal manɛ so, e yirda anyi nna nseŋ ta baru lela na m bɔɔ anyi enɔ. Mannɛ basa be aparsheŋ nɛ anyee wora ania a fin, ama Ebɔrɛ mo nɛ e bee wora anyi be nfɛra a keni na peya nɛ anyee fin.

Failimɔn 1:16

Naniere e maŋ naa la kenya, e chɔ kenya. E ki ma nɛ fo kikɛ be ekurgepo shaso naniere. Mee sha mo ga, ama kasha nɛ feeŋ baa kɔ a sa mo beeŋ baa shi a chɔ meya ere, ŋkpal manɛ so, e la fo kenya nna nseŋ naa yirda Enyɛnpe na.