Kɔlɔsiebi 2:22 - EBƆRƐ BE KAWƆL

²² Kusɔ jiso kikɛ nɛ esa ji kumo, kumo be asheŋ baŋ loge nna na. Loŋ nɛ nyiŋgbasa be mbraana nɛ amo be keŋini gba du.

Kɔlɔsiebi 2:22 ပူးပေါင်းရင်းမြစ်များ

Aizaaya 29:13

Ade be kaman nɛ Enyɛnpe Ebɔrɛ na kaŋɛ le: “Nnɔ fuloŋ nɛ basa ere kɔ a shuŋ ma nɛ bumo be ŋgbene malɛ maŋ wɔ ma so. Edimɛdi be mbra nɛ edaŋkare nɛ b bii n wɔtɔ amu to nawule nɛ baa bɛ so a shuŋ Ebɔrɛ.

Aizaaya 29:18

Kachɛ na kaŋ fo, ekpawu beeŋ nu b kaa bee kraŋ kawɔl awɔrso nɛ etanpo, nɛ b wɔ tentembiri to, e bugi anishi a wu.

Danɛl 11:37

Ewura na malɛ beeŋ kplaŋ kegbir nɛ mo nananyɛnana daŋ shuŋ na nɛ kegbir nɛ beche bee sha ga na so. E beeŋ kplaŋ agbir na b kekama so ŋkpal e ka bee fɛ fanɛ e chɔ amo so,

Baru lela nɛ Jɔn kute na 6:27

Men sa maa kɔ a fin ajibi nɛ a bee jija ere, men baa kɔ a fin ajibi nɛ a bee sa ŋkpa nɛ k maŋ kɔ ekar na. Ma, Nyiŋgbasa Pibinyɛn e naa sa loŋ be ajibi na, ŋkpal manɛ so, Ebɔrɛ Etuto na e ŋini fanɛ mbe kenyi wɔ ma so.”

1 Kɔrintebi 6:13

Esa ko malɛ beeŋ naŋ kaŋɛ le: “Ajibi e wɔ epun nɛ epun malɛ gba wɔ ajibi.” Kashenteŋ nna, ama baa nyiŋi fanɛ kachako Ebɔrɛ beeŋ mur amo kikɛ. A maŋ daga fanɛ dimɛdi e baa ta mbe eyur a wora kesakaleasheŋ, k daga fanɛ e baa ta kumo nna a shuŋ Enyɛnpe na nɛ Enyɛnpe na malɛ e baa shuŋ eyur na.

Kɔlɔsiebi 2:21

Mbraana na e la fanɛ: Men sa maa ji le nɛ le be asɔ ere, men sa maa da le nɛ le be asɔ ere a keni, men sa maa bɛta le nɛ le be asɔ ere gba kuraa.

Taites 1:14

Shin nɛ b sa maŋ naa nu a sa Juwebi be adrasheŋ be ablɔmbi nɛ mbra nɛ a shi basa nɛ b kini kashenteŋ na kutɔ na.

2 Pita 2:12

Ama loŋ be basa ere bee malga a gbiti asheŋ nɛ b maa pin to nna. B du fanɛ asɔbɔya nna a maŋ kɔ nfɛra a wora asheŋ. B kurge bumo nna nɛ b baa pɛ nsaa jija bumo. To, loŋ nɛ beŋinipoana na gba beeŋ mur fanɛ asɔbɔya na.

Kelaraŋŋini 17:18

Kache mo nɛ fo wu na e la kadegboŋ mo nɛ k bee ji kuwura kasawule so be bewura so na.”