Kɔlɔsiebi 3:16 - EBƆRƐ BE KAWƆL

¹⁶ Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Kɔlɔsiebi 3:16 ပူးပေါင်းရင်းမြစ်များ

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

1 Kronikɛls 25:7

Bumo nɛ bumo braana Livaiebi nɛ bumo kikɛ koso basa alfa anyɔ nɛ aduburwa nɛ aburwa na kikɛ daa nyi nshɛ be keboŋ nɛnɛ nna.

Nehemaya 12:46

Dra na kikɛ ashi ewura Deevid nɛ Asaf be jemanɛ to, beshɛbompo na e naa juŋkparpo basa na a boŋ nshɛ a di Ebɔrɛ epaŋ.

Job be kawɔl 23:12

Kusɔ kama nɛ Ebɔrɛ yili, mee wora kumo nna. Mbe aparsheŋ nɛ mee bɛ so, mannɛ meya.

Nshɛ 119:11

N ta fo mbra nna n wɔtɔ ma kagbene to, saŋɛ na so m maaŋ wora kulubi ŋ gbiti fo.

Nshɛ 119:54

Kaplɛkama nɛ n wɔ, fo mbra be nshɛ nɛ mee boŋ.

Nshɛ 138:1

Meeŋ ta ma kagbene kikɛ ŋ kpaŋ fo; O Enyɛnpe Ebɔrɛ; meeŋ boŋ nshɛ ŋ kpaŋ fo ashi emalaika be anishito.

Nshɛ 28:7

Enyɛnpe Ebɔrɛ na e naa sa ma eleŋ nsaa kuŋ ma. N yirda mo kashenteŋto. E chɛ ma to n shin nɛ ma kagbene fuli ma. Amoso meeŋ ji eyur nseŋ boŋ nshɛ n di mo epaŋ.

Nshɛ 32:7

Fo e la ma eŋanakpa. Fo alɛ beeŋ mɔlga ma ashi tɔrɔ to; nɛ m boŋ nshɛ awɔrso ŋkpal fo ka mɔlga ma so.

Nshɛ 71:23

Meeŋ ta kagbenefuli m boŋ nshɛ awɔrso ŋ kpaŋ fo, ŋkpal fo ka mɔlga ma so.

Aŋasa 14:8

Enyiashempo be kanyiasheŋ e naa ŋini mo ekpa, ama ewulpo bre be kawuli bee fule mo nna n ya kaa lɛ.

Aŋasa 18:1

Kebaafɛ fo nawule be kumu so be asheŋ, nɛ kekini kesɔ esa pɔtɛ be nfɛra la kejimuni nɛ kawulisheŋ nna.

Sɔlɔmɔn 1:1

Sɔlɔmɔn be nshɛ to be kebelbelso.

Aizaaya 10:2

Kananɛ menyee wora a maa ji kashenteŋ a sa betirpo nɛ basa nɛ asheŋ tir bumo ashi menyi be demujikpaana nseŋ naa suge bekulpoche nɛ amunibi be asɔ nna na.

Aizaaya 26:1

Kachako bee ba nɛ basa e boŋ kashɛ ere ashi Juda be kasawule so: Anyi be kadegboŋ na kɔ eleŋ! Ebɔrɛ gbagba e naa kɔ a kuŋ kumo be egbalana!

Aizaaya 30:29

Ama menyi, Ebɔrɛ be basa bre be ŋgbene beeŋ fuli menyi nɛ men baa boŋ nshɛ fanɛ kananɛ menyee wora nchɛgboŋ cheembiana be kanyɛso na. Menyi be ŋgbene beeŋ fuli menyi fanɛ basa nɛ b ta nlopi a boŋ nshɛ a yɔ Enyɛnpe Ebɔrɛ nɛ e bee kuŋ Israɛl na be bɔrɛlambu to na.

Aizaaya 5:1

Men kaŋ asoe n nu kashɛ nɛ mee shin nɛ m boŋ n sa menyi ere. K la n teri ko nɛ mbe ndibi sɔrso be kudɔ be asheŋ be kashɛ nna. N teri na daa kɔ ndibi sɔrso be kudɔ nɛ k daa wɔ kepreŋsawule nɛ k bee wora asɔ nɛnɛ so nna.

Jɛremaya 15:16

Fo daŋ malga ma kutɔ nɛ n nu fo kamalga na kikɛ. Enyɛnpetale Ebɔrɛ, n la fo kenya nna nɛ fo mmalga malɛ shin nɛ ma kagbene fuli n wushi ma ga.

Matiu 26:30

Kede be kaman nɛ b boŋ kashɛ nseŋ lar n yɔ Ɔlifs be kebee so.

Luuk 2:51

Amo be kaman nɛ mo nɛ bumo bɛta n yɔ Nazarɛt nɛ e ya kaa wɔtɔ a nu a sa bumo. Nɛ mo nio ta asheŋ ere kikɛ n wɔtɔ mbe kagbene to a wɔtɔ.

Baru lela nɛ Jɔn kute na 15:7

Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

Romebi 10:17

Amoso, yirda bee shi kubɔya na be kenu to nna nɛ kubɔya na be kenu malɛ bee shi kemalga Kristo na be asheŋ to.

Romebi 15:14

Ŋ kurgepoana, ma alɛ gba baa nyi geeŋ fanɛ alelasheŋ e baŋ bɔlɔ menyi alɛ gbagba to nseŋ naa nyi fanɛ men kɔ kanyiasheŋ kikɛ nɛ men gbagba e tiŋ ŋ ŋini abar asheŋ.

1 Kɔrintebi 14:15

To, naniere, nuso nɛ meeŋ baa wora? Meeŋ baa ta ma kiyoyu a kule Ebɔrɛ nseŋ naa ta ma nfɛra gba a kule Ebɔrɛ. Meeŋ baa ta ma kiyoyu a boŋ nshɛ nseŋ naa ta ma nfɛra gba a boŋ amo.

1 Kɔrintebi 14:26

To, ŋ kurgepoana, naniere manɛ e naŋ ka nɛ an kaŋɛ? Men baŋ ba shɛr asɔri to, eko beeŋ baa kɔ kapandi be kashɛ ŋko keŋini ko ŋko kelaraŋŋini be kesheŋ ko ŋko ŋgbar nɛ e maa nu be kegbar ŋko amo be kifito be kekute. A daga fanɛ men baa wora ade kikɛ nɛ asɔriebi na e nya kechɛto n yɔ anishito.

Ɛfesesebi 1:17

fanɛ e sa menyi Kiyoyu mo nɛ e beeŋ shin nɛ men baa kɔ kanyiasheŋ nseŋ naŋ lara Ebɔrɛ ŋ ŋini menyi nɛ men pin mo kashenteŋto.

Ɛfesesebi 5:17

Amoso, men sa maa la bewulpo. Men baa wora ania a pin kusɔ nɛ Enyɛnpe bee sha fanɛ an baa wora.

Ɛfesesebi 5:19

Men baa ta Ebɔrɛ be kawɔl to be nshɛ nɛ Ebɔrɛ be basa be kedi epaŋ be nshɛ nɛ abɔrɛsheŋ be nshɛ a boŋ a kute asheŋ a sa abar nsaa ta men be ŋgbene kikɛ a boŋ nshɛ a di Ebɔrɛ Enyɛnpe na epaŋ.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

Kɔlɔsiebi 4:6

Men shin nɛ men be kelejima e baa wɔ ebel saŋkama a kɔ kanyiasheŋ kumo to nɛ men pin kananɛ a daga men ka bee tuge basa be mmalga.

1 Tɛsalɔnikaebi 1:8

Mannɛ Masɛdonia nɛ Akaya nawule nɛ Enyɛnpe be kubɔya na shi men kutɔ n yɔ, ama kananɛ men yirda Ebɔrɛ na be baru sɔ kaplɛkama, amoso, anyi ere maŋ naa kɔ shɛŋ a kaŋɛ.

1 Tɛsalɔnikaebi 4:18

Amoso, men baa kɔ mmalga ere to a leŋ abar to.

2 Tɛsalɔnikaebi 3:15

Men sa maŋ ta mo ŋ ki men doŋ, ama men fiɛ mo so fanɛ ekurgepo.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

2 Timoti 3:15

Baa nyiŋi kananɛ fo kebiato kikɛ nɛ fo pin abɔrɛsibɛ cheembi nɛ a beeŋ tiŋ n sa fo kanyiasheŋ nɛ k beeŋ tiŋ n shin nɛ fo bɔla keyirda Kristo Yesu so n nya kumɔlga na.

Taites 3:6

E bɔla Yesu Kristo, an be Emɔlgapo so n shin nɛ Kiyoyu Cheeŋ na ba buu anyi so nyam.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.

Jeems 3:17

Kanyiasheŋ nɛ k shi ebɔrɛso na bre maŋ kɔ kulubi kikɛ kumo to. Kumo e naa bar kagbenewushi nsaa shin nɛ basa du boeŋ nsaa shuli a nu asheŋ nɛ basa pɔtɛ bee kaŋɛ. Kuwɔr nɛ alelasheŋ e bɔlɔ kumo to. Esa nɛ e kɔ loŋ be kanyiasheŋ maŋ la nfɛranyɔnyɔwura, mo alɛ maŋ kɔ kebirkɔnshi.

Jeems 5:13

Nɛ tɔrɔ kɔ menyi to be ekama, e kule Ebɔrɛ nɛ e chɛ mo to. Nɛ ekama malɛ nɛ kagbenefuli wɔ mo to, e boŋ nshɛ n di Ebɔrɛ epaŋ.

1 Jɔn 2:14

Mee sibɛ nna a sa menyi mbia ŋkpal men ka nyi etuto na so. Mee sibɛ nna a sa menyi betutoana ŋkpal men ka nyi mo ere esa nɛ e wɔ ŋkpa to sososo kikɛ na so. Mee sibɛ nna a sa menyi mbrantiɛbia ŋkpal men ka kɔ eleŋ nɛ Ebɔrɛ be kamalga na wɔ menyi to nɛ men pɔɔ alubipo na so so.

1 Jɔn 2:24

Ama menyi ere e shin nɛ kusɔ nɛ men nu sososo kikɛ na e shir a wɔ menyi to. Nɛ kusɔ nɛ men nu sososo kikɛ na baa wɔ menyi to bre, kumo ere menyi alɛ gba beeŋ baa wɔ Ebinyɛn na nɛ Etuto na to.

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.

2 Jɔn 1:2

ŋkpal kashenteŋ be keŋini na ka wɔ anyi to, kumo alɛ ŋkaa beeŋ shir a wɔ anyi to mbaanaayɔ na so.

Kelaraŋŋini 14:3

Nɛ b boŋ kashɛ popɔr ashi kuwurputi na be anishito nɛ asɔbɔya keniso ana nɛ bejuŋkparpo na be anishito. Esa kikɛ daa maaŋ tiŋ ŋ koya kashɛ na she basa ŋgboŋ kalfa nɛ ŋgboŋ adena nɛ ŋgboŋ ana mo nɛ b sɔ n yige kasawule so na.

Kelaraŋŋini 15:3

B daa yil nna a kɔ amo a boŋ anebi Mosis, Ebɔrɛ be kenya na be kashɛ nɛ Kpakpafɔlbi na be kashɛ a kaŋɛ: “Enyɛnpetale Ebɔrɛ, Enyɛnpe fo asheŋ woraso kɔ mamachi pasaa! Fo nɛ fo la efuli kama be Ewura na, fo ekpa niŋi nsaa kɔ kashenteŋ amo to pasaa!

Kelaraŋŋini 19:10

Ndoŋ nna nɛ ŋ gbir n dese kasawule mbe anishito nɛ m maŋ mo so nɛ e kaŋɛ ma: “A maŋ daga fanɛ fo wora loŋ, ŋkpal manɛ so, n la fo barkasa kenya nna fanɛ fo nɛ fo niopibiana nɛ b bɛ Yesu be shɛda be ekpa so na, Ebɔrɛ e daga fanɛ fo baa maŋ mo so.” Ŋkpal manɛ so, kashenteŋ mo nɛ Yesu lara ŋ ŋini na e la Kiyoyu mo nɛ e bee leŋ anebiana na to.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.