Kɔlɔsiebi 3:18 - EBƆRƐ BE KAWƆL

¹⁸ Beche kilpo, men baa ta men be amu a sa men kulana kananɛ k daga ŋkpal men ka la Enyɛnpe na peya so.

Kɔlɔsiebi 3:18 ပူးပေါင်းရင်းမြစ်များ

Jɛnesis 3:16

Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

Ɛsta 1:20

Fo baŋ nase le be mbra ere n sa fo efuli gboŋgboŋi ere kikɛ so ebi bre, beche nɛ b wɔ efuli ere so kikɛ beeŋ baa sa bumo kulana bunyaŋ hale nɛ b la damawuraana ŋko betirpo gba.”

Ashuŋ Shunso 5:29

Nɛ Pita nɛ mo braana beshuŋipo na kaŋɛ: “Ebɔrɛ e daga an ka nu n sa, mannɛ enyiŋgbasa.

1 Kɔrintebi 11:3

Ama mee sha nna nɛ men pin fanɛ enyɛn kama be kumu e la Kristo, nɛ eche malɛ be kumu la enyɛn nɛ Kristo malɛ be kumu la Ebɔrɛ.

1 Kɔrintebi 14:34

A daga fanɛ beche e baa lo bumo be nnɔ to ashi asɔriana to fanɛ kananɛ k du ashi Ebɔrɛ be basa larasoana na kikɛ be asɔriana na to na. B maŋ kɔ ekpa nɛ b malga, a daga fanɛ b baa bar bumo be amu kaseto fanɛ kananɛ abɔrɛsibɛ na bee kaŋɛ na.

Ɛfesesebi 5:22

Beche kilpo, men baa bar men be amu kaseto a sa men kulana fanɛ kananɛ menyee wora a sa Enyɛnpe na.

Ɛfesesebi 5:3

Ŋkpal men ka la Ebɔrɛ be basa so, a maŋ daga beche nɛ benyɛn be kedi abar kesakalea so be mmalga ka wɔ menyi to. Kumo alɛ maŋ naŋ daga eyurpisheŋ be yiri kikɛ ŋko kejimuni be asheŋ ka wɔ menyi to, ŋkpal manɛ so, loŋ be asɔ na maŋ daga a ka wɔ Ebɔrɛ be basa cheembi to.

Ɛfesesebi 5:9

Ŋkpal manɛ so, esa baa wɔ kefulto na to, alelasheŋ be yiri kikɛ nɛ asheŋ niŋiso nɛ kashenteŋ e naa lar mo to.

1 Timoti 2:12

Ma alɛ maŋ sa ekpa fanɛ eche kama e baa ŋini benyɛn abɔrɛsheŋ ŋko e baa kɔ eleŋ benyɛn so. Ama a daga fanɛ e baa lo mbe kɔnɔ boeŋ.