Kɔlɔsiebi 2:4 - EBƆRƐ BE KAWƆL

⁴ Mee kaŋɛ menyi ade kikɛ nna nɛ men sa maŋ shin nɛ esa kikɛ e tiŋ n ta efɛ be kamɔrɔji n shin nɛ men foe ekpa.

Kɔlɔsiebi 2:4 ပူးပေါင်းရင်းမြစ်များ

Matiu 24:24

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ gboŋ nɛ emamachisheŋ damta n fule Ebɔrɛ be basa laraso gba nɛ baaŋ tiŋ nna na.

Matiu 24:4

Nɛ Yesu kaŋɛ bumo le: “Men baa da so nɛ esa kikɛ e sa maŋ fule menyi.

Maak 13:22

Ŋkpal manɛ so, befɛpo nɛ baa tre bumo be amu Kristo na nɛ anebi fɛpoana beeŋ lar n wora eleŋ be etɔɔnɛsheŋ nɛ emamachisheŋ damta n fule Ebɔrɛ be basa laraso nɛ baaŋ tiŋ nna na.

Ashuŋ Shunso 20:30

Menyi to be beko malɛ gba beeŋ koso kachako ŋ ku efɛ n shin nɛ beyirdapoana na e bɛ bumo so.

1 Kɔrintebi 2:4

Ma alɛ daa maŋ ta kanyiasheŋ nɛ mmalga belbelso nna nɛ n nya menyi. Ama ŋ ka daŋ malga m bɔ kubɔya na, Ebɔrɛ be Kiyoyu be eleŋ daŋ dii efuli nna.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

Galeeshaebi 2:4

Ama kesheŋ na daŋ ba koso, ŋkpal manɛ so, bekurgepo fɛpo ko daŋ luri anyi to nna n daŋ fin kekeni anyi be kamooji nɛ an kɔ Kristo Yesu to na to nɛ b nya n jija kumo nseŋ ta anyi ŋ ki anya.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Ɛfesesebi 4:17

Amoso, ma kamalga mo nɛ ŋ kɔ a sa menyi nsaa fiɛ menyi so ashi Enyɛnpe na be ketre to e la fanɛ men sa maŋ naa wɔtɔ fanɛ basa nɛ b maŋ nyi Ebɔrɛ nɛ b kɔ nfɛra fuloŋ a wɔtɔ na.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.

Kɔlɔsiebi 2:8

Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

2 Timoti 2:16

Baa gelge mmalga nɛ a maa bunyaŋ Ebɔrɛ, ŋkpal manɛ so, a bee lara basa abɔrɛsheŋ be nfɛra to nna a shin nɛ baa luri alubi damta to a ti so.

2 Timoti 3:13

Ama basa lubi nɛ kebirkɔnshiwuraana bre, baa wɔtɔ nna a wora alubi a ti so nsaa fule beko nɛ Setani bee fule bumo alɛ gbagba.

1 Jɔn 2:18

Ma mbi shasoana, lalaloge be saŋɛ na bee fo nna na. Men daŋ nu fanɛ Kristo mo doŋ beeŋ ba, naniere malɛ Kristo mo doŋana damta ba, amoso nɛ an pin fanɛ lalaloge be jemanɛ na fo.

1 Jɔn 2:26

Mee sibɛ asɔ ere nna a sa menyi nɛ ŋ kaŋɛ menyi basa nɛ baa sha kefule menyi na be asheŋ.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.

2 Jɔn 1:7

Befɛpo damta mo nɛ b maa yirda fanɛ Yesu Kristo ba durnya ere to nna fanɛ dimɛdi, lar n luri durnya to. Loŋ be basa na be ekama e la efɛpo nɛ Kristo mo doŋ na.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:8

Basa nɛ b wɔ kasawule ere so kikɛ beeŋ ba maŋ kusɔbɔya na so. Loŋ be basa na e la bekama nɛ b maŋ sibɛ bumo be atre n wɔtɔ Kpakpafɔlbi nɛ b daŋ mɔ durnya be sososo na kikɛ be kawɔl na to na.

Kelaraŋŋini 20:3

E ka kre mo n loge nɛ e ta mo n lɛ n wɔtɔ kemaŋ nɛ baa tre Abis to na nseŋ ber kumo so n ta tɔɔnɛ be kebersobi n dulgi kumo n ti so, saŋɛ na so e maaŋ naŋ nya n fule efuliana so ebi, ama nfɛ kagboŋ na ya choŋ nna. Nfɛ kagboŋ na be kaman a daga fanɛ b saŋɛ mo n lɛ gbrɛbi.

Kelaraŋŋini 20:8

Nɛ e lar n fule efuliana so ebi ashi kasawule so be abonfu ana kikɛ, bumo e la Gɔg nɛ Magɔg ebi na n shɛr bumo nɛ b kɔ kena. Bumo be keshi daa sa fanɛ teku ase be shishɛr.