Kɔlɔsiebi 1:20 - EBƆRƐ BE KAWƆL

²⁰ An Tuto na e shin nɛ mo Pibi bar asɔtoso kikɛ abar so nɛ Ebɔrɛ nɛ asɔtoso na naŋ wora kɔnɔkoŋwule, asɔtoso nɛ a wɔ kasawule so nɛ amo nɛ a wɔ ebɔrɛso kikɛ, kumo e la fanɛ, mo Pibi na bar kagbenewushi Ebɔrɛ nɛ asɔtoso kikɛ be nferinto ashi mbe ŋklaŋ nɛ a lar saŋɛ nɛ e wu kedibi largato na so na.

Kɔlɔsiebi 1:20 ပူးပေါင်းရင်းမြစ်များ

Levitikɔs 6:30

Ama kulubi be sarga be kusɔbɔya kama nɛ b ta kumo be ŋklaŋ nɛ b ta n luri wajɛbu na to n ya kule ketampaŋ ashi kakpa cheembi na bre maŋ daga keji. A daga b chɔɔ kumo nna m mur.”

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Maika 5:5

nɛ e bar kayurwushi m ba sa bumo. Asiriya be efuli so be basa kaŋ ba kɔ m bure n luri anyi be mboŋ lempoana to, anyeeŋ shuŋi anyi be bejuŋkparpo lempoana nɛ b ya kɔ bumo.

Matiu 1:21

E beeŋ kurge ebinyɛn nɛ men nase mo ketre Yesu, ŋkpal manɛ so, mo e naaŋ mɔlga mbe basa ashi bumo be alubi to.”

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Ashuŋ Shunso 10:30

Nɛ Kɔɔnilias kaŋɛ: “Kachɛnawase be kapaso, kerfi asa, saŋɛ ere so nɛ mee kule Ebɔrɛ ashi ma pe nɛ kanyɛn ko buu asɔ fuful m ba yili ma anishito nseŋ kaŋɛ ma:

Romebi 5:1

Naniere Ebɔrɛ ka kpal anyi be yirda so n shin nɛ an ji n lar mbe anishito ere bre, an bɔla an Nyɛnpe Yesu Kristo so a kɔ kagbenewushi ashi Ebɔrɛ na be anishito.

Ɛfesesebi 1:10

Ebɔrɛ be kusɔ nɛ e nase nɛ e wora amo jemanɛ na gbagba kaŋ fo na e la fanɛ e beeŋ bar kepɔrso kikɛ abar so, amo nɛ a wɔ esoso nɛ kasawule so kikɛ nyam nɛ Kristo e baa la amo kikɛ be kumu.

Filipaiebi 2:10

Nseŋ yili kumo fanɛ kumuli kikɛ nɛ k wɔ ebɔrɛso nɛ kasawule so nɛ durnya nɛ k wɔ kaseto beeŋ gbir m bunyaŋ Yesu be ketre na.

Kɔlɔsiebi 1:16

ŋkpal manɛ so, Ebɔrɛ shin nɛ mo Pibi to asɔ kikɛ, amo nɛ a wɔ ebɔrɛso nɛ amo nɛ a wɔ kasawule so, amo nɛ basa beeŋ tiŋ n wu nɛ amo nɛ basa maaŋ tiŋ n wu, kuwurjiana nɛ eleŋana, esoso be kenimujipoana nɛ bejuŋkparpoana. Ebi na e to amo kikɛ nɛ b baa bunyaŋ mo.

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.