Kɔlɔsiebi 2:9 - EBƆRƐ BE KAWƆL

⁹ ŋkpal manɛ so, Yesu Kristo na to nɛ Ebɔrɛ nɛ mbe kusɔ kama wɔ.

Kɔlɔsiebi 2:9 ပူးပေါင်းရင်းမြစ်များ

Aizaaya 7:14

To, kumo ere Enyɛnpe Ebɔrɛ na gbagba e naaŋ sa anyi tɔɔnɛ. Kasuŋgurbia nɛ e maŋ nyi enyɛn ŋ ku so beeŋ di kedampo ŋ kurge ebinyɛn nseŋ nase mo ketre Immanuɛl. Kumo be kifito e la fanɛ Ebɔrɛ wɔ anyi kutɔ.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Luuk 14:22

Kenya na ka yɔ m ba nɛ e ba kaŋɛ le: ‘Enyɛnpe, n wora asheŋ nɛ fo kaŋɛ na kikɛ, ama ebu na maŋ naŋ bɔlɔ basa.’

Luuk 3:22

nɛ Kiyoyu Cheeŋ na gbelge m ba mo so fanɛ lepɔ gbagba nɛ ebɔl shi ebɔrɛso ŋ kaŋɛ le: “Fo e la m Pibinyɛn shaso na. Ma kagbene fuli fo so ga.”

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 1:16

Mbe kuwɔr be kakɛ nɛ k bɔlɔ mo to felɛlɛ na to nɛ e nɛfa anyi nseŋ kraa wɔtɔ a nɛfa a nɛfa anyi.

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 10:38

Ama nɛ mee shuŋ mbe ashuŋ na nna nɛ men maŋ yirda ma gba, a daga fanɛ men yirda ashuŋ na bre, saŋɛ na so menyeeŋ pin fanɛ Etuto na wɔ ma to nɛ ma alɛ wɔ Etuto na to.”

Baru lela nɛ Jɔn kute na 14:20

Kachɛ na kaŋ fo, menyeeŋ pin ŋ ka wɔ n Tuto na to nɛ menyi alɛ wɔ ma to nɛ ma alɛ gba wɔ menyi to.

Baru lela nɛ Jɔn kute na 17:21

fo shin nɛ bumo kikɛ e baa la kukoŋwule. Etuto, fanɛ kananɛ n wɔ fo to nɛ fo alɛ wɔ ma to na, loŋ nɛ mee kule fo fanɛ fo shin nɛ b baa wɔ anyi to nɛ durnya e yirda fanɛ fo e shuŋi ma durnya ere to.

Baru lela nɛ Jɔn kute na 2:21

Ama mannɛ bɔrɛlambu be ebu na gbagba nɛ Yesu daa de. Mbe eyur nɛ e daa de.

Ashuŋ Shunso 17:29

Ŋkpal anyi alɛ ka la mbe mbia so, an sa maa fɛ fanɛ Ebɔrɛ du fanɛ shuwa be kusɔ pɔrso ŋko gbiti be kusɔ pɔrso ŋko kejembu be kusɔ pɔrso ko nɛ nyiŋgbasa ta mo gbagba be kenyi be nfɛra n wora nna.

2 Kɔrintebi 5:19

Kumo e la fanɛ Kristo so nɛ Ebɔrɛ daŋ bɔla ŋ kplaŋ durnya be alubi so nseŋ shin nɛ mo nɛ basa naŋ nyalɛ. Ama kananɛ e bee shin nɛ mo nɛ basa bee nyalɛ be kubɔya nɛ e ta m bɔɔ anyi enɔ.

Kɔlɔsiebi 1:19

Amoso, mo e chɔ asɔ kikɛ, ŋkpal manɛ so, Etuto na be keparso nɛ Ebi na du fanɛ mo gbagba chap.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.

1 Jɔn 5:7

Kiyoyu na malɛ e la shɛdajipo na, ŋkpal manɛ so, Kiyoyu na e la kashenteŋ na.