Kɔlɔsiebi 3:2 - EBƆRƐ BE KAWƆL

² Men shin nɛ men be nfɛra e baa wɔ ebɔrɛso be asɔ so, men sa maŋ shin nɛ durnya ere to be asheŋ wurbi e baa wɔ men be nfɛra to.

Kɔlɔsiebi 3:2 ပူးပေါင်းရင်းမြစ်များ

1 Kronikɛls 22:19

Men ta men be ŋgbene nɛ men be ayoyu kikɛ a shuŋ Ebɔrɛ. Men fara a pɔr bɔrɛlambu na saŋɛ na so menyeeŋ ta Enyɛnpe Ebɔrɛ be ŋkre be deka na nɛ asɔ cheembi nɛ b kɔ a bunyaŋ Enyɛnpe Ebɔrɛ na n ya yili kumo to.”

1 Kronikɛls 29:3

Ade kikɛ be kaman, n lara ŋ gbagba be gbiti nɛ shuwa n sa, nɛ loŋ bee ŋini kananɛ Ebɔrɛ be bɔrɛlambu ere be asheŋ tir ma.

Nshɛ 62:10

Sa maŋ ta fo tama n deŋi kapuni be asɔ so, ŋko a wu fo kumu ŋkpal kayu be asɔ so. Loŋ beeŋ tiŋ n sa fo asɔ damta, ama sa maŋ ta fo kagbene n deŋi amo so.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

Aŋasa 23:5

Ŋkpal manɛ so fo amansherbi beeŋ tiŋ n loge epul to, fanɛ kananɛ kusore beeŋ yili epul to n firgi n choŋ na.

Kaŋinichiŋgeliŋ 7:14

Nɛ asheŋ baa nite nɛnɛ, shin nɛ fo kagbene e baa fuli fo, nɛ asheŋ maŋ naa nite nɛnɛ malɛ, ba nyi fanɛ Ebɔrɛ e naa sa ekpa nɛ asheŋ lela nɛ asheŋ lubi bee tu esa. Amoso ekama maŋ nyi kusɔ nɛ k beeŋ wora echefoso.

Matiu 16:23

Nɛ Yesu kilgi ŋ kaŋɛ Pita le: “Shile ashi ma so Setani. Fee kagle ma to nna na, ŋkpal manɛ so, fo nfɛra ere la nyiŋgbasa be nfɛra nna a maŋ la Ebɔrɛ peya.”

Matiu 6:19

Men sa maa bela men be ekpanjawu a yili durnya ere to, ŋkpal manɛ so, elala beeŋ tiŋ n ji amo ŋko a beeŋ tiŋ ŋ ku edare ŋ kreŋ so n jija ŋko beyu beeŋ tiŋ n luri n yuri amo.

Luuk 12:15

Kamalga ere be kaman nɛ e kaŋɛ basa na kikɛ: “Men baa da so nsaa gelge kejimuni be yiri kikɛ, ŋkpal manɛ so, esa baa kɔ asɔ kanaŋkamaso gba, mbe ŋkpa bre maŋ la mo peya.”

Luuk 16:11

Nɛ fanɛ fo maŋ tiŋ n ta kagbene koŋwule ŋ keni durnya ere to be asɔ so, wanɛ e naaŋ ta asɔ nɛ a la dama kashenteŋto n sa fo nɛ fo baa keni so?

Filipaiebi 1:23

M baŋ ki nna cham a wɔ asɔ anyɔ na to be nferinto, ŋkpal manɛ so, kusɔ nɛ mee sha e la kelar durnya ere to n ya kaa wɔ Kristo kutɔ, kusɔ nɛ k baa bɔ malɛ nna na.

Kɔlɔsiebi 3:1

Ŋkpal menyi nɛ Kristo ka tiŋi luwu to na so, men shin nɛ men be ŋgbene e baa wɔ ebɔrɛso be asɔ so. Ndoŋ nɛ Yesu Kristo chena, Ebɔrɛ be jisoso, ebunyampo be kakpa na.

Kɔlɔsiebi 3:5

Amoso, men yige men be kebaawɔtɔ dra nɛ kumo be asheŋ lubi na, men yige kacheji kpalakpala nɛ kubojuaji nɛ asheŋ jiga nɛ kayɛlga fuloŋ, men sa maa yɛlga alubi, men yige kejimuni. Kejimuni du fanɛ kagbirshuŋ nna.