Kɔlɔsiebi 2:3 - EBƆRƐ BE KAWƆL

³ Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.

Kɔlɔsiebi 2:3 ပူးပေါင်းရင်းမြစ်များ

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

Job be kawɔl 28:21

Dimɛdi kikɛ be kenishi maaŋ tiŋ n wu kumo, mbuibi nɛ a bee firgi ere gba maaŋ tiŋ n wu kumo.

Aŋasa 2:4

Baa fin kenyi kenishipereso fanɛ kananɛ feeŋ fin gbiti nɛ yawu kpakpaso be asɔ nɛ a ŋana na.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Aizaaya 40:14

Enyɛnpe Ebɔrɛ na maa yɔ esa kikɛ kutɔ n ya kaa fin kanyiasheŋ ŋko kepinto ŋko kewora asheŋ nɛ e niŋi amodoŋwura kutɔ.

Matiu 10:26

Amoso, men sa maa ŋana edimɛdi. Kusɔ kama nɛ k buu so beeŋ ba dii efuli nɛ kumo be wulo kikɛ e ba bugi so.

Luuk 11:49

Ŋkpal ade so nɛ Ebɔrɛ ta mbe kanyiasheŋ ŋ kaŋɛ: ‘Meeŋ shuŋi anebiana nɛ beshuŋipoana bumo kutɔ, ama baaŋ mɔ bumo to be beko nseŋ tɔrɔ beko malɛ.’

Romebi 11:33

Kashenteŋto, Ebɔrɛ be alelasheŋ shi pasaa. Mbe nfɛra nɛ mbe kashennyi shi kashenteŋto. Wanɛ e naaŋ tiŋ m pin asheŋ nɛ e bee yili to ŋ kute ŋko m pin mbe asheŋ woraso to?

1 Kɔrintebi 1:24

Ama bumo, Juwebi nɛ Griikebi nɛ Ebɔrɛ tre na bre kikɛ, kubɔya na la Kristo mo nɛ e la Ebɔrɛ be eleŋ nɛ mbe kanyiasheŋ na nna.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

Ɛfesesebi 1:8

Mbe kanyiasheŋ kikɛ to nɛ mbe lakal kikɛ to nɛ e yili kumo loŋ

Kɔlɔsiebi 1:19

Amoso, mo e chɔ asɔ kikɛ, ŋkpal manɛ so, Etuto na be keparso nɛ Ebi na du fanɛ mo gbagba chap.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

2 Pita 1:5

Amoso, ŋkpal le ere so, men wora ania ga n ta kelela n ti men be yirda so. Kelela na malɛ be kaman nɛ men ta kanyiasheŋ m bɛ so.

Kelaraŋŋini 2:17

Ekama nɛ e kɔ asoe e baa nu asɔ nɛ Kiyoyu na bee kaŋɛ asɔriana na. Ekama nɛ e kɔ m pɔɔ so, meeŋ sa mo manna ŋana so na be ako. Kumo be kaman nɛ n naŋ sa mo kejembu fuful mo nɛ b sibɛ kumo so ketre popɔr mo nɛ esa nɛ e bee sɔ kejembu na nawule nyi na.’ ”