Kɔlɔsiebi 1:6 - EBƆRƐ BE KAWƆL

⁶ Men chɛr n nu amo be asheŋ kashenteŋ be kubɔya na to, kumo e la baru lela nɛ Epafras bɔ n sa menyi na. Baru lela na e naa shin nɛ basa bee wora kelela durnya to kikɛ. Basa nɛ baa yirda baru na gba bee wora keshi nna fanɛ kananɛ k bee wora menyi to yili jemanɛ nɛ men nu baru lela na m pin nɛnɛ kananɛ Ebɔrɛ kɛ basa mbe kuwɔr be kakɛ kashenteŋto nna.

Kɔlɔsiebi 1:6 ပူးပေါင်းရင်းမြစ်များ

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Matiu 24:14

Baaŋ bɔ Ebɔrɛ be kuwura na to be baru lela ere durnya ere to kikɛ nɛ k baa la shɛda a sa efuli kama so ebi pɔɛŋ nɛ jemanɛ ere be ekar e fo.”

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Maak 16:15

Nɛ e kaŋɛ bumo: “Men yɔ efuli kikɛ so n ya bɔ kubɔya na n sa kepɔrso kikɛ.

Maak 4:8

Asɔ duuso na be ako malɛ tɔr eshishɛr lela to ŋ kɔr n daŋ n wora. Amo be ako wora bibi adesasa, ako adesheshe, ako malɛ kalfa kalfa.”

Baru lela nɛ Jɔn kute na 15:16

Mannɛ menyi e lara ma, ma e lara menyi nseŋ kaŋɛ menyi fanɛ men ya nya asɔrso nɛ a beeŋ baa wɔtɔ a yɔ. Saŋɛ na so, Etuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 17:19

Bumo alɛ so mee lara ma kumu nna a yili a sa fo, saŋɛ na so bumo alɛ gba beeŋ lara bumo be amu n yili n sa fo kashenteŋto.

Baru lela nɛ Jɔn kute na 4:23

Ama saŋko beeŋ ba fo, k teŋ fo gba nɛ basa e bɔla Ebɔrɛ be Kiyoyu be eleŋ so a bunyaŋ Etuto na kashenteŋto. Bumo nɛ b kɔ le be bunyaŋ ere nɛ Etuto na bee fin.

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 12:24

Jemanɛ na so malɛ kikɛ nɛ Ebɔrɛ be kamalga na bee yɔ anishito nɛ bebɛsopoana na bee wora keshi a ti so.

Ashuŋ Shunso 16:14

Ndoŋ nɛ an ya chena m malga n sa beche ko ka ba shɛr. Beche nɛ b daŋ nu anyi be kamalga na be eko e daa la Libiya, e daa la ewajɛ peper kunɔkunɔ nɛ amo be yawu daa du kpakpa na be efapo nna n shi Tayataira. E daa la eche nɛ e daŋ bunyaŋ Ebɔrɛ nna nɛ Enyɛnpe bugi mbe kagbene nɛ e bugi asoe n nu kusɔ nɛ Pɔɔl daa kaŋɛ na.

Ashuŋ Shunso 26:18

Ya bugi bumo be anishi n shin nɛ b lar bumo be tentembiri na to m ba kefulto to. Shin nɛ b lar Setani be eleŋ to m ba Ebɔrɛ peya to n shin nɛ b yirda ma nɛ n ta bumo be alubi m paŋ bumo nɛ b nya bumo be kakpa ashi Ebɔrɛ be basa laraso na to.’

Romebi 1:13

Bekurgepoana, mee sha fanɛ men baa nyi fanɛ saŋɛ damta nɛ ŋ kre keba menyi kutɔ be nia nɛ m ba shin nɛ basa e yirda Yesu kananɛ n shin nɛ nnyamase ko gba wora ashi mboŋ ko na, ama m maŋ nya kumo be ekpa.

Romebi 15:19

Kiyoyu na be eleŋ to nɛ m bɔla n shin nɛ b wu etɔɔnɛ nɛ emamachisheŋ. Amoso, baŋ yili Jerusalɛm be kade to n ta ŋ kulti n ya fo Ilirikem kikɛ m bɔ Kristo be baru lela na nɛnɛ n sa basa.

Romebi 15:28

Amoso, m baŋ ta le be toto ere n sa bumo nseŋ shuŋ ma kushuŋ na n loge, meeŋ pɛ Speen be efuli so be ekpa nseŋ gbɛ n chɔrɔ menyi.

Romebi 16:26

Naniere bre, ŋkpal asɔ nɛ anebiana na sibɛ n nase na so so, kashenteŋ na dii efuli nna. Ŋkpal Ebɔrɛ nɛ e wɔ ŋkpa to na saŋkikɛ be kusɔ nɛ e yili na so, kusɔ kama bugi to nna n dese a sa efuli kama so ebi, saŋɛ na so, baaŋ yirda nseŋ nu n sa Ebɔrɛ.

2 Kɔrintebi 10:14

Nɛ an daa maŋ fo menyi, an be keji njɔŋ daa maaŋ baa kɔ ekpa. Ama anyi alɛ ta Kristo be baru lela na n fo menyi.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Ɛfesesebi 3:2

Ma alɛ baa nyi geeŋ fanɛ men nu fanɛ Ebɔrɛ bɔla mbe kuwɔr be kakɛ so nna n sa ma kushuŋ na ŋkpal men be kelela so.

Ɛfesesebi 4:21

M baa nyi men ka daŋ nu mbe asheŋ nɛ b naŋ ŋini menyi kashenteŋ nɛ k wɔ mo koŋwule Kristo to na.

Ɛfesesebi 4:23

A daga fanɛ men be ŋgbene nɛ nfɛra kikɛ ka ki asɔ popɔr nyam.

Ɛfesesebi 5:9

Ŋkpal manɛ so, esa baa wɔ kefulto na to, alelasheŋ be yiri kikɛ nɛ asheŋ niŋiso nɛ kashenteŋ e naa lar mo to.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Filipaiebi 4:17

Mannɛ fanɛ mee sha kechɛto nna so nɛ mee malga le ere, ama nɛfa nɛ mee sha fanɛ Ebɔrɛ e ta n ti menyi so so.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

2 Tɛsalɔnikaebi 2:13

Bekurgepoana, a daga an ka chɔrɔ Ebɔrɛ saŋkama ŋkpal menyi nɛ Enyɛnpe bee sha na so. Ŋkpal manɛ so, Ebɔrɛ fara nna n lara menyi nɛ men nya kumɔlga ashi Kiyoyu Cheeŋ na to nseŋ ki Ebɔrɛ be basa cheembi a wɔ keyirda kashenteŋ na to.

1 Pita 5:12

Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.