Kɔlɔsiebi 1:28 - EBƆRƐ BE KAWƆL

²⁸ Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

Kɔlɔsiebi 1:28 ပူးပေါင်းရင်းမြစ်များ

Ɛzra 7:25

Ɛzra, ta kanyiasheŋ nɛ Ebɔrɛ sa fo na ŋ keni to n lara sheriajipoana nɛ demujipoana nɛ b baa keni to a ji asheŋ ashi Yufreetes be epeŋitɔrkpa be efuli so ndoŋ. A daga fanɛ b baa la basa nɛ b nyi fo Ebɔrɛ na be mbra na. Fo alɛ e naaŋ baa ŋini bekama nɛ b maŋ nyi amo na.

Aŋasa 8:5

Menyee wora abibisheŋ nna a? Men nya kenimufɛra. Men wuli nna ŋko? Men wora nfɛra.

Kaŋinichiŋgeliŋ 12:9

Ama ŋkpal eŋinipo na ka la enyiashempo so, e kraa ŋini basa asɔ nɛ mo ere nyi nna. E koya aŋasa nna nseŋ mige amo to nɛnɛ m pin amo be kashenteŋ kikɛ.

Jɛremaya 3:15

Meeŋ shin nɛ basa nɛ b nyi asheŋ nsaa nu a sa ma e ji menyi so kuwura nsaa keni menyi so fanɛ mbolpɔkpapo.

Jɛremaya 6:10

Ndoŋ nna nɛ ŋ kaŋɛ le: “Ekama nɛ ŋ kpele mo kusoe gba maaŋ nu n sa ma. Bumo be asoe ka du kpakpa ga so, baa mushe kubɔya kama nɛ fo ta n sa fanɛ n sa bumo na nna nsaa kini kenu n sa kumo.

Ezikɛl 7:10

To, kemur be kachɛ na taga to! K teŋ fo gba! Kebaa maa ji kashenteŋ nɛ mpuchi be kebaawɔtɔ sɔ kaplɛkama.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 3:7

Jɔn ka wu Efarisi nɛ Esadusi damtaana ka bee ba mo kutɔ nɛ e bɛr bumo kabɔrɛbɛr, nɛ e bishi bumo le: “Awɔ lubi be mbia ere, wanɛ e ŋini menyi fanɛ menyeeŋ tiŋ ŋ gelge Ebɔrɛ be agbo nɛ k bee ba basa so na?

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Maak 6:34

Yesu ka lar ekuloŋ na to nɛ e wu jimaŋ damta na nɛ bumo be asheŋ pɛ mo kuwɔr, ŋkpal manɛ so, b daa du fanɛ mbolpɔ nɛ b maŋ kɔ ekpapo nna. Nɛ e fara a ŋini bumo asɔ damta.

Luuk 21:15

Ŋkpal manɛ so, meeŋ bugi menyi be nnɔ nɛ men doŋana e pɔɔ menyi so ŋ gben ŋko n ji m bri menyi ŋ gben.

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Ashuŋ Shunso 11:20

Beyirdapoana nɛ b daŋ shi Saipres nɛ Sairini na be beko malɛ daŋ yɔ Antiɔk nna n ya bɔ Enyɛnpe Yesu be baru lela na be kubɔya na n sa nnyamase malɛ.

Ashuŋ Shunso 13:38

Ŋ kurgepoana, men kikɛ e baa nyi geeŋ fanɛ Yesu nawule so nɛ b bɔ alubi be ketampaŋ be kubɔya na a sa menyi.

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 17:3

a ta amo a bugi asheŋ to a ŋini bumo kananɛ a daga Kristo na ka beeŋ luri etɔrɔ to nɛ Ebɔrɛ e naŋ tiŋi mo luwu to ŋ kaŋɛ bumo: “Yesu nɛ mee malga mbe asheŋ ere e la Kristo na.”

Ashuŋ Shunso 20:31

Amoso, men baa da so a nyiŋi kananɛ n daŋ shu n fiɛ menyi so kenishipereso kapa nɛ kanyɛ nfɛ asa a ŋini menyi be ekama asheŋ na.

Ashuŋ Shunso 3:20

Nɛ Enyɛnpe Ebɔrɛ e shin nɛ ewushi e shi mo kutɔ m ba menyi be ayoyu to nɛ e shin nɛ Yesu nɛ e la Kristo nɛ Ebɔrɛ teŋ lara n sa menyi na e ba menyi kutɔ.

Ashuŋ Shunso 5:42

Kachɛ kama malɛ b daa luri bɔrɛlambu na to nɛ basa peana nna ŋ kraa ŋini nsaa bɔ baru lela na a sa basa a kaŋɛ fanɛ Yesu e la Kristo na.

Ashuŋ Shunso 8:35

Ndoŋ nna nɛ Filip fara abɔrɛsibɛ be kakpa nɛ kanyɛn na daa kraŋ na gbagba m bɔ Yesu be baru lela na n sa mo.

Ashuŋ Shunso 8:5

Filip daŋ yɔ Samɛria nna n ya bɔ Yesu Kristo na be asheŋ n sa ndoŋebi.

Ashuŋ Shunso 9:20

nseŋ yɔ nshɛrbuana to epul na to n ya fara a bɔ kubɔya na a kaŋɛ Yesu be asheŋ a kaŋɛ: “Mo e la Ebɔrɛ Pibinyɛn na.”

Romebi 16:25

Kemaŋkura e baa wɔ Ebɔrɛ nɛ e beeŋ shin nɛ men baa kɔ menyi be yirda na to a yil kpakpa ŋkpal baru lela nɛ m bɔ n sa menyi m malga Kristo be kubɔya na be asheŋ na so nɛ ŋkpal kashenteŋ be wulo nɛ k daŋ ŋana dra dra na kikɛ so.

1 Kɔrintebi 1:23

Ama anyi ere, Kristo mo nɛ b daŋ gbir m mata kedibi largato so na be asheŋ be kubɔya nɛ anyee bɔ a sa basa. Loŋ be kubɔya na malɛ la kusɔ nɛ k bee kagle Juwebi ekpa nna nsaa la kawulisheŋ a sa Nnyamase malɛ.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 12:8

Kiyoyu na bee kaa sa esa ko kanyiasheŋ be kamalga be kakɛ nna ŋkaa sa eko malɛ nfɛra mo nɛ a shi mo gbagba kutɔ nɛ e malga be kakɛ.

1 Kɔrintebi 15:12

Ama nɛ fanɛ baa bɔ Kristo be baru na a kaŋɛ fanɛ e tiŋi luwu to, nuso nɛ men be beko bee wora a kaŋɛ fanɛ ketiŋi luwu to maŋ wɔtɔ?

1 Kɔrintebi 2:15

Ama Kiyoyu to be esa bre bee tiŋ a pin asheŋ kama to nna, ama esa kama maaŋ tiŋ m pin loŋ be esa na be asheŋ to.

1 Kɔrintebi 2:6

Ama anyee kaa malga kanyiashenso be mmalga nna ashi bumo nɛ b kɔ kenimufɛra to bre, ama mannɛ kanyiasheŋ mo nɛ k shi durnya ere to nna. Kumo alɛ maŋ naa shi bumo nɛ b kɔ eleŋ durnya ere to nɛ a bee mur na kutɔ.

1 Kɔrintebi 4:14

M maa sibɛ asɔ ere nna a sa menyi nɛ n ta anishinyɔr m pɛ menyi, ama mee sibɛ amo nna nɛ n niŋi menyi ekpa ŋkpal men ka la ma mbia shaso so.

2 Kɔrintebi 10:14

Nɛ an daa maŋ fo menyi, an be keji njɔŋ daa maaŋ baa kɔ ekpa. Ama anyi alɛ ta Kristo be baru lela na n fo menyi.

2 Kɔrintebi 11:2

Kashenteŋto, kasha be kayurbesa nɛ k du fanɛ Ebɔrɛ peya na nɛ ŋ kɔ a keni menyi so, ŋkpal manɛ so, men du fanɛ kasuŋgurbia nna nɛ n ta menyi n sa enyɛn mo nɛ e la Kristo na nɛ kachako nɛ n ta menyi cheembi m bɔɔ ekul koŋwule na enɔ.

2 Kɔrintebi 4:5

Ŋkpal manɛ so, mannɛ anyi gbagba be asheŋ be baru nɛ anyee bɔ, Yesu Kristo be baru nɛ anyee bɔ a kaŋɛ fanɛ mo e la Enyɛnpe na nɛ anyi alɛ la men be beshumpo ŋkpal Yesu so.

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

Ɛfesesebi 5:27

Saŋɛ na so e beeŋ ta asɔri na nɛ kumo be kela kikɛ nɛ kumo be kananɛ k ki cheembi nɛ kananɛ k maŋ kɔ kulubi kikɛ ŋko nɛ kananɛ kulubi kikɛ maŋ do kumo so nɛ kananɛ k maŋ nɔkɔr to ŋko kananɛ k maaŋ baa du bubɔrɔ kikɛ na m bɔɔ mo gbagba be kumu enɔ.

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.

Kɔlɔsiebi 1:22

Ama naniere, Etuto na shin nɛ menyi nɛ mo naŋ nyalɛ ŋkpal Yesu be luwu nɛ e wu na so. Kumo e naaŋ shin nɛ men baa du cheembi nɛ esa kikɛ e sa maŋ tiŋ n wu menyi alubi ŋko n ji men be kebaawɔtɔ emɔrɔ jemanɛ nɛ Yesu Kristo beeŋ yɛr menyi Ebɔrɛ kutɔ na.

Kɔlɔsiebi 2:10

Ŋkpal menyi nɛ Yesu Kristo nɛ e la eleŋ be yiri kikɛ be enimu na ka ki kukoŋwule so, men kɔ ŋkpa kikɛ.

Kɔlɔsiebi 2:3

Wulo na e la fanɛ Ebɔrɛ lara Yesu Kristo nɛ mo nawule shin nɛ an nya kanyiasheŋ kashenteŋto nseŋ shin nɛ an pin kashenteŋ na kikɛ.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

1 Timoti 3:2

Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.

Hibruwebi 10:14

Amoso, sarga koŋwule nɛ e baŋ ta n shin nɛ basa nɛ baa ki cheembi na bee ki basa cheembi na mbaanaayɔ.

Hibruwebi 13:21

Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

2 Pita 3:15

Men baa nyi men be ŋgbene to fanɛ Enyɛnpe be kanyiti e la kumɔlga fanɛ kananɛ Ebɔrɛ daŋ sa an niopibi Pɔɔl kanyiasheŋ nɛ e sibɛ menyi na.