Kɔlɔsiebi 2:5 - EBƆRƐ BE KAWƆL

⁵ M baa maa wɔ menyi kutɔ geeŋ, ama men be asheŋ wɔ ma kagbene to ga. Ma kagbene malɛ fuli ma ga ŋkpal ŋ ka nyi men ka kɔ men be amu nɛnɛ nsaa yirda Yesu Kristo na kagbene koŋwuleso.

Kɔlɔsiebi 2:5 ပူးပေါင်းရင်းမြစ်များ

2 Kronikɛls 29:35

Kechɔɔ m mur be sarga na be buushi, bɔrɛmatapoana na be kushuŋ e daŋ naa la kebaachɔɔ sarga nɛ basa kɔ ekpa nɛ b ji na be nfɔ, nɛ kebaachulgi asɔnuuso nɛ a ti sarga chɔɔso so na a wurge bɔrɛsure na so. Amoso b daŋ naŋ fara kabɔrɛshuŋ nna ashi bɔrɛlambu to

Nshɛ 78:37

B daa maa ji kashenteŋ a sa mo; bumo alɛ daa maa bɛ mo nɛ bumo be kɔnɔkoŋwule be ŋkre so.

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Nɔmbɛs 7:11

Ŋkpal manɛ so, Enyɛnpe Ebɔrɛ daŋ kaŋɛ Mosis le nna: “K daga fanɛ karechɛ kama, bejuŋkparpo na be ekoŋwule ka ta mbe kakɛ nna m ba nɛ b ta n wora bɔrɛsure na be keta m bɔɔ Enyɛnpe Ebɔrɛ enɔ be kesheŋ wora.”

Ashuŋ Shunso 2:42

Bumo nɛ beshuŋipo na e daa la saŋkama nɛ baa koya asɔ ashi beshuŋipo na kutɔ nsaa ba bumo be nshɛrbuana to nɛ bumo kikɛ ba kaa bɔ enɔ kɔnɔkoŋwuleso a wɔtɔ kawie koŋwule to nsaa kule Ebɔrɛ kɔnɔkoŋwuleso.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

1 Kɔrintebi 11:34

Ekama nɛ akoŋ kɔ, amodoŋwura e ji epe, saŋɛ na so, men baŋ ba shɛr abar so, kumo be lalaloge maaŋ bar kasogberge. To, asheŋ nɛ a ka na bre, ŋ kaŋ ba, meeŋ ŋini menyi amo alɛ be afito.

1 Kɔrintebi 14:40

Ama a daga fanɛ men baa wora kusɔ kama nɛnɛ ekpa niŋiso so.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

Kɔlɔsiebi 2:1

Mee kaŋɛ menyi kesheŋ ere nna ŋkpal ŋ ka bee sha men ka pin kananɛ mee mɔ ma kumu a sa menyi nɛ bumo nɛ b wɔ Laodisiya nɛ bumo nɛ b maŋ naŋ wu ma kikɛ na,

1 Tɛsalɔnikaebi 2:17

Bekurgepoana, b ka daŋ barga anyi ashi men kutɔ na an daŋ barga menyi eyur to, ama an be ŋgbene bre to anyi nɛ menyi e daa la. Anyi be kenishi daŋ pere menyi so ga nɛ an yɛlga ga fanɛ an naŋ wu menyi.

1 Tɛsalɔnikaebi 3:8

Naniere nɛ men kɔ Enyɛnpe na to kpakpa nɛ kagbene koŋwule, anyeeŋ baa wɔ ŋkpa to be kebaawɔtɔ lela to ŋkpal menyi so.

Hibruwebi 3:14

Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Hibruwebi 6:19

Le be tama ere e shin nɛ anyi be yirda nɛ k wɔ anyi be ŋgbene to na bee wora eleŋ nɛnɛ a yili fanɛ kananɛ baa chɛ ekuloŋ a muni na a jo saŋɛ nɛ anyeeŋ nya n luri acheembiana to be kakpa cheembi to na.

1 Pita 5:9

Men baa kɔ men be yirda to kpakpa a tu mo nsaa maa sa mo kashuli, ŋkpal manɛ so, menyi alɛ gba nyi fanɛ loŋ nɛ men braana bebɛsopo ashi durnya ere to be kaplɛkama gba bee nya tɔrɔ.

Ruf be kawɔl 1:18

Nawomi ka wu fanɛ Ruf baŋ yili kumo mbe kagbene to nna fanɛ e beeŋ tu mo n yɔ na nɛ e yige kebaakaŋɛ mo fanɛ e bɛta a yɔ epe.