Kɔlɔsiebi 1:18 - EBƆRƐ BE KAWƆL

¹⁸ ŋkpal manɛ so, mo e la ejuŋkparpo nɛ e tiŋi luwu to ashi bumo nɛ b wu na kikɛ to.

Kɔlɔsiebi 1:18 ပူးပေါင်းရင်းမြစ်များ

Nshɛ 89:27

Meeŋ shin nɛ e ki ma wurkoŋnyɛn, nseŋ ki esagboŋ a chɔ durnya to be bewura kikɛ.

Sɔlɔmɔn 5:10

N jipo walɛ keyɛrbi nna, nsaa kɔ eleŋ nɛnɛ. E wɔ basa ŋgboŋ kudu gba to feeŋ wu mo.

Aizaaya 52:13

Ade kikɛ be kaman, nɛ Enyɛnpe Ebɔrɛ kaŋɛ le: “Asheŋ beeŋ nite nɛnɛ n sa ma kenya ashi kusɔ kama nɛ e bee wora to. Mo alɛ beeŋ nya kemaŋkuragboŋ nɛ basa e kpaŋ mo ga.

Matiu 23:8

Ama a maŋ daga men ka bee shin nɛ b baa tre menyi rabai, ŋkpal manɛ so, men kikɛ la keniopibi nna a kɔ Eŋinipo koŋwule.

Matiu 28:18

Nɛ Yesu firgi n taga bumo to ŋ kaŋɛ le: “B ta ebɔrɛso nɛ kasawule so be eleŋ kikɛ nna m bɔɔ ma enɔ.

Baru lela nɛ Jɔn kute na 1:1

Pɔɛŋ nɛ durnya fara na nɛ esa nɛ baa tre Ebɔrɛ be Kamalga na wɔtɔ. Mo nɛ Ebɔrɛ e daa wɔtɔ nɛ mo nɛ Ebɔrɛ malɛ daa la kukoŋwule.

Baru lela nɛ Jɔn kute na 1:16

Mbe kuwɔr be kakɛ nɛ k bɔlɔ mo to felɛlɛ na to nɛ e nɛfa anyi nseŋ kraa wɔtɔ a nɛfa a nɛfa anyi.

Baru lela nɛ Jɔn kute na 1:27

Mo e la esa nɛ e wɔ ma kaman a ba na, esa nɛ m maŋ fo mbe aya to be shishɛr gba so na.”

Ashuŋ Shunso 26:23

Kumo e la fanɛ, a daga fanɛ Kristo na e ji awurfoŋ nseŋ wu n juŋkpar ekama n tiŋi luwu to ŋ ŋini Juwebi nɛ nnyamase fanɛ baaŋ tiŋ n nya kumɔlga, kumo alɛ e la kefulto bumo kutɔ.”

Romebi 8:29

Bumo nɛ e chɛr a nyi koŋwule na nɛ e lara n yili fanɛ b baa du fanɛ mo Pibinyɛn na, saŋɛ na so, Ebinyɛn na beeŋ baa la bekurgepo damtaana na to be ejuŋkparso.

1 Kɔrintebi 11:3

Ama mee sha nna nɛ men pin fanɛ enyɛn kama be kumu e la Kristo, nɛ eche malɛ be kumu la enyɛn nɛ Kristo malɛ be kumu la Ebɔrɛ.

1 Kɔrintebi 12:27

To, menyi e la Kristo be eyur na nsaa la kumo be mba kukoko to.

1 Kɔrintebi 15:25

Ŋkpal manɛ so, a daga fanɛ e baa ji kuwura loŋ n ya fo saŋɛ nɛ Ebɔrɛ beeŋ ta mo doŋana kikɛ n wɔtɔ mbe enɔ to na.

Ɛfesesebi 1:10

Ebɔrɛ be kusɔ nɛ e nase nɛ e wora amo jemanɛ na gbagba kaŋ fo na e la fanɛ e beeŋ bar kepɔrso kikɛ abar so, amo nɛ a wɔ esoso nɛ kasawule so kikɛ nyam nɛ Kristo e baa la amo kikɛ be kumu.

Ɛfesesebi 5:23

Ŋkpal manɛ so, ekul na e la mbe eche be kumu fanɛ kananɛ Kristo la asɔri be kumu nɛ k la mbe eyur nɛ e la kumo be emɔlgapo na.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

Kɔlɔsiebi 2:19

Mo alɛ nɛ Yesu Kristo nɛ e la an be enimu na maŋ la kukoŋwule. Yesu Kristo na e la an be enimu a shin nɛ Ebɔrɛ be basa bee nya Ebɔrɛ be kenyi a ti so a du kananɛ Ebɔrɛ bee sha a wɔ abar so fanɛ kananɛ awibichɛkpa nɛ achin bee pɛ esa be eyur a kukwe abar so na.

1 Jɔn 1:1

Yesu Kristo nɛ baa tre Kamalga nɛ k bee sa ŋkpa nsaa wɔtɔ durnya be sososo kikɛ na be asheŋ nɛ anyee sibɛ a sa menyi na. E malga nɛ an nu nseŋ wu mo kenishiso ŋ keni mo nseŋ ta an be enɔana m beta mo.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.

Kelaraŋŋini 1:5

Loŋ be kuwɔr be kakɛ koŋwule na nɛ kagbenewushi na e shi Yesu Kristo nɛ e la shɛdajipo nɛ esa beeŋ tiŋ n yirda na, mo alɛ nseŋ juŋkpar bubuni kikɛ n tiŋi luwu to nseŋ naa la kasawule ere so be bewura be esa nɛ e bee ji bumo so kuwura na kutɔ m ba. E bee sha anyi nna ga nseŋ bɔla mbe ŋklaŋ so na n sɔ anyi ashi alubi to n yige,

Kelaraŋŋini 1:8

Enyɛnpe Ebɔrɛ na yɛ: “Ma e la Alfa nɛ Omega, Enyɛnpetale mo nɛ e daa wɔtɔ nseŋ kraa wɔtɔ nseŋ naa ba na.”

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 22:13

Ma e la Alfa nɛ Omega, Faraŋko nɛ Lalaloge nɛ Ejuŋkparpo nɛ Emantopo na.

Kelaraŋŋini 3:14

Nɛ e naŋ kaŋɛ: “Sibɛ kawɔl ere n sa Laodisiya be kade to be asɔri be malaika na ŋ kaŋɛ mo le: ‘Mmalga ere shi ma nɛ n la Amɛn nɛ kashenteŋ be shɛdajipo nɛ baaŋ tiŋ n yirda na nɛ n la Ebɔrɛ be kepɔrso kikɛ be gbaltɔlase na kutɔ nna.