Kɔlɔsiebi 3:17 - EBƆRƐ BE KAWƆL

¹⁷ Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

Kɔlɔsiebi 3:17 ပူးပေါင်းရင်းမြစ်များ

1 Bewura 18:32

Loŋ be ajembu na nɛ e ta n lɔŋɛ m pɔr Enyɛnpe Ebɔrɛ be bɔrɛsure nɛ baaŋ ba lara sarga kumo so a bunyaŋ mo na. E daŋ kur kaman nɛ k beeŋ tiŋ n sɔ nchu egalɔn asa nna ŋ kulti bɔrɛsure na.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Maika 4:5

Efuli kama so ebi bee bunyaŋ nsaa wora bumo be kegbir kasonu nna, ama anyi ere beeŋ baa bunyaŋ nsaa wora Enyɛnpe anyi be Ebɔrɛ na kasonu nna mbaanaayɔ.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Ashuŋ Shunso 19:17

Juwebi nɛ nnyamase nɛ b daa wɔ Ɛfeses na kikɛ ka nu kumo nɛ kufu pɛ bumo kikɛ ga nɛ b sa Enyɛnpe Yesu be ketre kemaŋkura ga.

Ashuŋ Shunso 4:30

Ŋini fo eleŋ n chɛ belɔpo nseŋ naŋ shin nɛ an tiŋ m bɔla Yesu Kristo, fo Kenya na be ketre so n wora kashenteŋ be etɔɔnɛsheŋ nɛ emamachisheŋ.”

Romebi 1:8

Men shin nɛ n fara m bɔla Yesu Kristo so n chɔrɔ ma Ebɔrɛ ŋkpal menyi kikɛ so. Ŋkpal manɛ so, durnya ere to ebi kikɛ baa ji kananɛ menyi be yirda du be asheŋ nna.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Ɛfesesebi 1:17

fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Ɛfesesebi 5:20

Saŋkikɛ men baa chɔrɔ Ebɔrɛ Etuto na ŋkpal kusɔ kikɛ so ashi an Nyɛnpe Yesu Kristo be ketre to.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Filipaiebi 2:11

Ekama beeŋ gbir loŋ nseŋ bugi kɔnɔ basa kikɛ to ŋ kaŋɛ fanɛ Yesu Kristo e la Enyɛnpe na nɛ Ebɔrɛ Etuto na e nya kemaŋkura.

Kɔlɔsiebi 1:12

ŋkpal manɛ so, mo e shin nɛ men daga kenya asɔ nɛ e kɔ a sa mbe basa na be ako ashi ebɔrɛso, kakpa nɛ kefulto wɔ na.

Kɔlɔsiebi 2:7

a yil fanɛ kananɛ nliŋi bee pɛ ndibi to a yil na ŋ kraa pin mbe asheŋ a ti so m baa yirda kashenteŋ na kikɛ nyam, fanɛ kananɛ b ŋini menyi na nɛ men baa wɔtɔ a chɔrɔ Ebɔrɛ.

Kɔlɔsiebi 3:15

Men shin nɛ kagbenewushi nɛ Yesu Kristo bee sa na e baa wɔ menyi to, ŋkpal manɛ so, Ebɔrɛ lara menyi nna nɛ men baa kɔ kagbenewushi abar so, ŋkpal men ka la kukoŋwule na so. Men baa chɔrɔ Ebɔrɛ.

Kɔlɔsiebi 3:23

Kusɔ kama nɛ menyee wora, men baa wora kumo nɛ kagbene koŋwule a nyi fanɛ Enyɛnpe na nɛ menyee shuŋ a sa, mannɛ nyiŋgbasa nawule

1 Tɛsalɔnikaebi 1:1

Kawɔl ere shi ma Pɔɔl nɛ Sailas nɛ Timoti kutɔ nna a yɔ Tɛsalɔnika be asɔriebi nɛ b la Ebɔrɛ an Tuto nɛ Enyɛnpe Yesu Kristo peya na kutɔ. Ebɔrɛ be kuwɔr be kakɛ nɛ kagbenewushi e baa la menyi peya.

1 Tɛsalɔnikaebi 5:18

Men baa chɔrɔ Ebɔrɛ kebaawɔtɔ kama nɛ men wɔtɔ to, ŋkpal manɛ so, kusɔ nɛ e bee sha nɛ men baa wora Yesu Kristo to nna na.

2 Tɛsalɔnikaebi 2:17

e baa leŋ menyi to nɛnɛ nsaa sa menyi eleŋ nɛ men baa wora asheŋ lela kikɛ nsaa malga mmalga lela.

Hibruwebi 1:5

Ŋkpal manɛ so, malaika mo malɛ nɛ Ebɔrɛ daŋ kaŋɛ le: “M Pibinyɛn e la fo. Kabre ŋ ki fo Tuto”? Ŋko kede be kaman, malaika mo malɛ nɛ Ebɔrɛ daŋ kaŋɛ fanɛ: “Meeŋ baa la mo Tuto nɛ mo alɛ gba e baa la m Pibinyɛn”?

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

1 Jɔn 2:23

Ŋkpal manɛ so, ekama nɛ e bee kini Ebinyɛn na maŋ kɔ Etuto na nna na, nɛ ekama malɛ nɛ e bee sɔ Ebinyɛn na kɔ Etuto na gba.

1 Jɔn 3:18

Ma mbi shasoana, men sa maŋ shin nɛ an baa kɔ mmalga ŋko nnɔ nawule a sha basa, men shin nɛ an baa kɔ aworbi nɛ kashenteŋ a sha basa.