Kɔlɔsiebi 2:16 - EBƆRƐ BE KAWƆL

¹⁶ Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.

Kɔlɔsiebi 2:16 ပူးပေါင်းရင်းမြစ်များ

2 Bewura 4:23

Nɛ mo kul bishi mo: “Manɛ nna nɛ fee sha keyɔ kabre? Kabre maŋ la kewushiachɛ ŋko kufɔl popɔr be kejigboŋ be kachɛgboŋachɛ.” Nɛ kache na shuli so ŋ kaŋɛ: “Kashenteŋ nna.”

1 Kronikɛls 23:31

Bumo koŋwule na e naŋ baa ta kechɔrɔ a sa Enyɛnpe Ebɔrɛ nsaa di mo epaŋ saŋkama nɛ baa lara kewushiachɛ nɛ kufɔl popɔr be nchɛgboŋ nɛ nchɛgboŋana kikɛ be esarga na. Kushuŋ nɛ b sa Livaiebi be katuŋ kama na e daga fanɛ b baa shuŋ Enyɛnpe Ebɔrɛ na be anishito saŋkama.

2 Kronikɛls 31:3

Ewura na daa lara mo gbagba be mbolpɔ nɛ ana nna a sa nɛ baa lara sarga chɔɔso kachipurso nɛ kaaseso kikɛ, nɛ kewushiachɛ be sarga nɛ kufɔl popɔr be kejigboŋ nɛ kabɔrɛshuŋ kikɛ be kejigboŋ be esarga nɛ Enyɛnpe Ebɔrɛ be mbra ŋini fanɛ b baa lara na.

Nehemaya 10:31

Anyi alɛ maaŋ tɔ asɔ, hale ajibi jiso gba esa kikɛ kutɔ Kewushiachɛ na ŋko kachɛ cheembi kikɛ. Kafɛ shunusopo kikɛ, anyeeŋ shin nɛ anyi be adɔsawule e dese n wushi. Anyi alɛ beeŋ ta basa be akɔ nɛ b ji anyi ŋ kɛ bumo loŋ be jemanɛ na.

Nehemaya 10:33

Amansherbi na beeŋ chɛ to ŋ ka ebodobodo cheembi na nɛ karechɛ kikɛ be esarga chɔɔso nɛ ayu be esarga na nɛ esargagboŋ nɛ baa lara Kewushiachɛ nɛ Kufɔl Popɔr be Kachɛgboŋ nɛ nchɛgboŋ nɛ a ka na kikɛ be kukɔ. Amo alɛ beeŋ naŋ ka anyi be alubi be ketampaŋ be esarga nɛ kabɔrɛshuŋ be kukɔ kikɛ ashi bɔrɛlambu na to.

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 81:3

Men foŋ mbel n fara kufɔl popɔr be kejigboŋ be kasheŋwora na kufɔl kikɛ be kachɛ sososo nɛ kumo be kachɛ baŋɛto na.

Aizaaya 1:13

Esarga nɛ menyee bar na kikɛ maŋ kɔ tɔnɔ. Ŋ kishi eduwu nɛ menyee chɔɔ na be efɛa nna ga. Ma alɛ maa sha Kufɔl Popɔr nɛ Kewushiachɛ be nchɛgboŋana nɛ menyi be kabɔrɛshuŋ be nshɛrana be asheŋ. Men wora alubi nna n jija amo.

Ezikɛl 4:14

Nɛ ma alɛ kaŋɛ Enyɛnpetale Ebɔrɛ le: “Loŋ maaŋ wora, ŋkpal manɛ so, m maŋ naŋ ji ma ekishi n jija ma kumu kikɛ. Yili ma kebia to kikɛ, m maŋ naŋ ji kusɔ wuso ŋko kusɔ nɛ kusɔbɔya pɛ n ji ŋ ka kikɛ. Ajibi nɛ a maŋ walɛ so maŋ naŋ luri ma kɔnɔ kikɛ.”

Ezikɛl 45:17

Mo e daga fanɛ e yili Israɛl be efuli na kikɛ be katelamu n lara asɔbɔya nɛ baaŋ ta n lara esarga chɔɔso nɛ baaŋ ta n lara ayu be esarga nɛ yabra belbelso be esarga na kikɛ jemanɛ nɛ baa ji Kufɔl Popɔr be Kachɛgboŋ nɛ Kewushiachɛ na nɛ nchɛgboŋ nɛ a ka na kikɛ na. Mo koŋwule na e daga fanɛ e lara asɔbɔya nɛ b ta n lara alubi nɛ ayu nɛ sarga chɔɔso nɛ kɔnɔkoŋwule be esarga nɛ e kpra Israɛl be basa be alubi.”

Levitikɔs 16:31

Kachɛ na daga k baa la kachɛ cheembi ga nɛ baaŋ kishi nsaa maŋ shuŋ shɛŋ nna. Mbraana ere wɔtɔ nna nɛ b baa bɛ amo so hale mbaanaayɔ.

Eemɔs 8:5

Menyi e naa kaŋɛ men be amu le na: “Saŋɛ mo nɛ kufɔl popɔr ere beeŋ wu nɛ an ya fa anyi be ayu. Saŋɛ mo nɛ kewushiachɛ na beeŋ choŋ nɛ an naaŋ fara a fa asɔ yawu kpakpaso nsaa puni a ta ekurwawurbi a karga asɔ?

Nɔmbɛs 10:10

Nɛ men baa ji menyi be kufɔl popɔr be kejigboŋ nɛ kabɔrɛshuŋ be kejigboŋana ko, k daga men baa foŋ mbel na saŋɛ nɛ menyee lara sarga chɔɔso nɛ kɔnɔkoŋwuleso be esarga na nɛ ma nɛ n la men Nyɛnpe nɛ men be Ebɔrɛ na e chɛ menyi to.”

Matiu 15:11

Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”

Maak 7:19

Ŋkpal manɛ so, k maa luri mbe kagbene to, mbe epun nawule to nɛ k bee luri a lar mbe eyur to.” Yesu daŋ malga le be demu nna a ŋini fanɛ kejibi kikɛ walɛ keji.

Ashuŋ Shunso 15:20

Ama a daga fanɛ an sibɛ kawɔl ŋ kaŋɛ bumo fanɛ b sa maa ji ajibi nɛ a maŋ walɛ so ŋkpal a ka la kalɔŋɛ be ajibi so. An kaŋɛ bumo fanɛ b baa gelge kubojuaji nsaa maa ji ŋklaŋ ŋko kusɔbɔya kama nɛ b maŋ teŋ.

Romebi 14:10

To, nɛ a ji nuso nna nɛ fee wu fo barkasa kulubi? Nɛ fo alɛ, manɛ e ba nɛ fee keni fo barkasa a bɔl? Ŋkpal manɛ so, kachako an kikɛ beeŋ yili Ebɔrɛ be demuji be echenakpa nɛ e ji anyi demu.

Galeeshaebi 4:10

Men keni kananɛ men naa wɔtɔ a bɛ nchɛgboŋana ko so nɛ afɔlana ko nɛ saŋɛana ko nɛ nfɛgboŋana ko so.

Kɔlɔsiebi 2:20

Ŋkpal menyi nɛ Yesu Kristo ka wu nɛ men maŋ naa tuge durnya ere to be edaŋkaresheŋ be keŋini na so, men sa maŋ naa tuge basa be amu to be mbraana fanɛ men ka kraa wɔ men be kebaawɔtɔ dra na to na.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.

Jeems 4:11

Ŋ kurgepoana, men sa maa ji abar be asheŋ a wu abar kulubi. Ekama nɛ e ji mo barkasa be asheŋ n wu mo kulubi e bee ji mbra na be asheŋ a wu kumo kulubi nna na. Fo kama malɛ nɛ fo wu mbra na kulubi, kumo ere fo maŋ naa nu a sa mbra na nna na, ama fo ki esa nɛ e bee ji kumo demu.

1 Samuɛl 20:18

Ade kikɛ be kaman nɛ Jonatan kaŋɛ le: Echefo e la kufɔl popɔr be kachɛ sososo be kejigboŋ na, fo alɛ baa maŋ yɔ ndoŋ, ekama nyam beeŋ pin fo ka maŋ wɔ ndoŋ.

1 Samuɛl 20:5

Nɛ Deevid kaŋɛ le: “Echefo e la kufɔl popɔr be kachɛ sososo be kejigboŋ na, nɛ k daga fanɛ ŋ ka ya tu fo tuto n ji, ama m maaŋ wora loŋ. Meeŋ yɔ kupuŋ to n ya fin kakpa ko ŋ ŋana n ya fo eklade be kaaseso.