Kɔlɔsiebi 1:24 - EBƆRƐ BE KAWƆL

²⁴ Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

Kɔlɔsiebi 1:24 ပူးပေါင်းရင်းမြစ်များ

Maak 10:39

Nɛ b kaŋɛ: “Mm, anyeeŋ tiŋ.” Ndoŋ nna nɛ Yesu kaŋɛ bumo: “Kashenteŋ, menyeeŋ ji awurfoŋ nɛ mee ji ere, menyeeŋ sɔ tɔrɔ nɛ baa ta ma a wɔtɔ to,

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

Romebi 5:3

Mannɛ aloŋ gba nawule so, ama an ka wɔ tɔrɔ to so nɛ anyi be ŋgbene kraa naŋ fuli anyi n ti so, ŋkpal manɛ so, an nyi tɔrɔ ka bee bar kenya kagbene a kɔ to be kebaawɔtɔ

Romebi 8:17

To, nɛ anyi alɛ baa la mbia bre, kumo ere anyeeŋ nya enɛfa nɛ e kɔ a jo mbe basa na. Kumo be kaman nɛ anyi nɛ Kristo e naaŋ nya kusɔ nɛ Ebɔrɛ kɔ a sa mo na, ŋkpal manɛ so, nɛ an baa tu Yesu a ji mbe awurfoŋ na fanɛ kananɛ e daŋ ji na, anyi alɛ beeŋ naŋ tu mo n nya mbe kemaŋkura na.

1 Kɔrintebi 12:27

To, menyi e la Kristo be eyur na nsaa la kumo be mba kukoko to.

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

2 Kɔrintebi 7:4

Ma yirda shi menyi so ga nɛ mee ji njɔŋ ga ŋkpal menyi so. Ma kagbene kikɛ baa dese ma nna, hale anyi be kekɔrfɛ ere kikɛ to, ma kagbene baŋ fuli ma nna parr.

Ɛfesesebi 1:23

Asɔri na e la Kristo be eyur na. Mo e naa shin nɛ kusɔ kama bee bɔla so a loge nɛnɛ ashi ekpa kama so.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ɛfesesebi 3:13

Amoso, mee kule menyi nna fanɛ men sa maa pɔ aba ŋkpal ŋ ka bee wu tɔrɔ a sa menyi so so, men be kelela so nɛ loŋ be asheŋ bee nya ma.

Filipaiebi 3:10

Kusɔ nɛ m baa sha asheŋ ere kikɛ to e la fanɛ m baa nyi Kristo na nsaa tiŋ a wu mbe ketiŋi luwu to be eleŋ na ma kebaawɔtɔ to nseŋ naa tiŋ a tu mo a ji mbe awurfoŋ na n tiŋ ŋ ki fanɛ mo gbagba ashi mbe luwu na to.

Kɔlɔsiebi 1:18

ŋkpal manɛ so, mo e la ejuŋkparpo nɛ e tiŋi luwu to ashi bumo nɛ b wu na kikɛ to.

2 Timoti 1:8

Amoso, sa maŋ shin nɛ keji an Nyɛnpe na be shɛda be asheŋ ŋko ma nɛ n wɔ kabuti to ŋkpal mo so ere be asheŋ e baa wora fo anishinyɔr kikɛ. Ama fo alɛ gba e baa bɔla eleŋ nɛ Ebɔrɛ sa fo na so a shuli a ji awurfoŋ ŋkpal baru lela na so.

Jeems 1:2

Ŋ kurgepoana, saŋkama nɛ men baŋ luri kechɔŋkeni be yiri kikɛ to, men shin nɛ men be ŋgbene e baa fuli menyi.