Kɔlɔsiebi 2:20 - EBƆRƐ BE KAWƆL

²⁰ Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Kɔlɔsiebi 2:20 ပူးပေါင်းရင်းမြစ်များ

Baru lela nɛ Jɔn kute na 15:19

Nɛ men daa la durnya ere peya nna, k daa beeŋ baa sha menyi fanɛ kumo be basa gbagba. Ama n lara menyi ashi durnya ere to nna nɛ men maŋ naa la kumo be basa, amoso nɛ k kishi menyi na.

2 Kɔrintebi 10:3

Kashenteŋ nna fanɛ durnya ere to nɛ an wɔ, ama mannɛ durnya ere to be kena nɛ anyee kɔ.

Galeeshaebi 4:3

To, anyi alɛ gba ka daa du fanɛ mbibi abɔrɛsheŋ to na, loŋ e daa la. An daa la durnya ere to be sososo be asɔ ŋiniso be anya nna.

Galeeshaebi 6:14

Ama ma ere, kaarɛ gba fanɛ ŋ ka beeŋ ji njɔŋ ko she an Nyɛnpe Yesu Kristo be luwu nɛ e wu kedibi largato na so nawule so, nɛ durnya maŋ naa la shɛŋ ma anishito.

Ɛfesesebi 2:15

E ta mbe kumu ŋ kpra Juwebi be mbra na nɛ kumo be ntaŋana nɛ loŋ e shin nɛ basa yiri ntuŋ anyɔ na e ba abar so m ba ki basa koŋwule, saŋɛ na so e beeŋ bar kagbenewushi bumo to.

Kɔlɔsiebi 2:14

An kini kewora kusɔ nɛ Ebɔrɛ sibɛ mbe mbra na to na, ama e kplaŋ loŋ be kulubi na so ŋ kpra anyi be kemur nɛ Ebɔrɛ be mbra na kaŋɛ anyi fanɛ anyeeŋ mur na, kumo e la fanɛ Ebɔrɛ ta an be alubi nna n lɛ ŋkpal b ka gbir Yesu Kristo m mata kedibi largato na so so.

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.

Kɔlɔsiebi 2:21

Mbraana na e la fanɛ: Men sa maa ji le nɛ le be asɔ ere, men sa maa da le nɛ le be asɔ ere a keni, men sa maa bɛta le nɛ le be asɔ ere gba kuraa.

Kɔlɔsiebi 2:8

Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

Kɔlɔsiebi 3:3

Ŋkpal manɛ so, naniere men du fanɛ basa nɛ b wu nna nɛ bumo be shɛŋ maŋ naa wɔ asheŋ jiga to nɛ Yesu Kristo nɛ mo nɛ Ebɔrɛ la kukoŋwule na e wɔ men be ŋkpa popɔr a keni so.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Jɔn 5:19

Anyi alɛ naa nyi fanɛ an ka la Ebɔrɛ peya, ama durnya ere bre kikɛ wɔ alubipo na be enɔ to nna.