Kɔlɔsiebi 2:2 - EBƆRƐ BE KAWƆL

² saŋɛ na so meeŋ leŋ menyi to nɛ men baa kɔ kasha a wɔ abar so nsaa kɔ kenyi kikɛ nyam. Kumo e la fanɛ nɛ men ba pin mbe wulo na kikɛ.

Kɔlɔsiebi 2:2 ပူးပေါင်းရင်းမြစ်များ

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

Nshɛ 133:1

Kekurge koŋwule to be basa be kechena abar so kashaso nɛ kɔnɔkoŋwuleso walɛ ga.

Aizaaya 32:17

Ŋkpal ekama ka beeŋ baa wora kusɔ nɛ k daga so, kayurwushi beeŋ ba nɛ kufu maaŋ naa kɔ esa kama mbaanaayɔ.

Aizaaya 40:1

Anyi be Ebɔrɛ na yɛ: “Meeŋ lolo ma basa, n shin nɛ bumo be ŋgbene e wushi!

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Jɛremaya 9:24

Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Matiu 11:25

Jemanɛ na so nɛ Yesu kaŋɛ le: “Etuto nɛ fo la ebɔrɛso nɛ kasawule so be Enyɛnpe, mee chɔrɔ fo ga ŋkpal fo ka ta asɔ nɛ fo ta ŋ ŋana benyiashempo nɛ bekoyapo so nseŋ bugi amo be wulo n sa bebɔlpo so.

Matiu 11:27

Kede be kaman nɛ Yesu naŋ kaŋɛ le: “N Tuto ta kusɔ kama nna m bɔɔ ma enɔ. Esa kama maŋ nyi esa nɛ e la Ebinyɛn na she Etuto na, esa kikɛ malɛ maŋ naa nyi Etuto na she Ebinyɛn na nɛ bumo nɛ Ebinyɛn na bee sha keta Etuto na ŋ ŋini na nawule.

Matiu 13:11

Nɛ Yesu kaŋɛ bumo le: “Ebɔrɛ bugi mbe kuwura na to be kesheŋ ŋini be ewulo nna n sa menyi, ama e maŋ wora loŋ n sa basa pɔtɛ bre.

Luuk 1:1

N teri lela Tiɔfiles, fo nyi kananɛ basa

Baru lela nɛ Jɔn kute na 10:30

Ma nɛ n Tuto na la kukoŋwule nna.”

Baru lela nɛ Jɔn kute na 10:38

Ama nɛ mee shuŋ mbe ashuŋ na nna nɛ men maŋ yirda ma gba, a daga fanɛ men yirda ashuŋ na bre, saŋɛ na so menyeeŋ pin fanɛ Etuto na wɔ ma to nɛ ma alɛ wɔ Etuto na to.”

Baru lela nɛ Jɔn kute na 16:15

Asɔ nɛ n Tuto na kɔ na kikɛ la meya nna. Amoso nɛ ŋ kaŋɛ fanɛ Kiyoyu na beeŋ ta asɔ nɛ ŋ kɔ nɛ ŋ kaŋɛ menyi na m malga n sa menyi na.

Baru lela nɛ Jɔn kute na 17:3

Nɛ basa malɛ baa nyi fo, Ebɔrɛ nɛ fo nawule la kashenteŋ be Ebɔrɛ na nseŋ naa nyi ma, Yesu Kristo nɛ fo shuŋi na, kumo ere baaŋ baa kɔ ŋkpa nɛ k maŋ kɔ ekar na.

Baru lela nɛ Jɔn kute na 5:17

Nɛ Yesu kaŋɛ bumo: “Saŋkikɛ n Tuto bee shuŋ nna, amoso, a daga fanɛ ma alɛ gba e baa shuŋ loŋ.”

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

Baru lela nɛ Jɔn kute na 6:69

To, nɛ wanɛ malɛ kutɔ nɛ anyeeŋ naŋ yɔ? Anyi ere yirda nsaa nyi fanɛ fo e la Ebɔrɛ be Esa cheembi na.”

Ashuŋ Shunso 4:32

Nfɛra koŋwule nɛ beyirdapoana na kikɛ daa kɔ. Bumo be ekama daa maa kaŋɛ fanɛ mbe asɔ la mo nawule peya nna. Kusɔ kama nɛ ekama daa kɔ b daa ta nna a barga to a sa abar.

Romebi 15:13

Ebɔrɛ nɛ e bee sa anyi tama na e shin nɛ kagbenefuli nɛ kagbenewushi e bɔlɔ menyi to ashi menyi be keyirda mo ere to, saŋɛ na so menyi be tama beeŋ bɔla Kiyoyu Cheeŋ na be eleŋ to m bɔlɔ menyi to felɛlɛ n ya kaa wurge.

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

Romebi 2:4

Ŋko fo kpal Ebɔrɛ be kelela ka shi mo to ga na so nna nɛ e ka maa nya manaŋ a gberge basa kusoe na nɛ mbe kanyiti na so so nna a fɛl mo a? Fo maŋ nyi fanɛ Ebɔrɛ be kelela wɔtɔ nna nɛ fo nya n lar fo alubi to a?

1 Kɔrintebi 14:31

Ŋkpal manɛ so, men kikɛ beeŋ tiŋ n wu abɔrɛsheŋ to ŋ kaŋɛ kukoko to, saŋɛ na so ekama beeŋ koya kusɔ ko nseŋ nya keleŋto.

1 Kɔrintebi 2:12

Kiyoyu mo nɛ anyi ere nya na maŋ la durnya ere to peya nna. E shi Ebɔrɛ kutɔ nna, saŋɛ na so, anyeeŋ pin asɔ nɛ Ebɔrɛ ta ŋ kɛ anyi na kikɛ nyam.

Galeeshaebi 3:28

Amoso, Ebɔrɛ be anishito Juw maŋ kɔr kanyamase to, kenya maŋ kɔr esa nɛ e wɔ mbe kumu to, benyɛn maŋ kɔr beche to, men kikɛ la kukoŋwule nna ashi Kristo Yesu to.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

Ɛfesesebi 3:16

Mee kule mo fanɛ e keni mbe kemaŋkura damta nɛ e kɔ na to m bɔla mbe Kiyoyu na to a ta eleŋ n leŋ menyi to ashi men be ŋgbeneana to

Ɛfesesebi 3:3

Kumo e la wulo be kesheŋ naseso nɛ Ebɔrɛ bugi to ŋ ŋini ma na, kumo be asheŋ nɛ n teŋ sibɛ gbrɛ n sa menyi na.

Ɛfesesebi 6:22

Amoso nɛ mee shuŋi mo men kutɔ na nɛ e ya kaŋɛ menyi kananɛ an kikɛ du nseŋ naŋ leŋ menyi to.

Filipaiebi 2:1

Nɛ fanɛ fo kɔ keleŋ n wɔtɔ be kebaawɔtɔ ŋkpal fo ka wɔ Kristo to so, mbe kasha bee wushi fo kagbene to nɛ fo nɛ Kiyoyu na kɔ kebaawɔtɔ koŋwule nna ŋko nɛ men la basa nna a sa abar nsaa wu abar kuwɔr kashenteŋto,

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

Kɔlɔsiebi 1:26

Kubɔya na daa la wulo be kubɔya nna, kumo alɛ be saŋɛ na Ebɔrɛ daa maŋ bugi kumo to ŋ kaŋɛ basa, ama naniere e bugi kumo to ŋ kaŋɛ mbe basa.

Kɔlɔsiebi 1:27

Ŋkpal manɛ so, Ebɔrɛ daa sha keŋini bumo kananɛ e ŋini mbe wulo be eleŋgboŋ basa kikɛ to nna, kumo e la fanɛ, Yesu Kristo wɔ menyi to, kumo so nɛ men kɔ tama fanɛ menyeeŋ nu Ebɔrɛ be kemaŋkura na be ebel na.

Kɔlɔsiebi 1:9

Kumo so nɛ saŋkama nɛ anyee kule Ebɔrɛ a sa menyi, yili jemanɛ nɛ an nu men be asheŋ na. Anyee kule mo nna fanɛ e shin nɛ men baa pin asɔ nɛ e bee sha nɛnɛ, kumo e la fanɛ nɛ men nya kashennyi m pin kusɔ nɛ e bee sha ashi Kiyoyu Cheeŋ na to.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

Kɔlɔsiebi 3:14

Ade kikɛ be buushi men ta kasha n wɔtɔ men be ŋgbene to, kasha e naa sa anyi kikɛ kɔnɔkoŋwule.

Kɔlɔsiebi 4:3

Kubɔya na so nɛ n wɔ kabuti to na.

Kɔlɔsiebi 4:8

Amoso nɛ mee shuŋi mo menyi kutɔ nɛ e ya shin nɛ men pin anyi be kebaawɔtɔ be asheŋ nɛ men be ŋgbene e wushi menyi na.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Tɛsalɔnikaebi 3:2

An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.

1 Tɛsalɔnikaebi 5:14

Anyee kule menyi bekurgepoana, men fiɛ betɔlpoana na so nseŋ leŋ befupo to n chɛ bepɔshipo malɛ gba to a ji bumo kikɛ kanyiti.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 6:11

To, loŋ gbagba na nɛ anyee sha fanɛ menyi be ekama e baa kraa pere kenishi a du n ya fo ekar na, saŋɛ na so, asɔ nɛ menyee tama na beeŋ bɔla ekpa.

2 Pita 1:10

Amoso, ŋ kurgepoana, men baa wora ania ga kebaawɔtɔ ere to a ti so n shin nɛ men be ketre nɛ kelara nɛ Ebɔrɛ lara menyi na e baa dii efuli men be kebaawɔtɔ to. Nɛ menyi alɛ baa wora loŋ be asheŋ na men maaŋ tɔr kikɛ.

2 Pita 1:3

Ebɔrɛ bɔla mbe eleŋ so n sa anyi kusɔ kama nɛ k daga fanɛ an baa kɔ n tiŋ a wɔ kabɔrɛŋana be kebaawɔtɔ nɛ k daga to. Anyi be kebaanyi emo nɛ e bɔla mo gbagba be kemaŋkura nɛ mbe kelela so n tre anyi na so nɛ e wora loŋ.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

1 Jɔn 3:19

Loŋ nɛ anyeeŋ pin an ka wɔ kashenteŋ na to nɛ saŋkama malɛ nɛ an be ŋgbene bee ji a bri anyi, anyeeŋ wushi amo ashi Ebɔrɛ be anishito.

1 Jɔn 5:7

Kiyoyu na malɛ e la shɛdajipo na, ŋkpal manɛ so, Kiyoyu na e la kashenteŋ na.