Kɔlɔsiebi 3:1 - EBƆRƐ BE KAWƆL

¹ Ŋkpal menyi nɛ Kristo ka tiŋi luwu to na so, men shin nɛ men be ŋgbene e baa wɔ ebɔrɛso be asɔ so. Ndoŋ nɛ Yesu Kristo chena, Ebɔrɛ be jisoso, ebunyampo be kakpa na.

Kɔlɔsiebi 3:1 ပူးပေါင်းရင်းမြစ်များ

Nshɛ 110:1

Nɛ Enyɛnpe Ebɔrɛ na kaŋɛ n nyɛnpe, ewura na le: “Chena ma jisa so hale nɛ n ya shin nɛ fo ji eleŋ fo doŋana so.”

Nshɛ 16:11

Fo shin nɛ m pin fo ŋkpa be ekpa na. Fo kebaawɔ ma kutɔ, e naa shin nɛ ma kagbene bee fuli ga saŋkama.

Aŋasa 15:24

Ekpa nɛ benyiashempo bɔ bee yɛr bumo ŋkpa to nna, mannɛ luwu to.

Kaŋinichiŋgeliŋ 10:2

Enyiashempo be kagbene bee laŋɛ kusɔ nɛ k daga be kewora so nna, ama ewulpo bre be kagbene bee laŋɛ asheŋ nɛ a gbɛto so nna.

Matiu 22:44

‘Enyɛnpe na kaŋɛ n Nyɛnpe, chena ma jisoso nfe hale nɛ n ya ta fo doŋana m bɔɔ fo enɔ.’

Matiu 26:64

Ndoŋ nna nɛ Yesu kaŋɛ mo: “Loŋ nɛ fo yɛ na. Ma alɛ bee kaŋɛ menyi nna, yili kabre a yɔ menyeeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Matiu 6:20

Men baa bela men be ekpanjawu a yili ebɔrɛso, ndoŋ nɛ elala ŋko keku edare ŋ kreŋ so ŋko beyu ka beeŋ luri n yuri be asheŋ maŋ wɔ.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Maak 12:36

Kiyoyu Cheeŋ na daŋ bugi Deevid be kagbene nna n shin nɛ Deevid gbagba kaŋɛ: ‘Enyɛnpe na kaŋɛ n Nyɛnpe: Chena ma jisoso nfe, hale nɛ n ya ta fo doŋana m bɔɔ fo enɔ.’

Maak 14:62

Nɛ Yesu kaŋɛ: “Ma nna. Menyi alɛ beeŋ wu ma, Nyiŋgbasa Pibinyɛn ka tase Elempo na be jisoso nseŋ naŋ wu ŋ ka shi awɔlpa to a ba.”

Maak 16:19

Enyɛnpe Yesu ka malga bumo kutɔ n loge nɛ e yɔ ebɔrɛso n ya chena Ebɔrɛ be jisoso, ebunyampo be kakpa.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Luuk 20:42

Ŋkpal manɛ so, Deevid gbagba kaŋɛ ashi Nshɛ be Kawɔl na to fanɛ; Enyɛnpe na kaŋɛ n Nyɛnpe le: ‘Chena ma jisoso nfe

Luuk 22:69

Ama yili kabre a yɔ ma, Nyiŋgbasa Pibinyɛn beeŋ ya chena Elempo Ebɔrɛ be jiso so.”

Ashuŋ Shunso 2:34

Deevid gbagba daa maŋ yɔ ebɔrɛso fanɛ Yesu, ama le nɛ e daŋ kaŋɛ: ‘Enyɛnpe na kaŋɛ n Nyɛnpe le: Chena ma jisoso nfe

Ashuŋ Shunso 7:55

Nɛ Kiyoyu Cheeŋ na luri m bɔlɔ Stiven to nɛ e maŋ kumu so ŋ keni ebɔrɛso n wu Ebɔrɛ be kemaŋkura nɛ Yesu yil Ebɔrɛ be jisoso, ebunyampo be kakpa.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

Romebi 8:6

Keshin nɛ kapɔr lubi ere e baa wɔ fo nfɛra bee yɛr fo luwu to nna nɛ keshin nɛ Kiyoyu na e baa wɔ fo nfɛra malɛ bee yɛr fo ŋkpa nɛ kagbenewushi to.

2 Kɔrintebi 4:18

Ŋkpal manɛ so, anyi be nfɛra yuu asɔ nɛ esa maaŋ tiŋ n wu kenishiso na nna, mannɛ asɔ nɛ basa bee wu kenishiso. Kusɔ nɛ anishi malɛ bee wu maa chɛr ko, ama kusɔ nɛ basa maaŋ tiŋ n wu kenishiso bre wɔtɔ nna mbaanaayɔ.

Ɛfesesebi 4:10

Amoso, mo koŋwule nɛ e daŋ gbelge m ba na e naŋ dii n yɔ kufɔ a chɔ esoso be kaplɛkama, saŋɛ na so mbe kebaawɔtɔ be asheŋ beeŋ sɔ kaplɛkama verr.

Ɛfesesebi 5:22

Beche kilpo, men baa bar men be amu kaseto a sa men kulana fanɛ kananɛ menyee wora a sa Enyɛnpe na.

Kɔlɔsiebi 2:20

Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Kɔlɔsiebi 3:2

Men shin nɛ men be nfɛra e baa wɔ ebɔrɛso be asɔ so, men sa maŋ shin nɛ durnya ere to be asheŋ wurbi e baa wɔ men be nfɛra to.

Hibruwebi 1:13

To, nɛ malaika mo malɛ nɛ Ebɔrɛ daŋ kaŋɛ le: “Ba chena ma jisoso nfe hale nɛ n ya ta fo doŋana nɛ b ba gbir fo kumuli”?

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 10:12

Ama mo Yesu ere, sarga koŋwule pati nɛ e lara ŋkpal alubi so nɛ k bee kukwe a sa saŋkikɛ. Kumo be kaman nɛ e chena Ebɔrɛ be jisoso, ebunyampo be kakpa na.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Hibruwebi 8:1

Kusɔ nɛ anyee malga ere kikɛ nde fanɛ an kɔ bɔrɛmatapo nimuso mo nɛ e chena Ebɔrɛ be jisoso ashi mbe kemaŋkuragboŋ be kuwurputi ase ebɔrɛso.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.