Kɔlɔsiebi 2:8 - EBƆRƐ BE KAWƆL

⁸ Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

Kɔlɔsiebi 2:8 ပူးပေါင်းရင်းမြစ်များ

Sɔlɔmɔn 2:15

Shin nɛ an pɛ ejiŋkaamu wurbi nɛ baa jija anyi be asɔrso nɛ baa tre greep na be kudɔ na, ŋkpal manɛ so greep be asɔrso na bee futi nna.

Jɛremaya 29:8

Ma, Enyɛnpe, Israɛl be Ebɔrɛ na bee kpele menyi kusoe nna fanɛ men sa maŋ shin nɛ anebiana nɛ b wɔ menyi to na ŋko bekama nɛ baa kpal a wu asheŋ na e fule menyi. Men sa maŋ kaa nu a sa bumo.

Matiu 10:17

Men baa de edimɛdi so, ŋkpal manɛ so, baaŋ pɛ menyi n yɔ demujikpa n ya kuya menyi so ashi bumo be nshɛrbuana to.

Matiu 16:6

B ka yɔ ndoŋ na nɛ Yesu kaŋɛ bumo le: “Men baa keni so nɛnɛ a de Efarisiana na nɛ Esadusiana na be yiisi so.”

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 17:32

B ka nu Pɔɔl ka malga ketiŋi luwu to be asheŋ na nɛ bumo be beko wora mo eyurto nɛ beko malɛ kaŋɛ: “Anyi ere kraa sha kenamba n nu fo kamalga na.”

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.

1 Kɔrintebi 10:12

Amoso, ekama nɛ e bee fɛ fanɛ e yil kpakpa na e baa da so nsaa maŋ kaŋ tɔr.

1 Kɔrintebi 8:9

Ama men baa da so nɛ le be kamooji mo nɛ men kɔ ere e sa maŋ shin nɛ bumo nɛ b maŋ kɔ eleŋ yirda na to na e tɔr alubi to.

2 Kɔrintebi 10:5

Amo nɛ an kɔ a jija emɔrɔana nɛ kamoowu be kusɔ kama nɛ k bee kuŋ esa kepin Ebɔrɛ be ekpa nseŋ naa kɔ amo a pɔɔ nfɛra fɛso lubiana so a shin nɛ a bee nu a sa Kristo.

Galeeshaebi 1:14

Ma sara Juwebiana be bedamta to ma e daŋ fara nɛ n sɔ kejuŋkpar ashi Juwebi be kabɔrɛbɛso na to nseŋ daŋ naŋ pere kenishi n wɔtɔ an nanaana be asheŋ ŋiniso nɛ b yige n sa anyi na to ga.

Galeeshaebi 4:3

To, anyi alɛ gba ka daa du fanɛ mbibi abɔrɛsheŋ to na, loŋ e daa la. An daa la durnya ere to be sososo be asɔ ŋiniso be anya nna.

Galeeshaebi 4:9

Ama naniere bre men ba pin Ebɔrɛ. Kusɔ nɛ mee sha nɛ ŋ kaŋɛ e la fanɛ Ebɔrɛ e ba pin menyi de. Nɛ nuso nɛ a ji nɛ men naa bɛta a ta men be amu a sa le be durnya ere to be sososo be asɔ ŋiniso pɔso nɛ amo be asheŋ kɔ kuwɔr ere? Menyee sha fanɛ men naŋ bɛta ŋ ki amo be anya nna a?

Galeeshaebi 5:15

Ama nɛ men baa wɔtɔ a bile a wɔtɔ abar ebesa to bre, men baa da so, nɛ mannɛ aloŋ menyeeŋ mur abar cheche.

Ɛfesesebi 2:2

Loŋ be kebaawɔtɔ to nɛ men daa wɔ saŋɛ nɛ men daa bɛ durnya ere be asheŋ woraso so nseŋ daa bɛ esoso be eleŋana be ewura so, mo e la kiyoyu nɛ e wɔ basa nɛ b maa nu a sa Ebɔrɛ na to a shuŋ naniere na.

Ɛfesesebi 4:20

Ama mannɛ aloŋ nɛ men daŋ wu Yesu be kebaawɔtɔ ka du.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Ditɛronɔmi 6:12

men baa da so nɛ men maŋ teŋ so fanɛ Enyɛnpe Ebɔrɛ na e kɔ n suge menyi kenyaya to ashi Ijipt be efuli so.

Filipaiebi 3:2

Men baa de basa nɛ b du fanɛ njɔnɔ na so. Bumo e naa wora alubi nsaa wɔtɔ a sha eyur ere be keku na.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

Kɔlɔsiebi 2:20

Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Kɔlɔsiebi 2:22

Kusɔ jiso kikɛ nɛ esa ji kumo, kumo be asheŋ baŋ loge nna na. Loŋ nɛ nyiŋgbasa be mbraana nɛ amo be keŋini gba du.

Kɔlɔsiebi 2:23

Mbraana ere du fanɛ a ka kɔ kanyiasheŋ nna, baa nase bumo gbagba be kabɔrɛshuŋ ko a kaŋɛ fanɛ basa e baa koya le nɛ le be ebunyaŋsheŋ ŋko b baa tɔrɔ bumo be eyur, ama kanyiasheŋ kikɛ maŋ wɔ le be asheŋ ŋiniso na to, ŋkpal manɛ so, amo be kekama maaŋ tiŋ n shin nɛ nyiŋgbasa e yige kulubi be kebaawora.

1 Timoti 6:20

Timoti, baa de kusɔ nɛ Ebɔrɛ ta m bɔɔ fo enɔ na so nɛnɛ nsaa gelge chilchil be emɔrɔ be mmalga nɛ a maa par Ebɔrɛ nɛ efɛ be keŋini nɛ baa tre kashennyi be keŋini na.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

1 Pita 1:18

Ŋkpal manɛ so, men nyi fanɛ mannɛ asɔ nɛ a beeŋ tiŋ n jija fanɛ egbiti nɛ eshuwa nɛ b daŋ ta n sɔ menyi ashi men be kebaawɔtɔ fuloŋ mo nɛ men nya ashi men nanaana kutɔ na n yige.

2 Pita 3:17

Ama n teri lelaana, menyi ere tea nyi asheŋ ere kikɛ, amoso, men baa da so nɛ mbrakinipoana be alubi e sa maŋ shin nɛ men foe ekpa n lar kakpa lela nɛ men yil ere so n tɔr.

2 Jɔn 1:8

Amoso, men baa de so n sa maŋ paŋ kusɔ nɛ men kpal kumo so n shuŋ na, ama men wora ania n nya men be tɔnɔ kikɛ nyam.